அனல் பூக்கள் ஆகிவிடு!

**kirikasan** · **kirikasan** Thu Mar 03, 2011 5:07 pm

கண்ணே அன்புகனியே- உந்தன்
கைகள் வீசம்மா
கால்கள் இரண்டும் சோர்ந்தேநிற்கக்
காணுவ தென்னம்மா?
மண்ணில் வீழ்ந்து மனமும்வாட
மறுகுவதேனம்மா
மன்னனமகளே மகிழ்வேகொள்ளு
மலர்கள் பார்ப்போம் வா!

(தோட்டத்தில்)

அழகுமலர்கள் பூத்து காணும்தோட்டம் பாரடி
அவைக ளின்பமாக தோன்றும் காட்சிகாணடி
மெழுகுபோலு மிதழ்கள் கொண்ட மென்மைபாரடி
மெல்ல வீசும்காற்றில் வாசம் மிதக்கும்பாரடி

வண்ணப்பூக்கள் பூத்து வாசம் வீசிநிற்குது -அவை
வட்டமாக சுற்றி காணு மொட்டு அவிழுது
கண்ணில்காண காலைநேரம் களிப்புமாகுது -அது
காற்றிலாடி மெல்லமெல்லக் கதைகள்பேசுது

வெள்ளை மஞ்சள் நீல வண்ணபூக்கள் பாரடி- பாதை
வீதியோரம் வேலிமீது வைத்ததாரடி
உள்ளவிதங்கள் வேறுவேறு உண்டு ஆயினும்
ஒன்றுசேர்ந்த்து வாசம்வீசும் உணர்வு ஒன்றடி

அள்ளி இன்பம் தந்து காற்றில் ஆடிநின்றிடும் -எந்த
அல்லல் தீமை செய்யும் பூக்கள் அங்கு இல்லையாம்
கள்ளமற்ற மென்மை கொண்ட உள்ளமாகவே -அங்கு
கண்ண சைப்பதாக ஆடிக்காற்றில் நிற்குதே

என்ன வண்ண மென்னும்பேத மில்லைப் பாரடி -தீய
எத்தராக ஒன்றை ஒன்று ஏய்ப்பதில்லையே
கன்னத்தோடு கன்னம்சேர்த்துகதைகள் கூறியே -நல்ல
கட்டுமலர்கள் கூட்டமாகக் காணுமின்பமே

நீயும் அந்தப் பூக்கள்போல நெஞ்சம்கொண்டிடு -என்றும்
நித்தம்காலை புத்தம் புதிய வாழ்வென்றெண்ணிடு
பேயும் பாயும்கொல் விலங்கு போல மாந்தரும் -இந்த
பாவம்கொண்ட பூமிகாண்பர் பார்த்துநடந்திடு

பூக்கள் போல உள்ளம்கொண்டபோதும் கண்மணி -பாரு
பொய் புரட்டுதீமை கொள்ளை செய்யும்தீயவர்
நீக்கமின்றி பூமியெங்கும் நிற்கக் காண்கிறோம் - வாழ்வில்
நீயும் அந்த நீசருக்கு நெஞ்சம் இறுகிடு

பூக்கள்போலப் பேச்சில்பார்வை மென்மையாகவும் கெட்ட
புல்லர் காணும் போது தீயைப்போல வன்மையும்
ஆக்கிஉன்னைஅழிவு செய்யுமகிலம் மீதிலே -நின்று
அனலைக் கக்கும்பூக்கள் போல ஆகி வாழ்ந்திடு

**சிவா** · **சிவா** Thu Mar 03, 2011 5:15 pm

அழகு வரிகளுடன், சிறந்த அறிவுரைகளைக் கூறும் கவிதை! அனல் பூக்கள் ஆகிவிடு! 154550

**kirikasan** · **kirikasan** Thu Mar 03, 2011 5:44 pm

சிவா wrote:அழகு வரிகளுடன், சிறந்த அறிவுரைகளைக் கூறும் கவிதை!

ஆமாம் சிவா, நான் குழந்தைகளுக்கு ஏதாவது எழுதலாமே என்ற எண்ணத்தின் ஆரம்பம் இது. எழுதிப் பார்ப்போமே

கலைவேந்தன் · கலைவேந்தன் Fri Mar 04, 2011 12:26 am

எல்லாத்துறையிலும் வல்லுனராயிருக்கும் உஙக்ளைப்பெற்றது ஈகரையின் நற்பேறே... பாராட்டுக்கள் கிரிகாசன்...!

**kirikasan** · **kirikasan** Fri Mar 04, 2011 3:00 am

கலை wrote:எல்லாத்துறையிலும் வல்லுனராயிருக்கும் உஙக்ளைப்பெற்றது ஈகரையின் நற்பேறே... பாராட்டுக்கள் கிரிகாசன்...!

நன்றி கலையண்ணா! நல்ல கவிதைகள் எழுதவேண்டும். பார்ப்போம். இது ஆரம்பம்

Sponsored content · Sponsored content

அனல் பூக்கள் ஆகிவிடு!

அனல் பூக்கள் ஆகிவிடு!

Re: அனல் பூக்கள் ஆகிவிடு!

Re: அனல் பூக்கள் ஆகிவிடு!

Re: அனல் பூக்கள் ஆகிவிடு!

Re: அனல் பூக்கள் ஆகிவிடு!

Re: அனல் பூக்கள் ஆகிவிடு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக