திமுக கூட்டணியில் கொங்கு நாடு முன்னேற்றக் கழகத்துக்கு 7 சீட்

ரபீக் · ரபீக் Thu Mar 03, 2011 9:56 am

கொங்கு நாடு முன்னேற்றக் கழகத்திற்கு 7 சீட்கள் ஒதுக்கப்பட்டுள்ளன.

கடந்த லோக்சபா தேர்தலில் திமுக கூட்டணிக்கு மேற்கு மண்டலத்தில் பெரும் சரிவை ஏற்படுத்த இந்தக் கட்சியே காரணம். குறிப்பாக காங்கிரஸ் கட்சி முக்கிய தொகுதிகளில் தோற்றதற்கு இக்கட்சி பிரித்த வாக்குகளே காரணம்.

இதையடுத்து தற்போது இக்கட்சியை தனது கூட்டணியில் சேர்த்துள்ளது திமுக.

நேற்று இரவு இக்கட்சிக் குழுவினருக்கும், திமுக குழுவுக்கும் இடையே நடந்த பேச்சுவார்த்தையில் 7 சீட்கள் தர உடன்பாடு ஏற்பட்டது.

பேச்சுவார்த்தை முதல்வர் கருணாநிதி முன்னிலையில் நடந்தது. ஸ்டாலின், அமைச்சர்கள் வேலு, பொங்கலூர் பழனிச்சாமி, முன்னாள் அமைச்சர் முத்துச்சாமி உள்ளிட்டோர் திமுக சார்பில் கலந்து கொண்டனர்.

பேச்சுவார்த்தை வெற்றிகரமாக முடிந்த பின்னர் செய்தியாளர்களிடம் பேசிய கொங்கு நாடு கட்சியின் பொதுச் செயலாளர் ஈஸ்வரன் கூறுகையில், நாங்கள் 7 தொகுதிகளிலும் சிலிண்டர் சின்னத்தில் போட்டியிடுவோம் என்றார்.

கொங்கு நாடு முன்னேற்றக் கழகம் திமுககூட்டணிக்கு வந்திருப்பதன் மூலம் அக்கூட்டணிக்கு கோவை உள்ளிட்ட கொங்கு மண்டலத்தில் பலம் கூடியுள்ளது. இப்பகுதி அதிமுகவின் கோட்டையாக திகழ்வது குறிப்பிடத்தக்கது

தட்ஸ்தமிழ்

மஞ்சுபாஷிணி · மஞ்சுபாஷிணி Thu Mar 03, 2011 9:57 am

சிலிண்டர் வெடிக்காம இருந்தால் சரி தான்...

கோவை ராம் · கோவை ராம் Thu Mar 03, 2011 1:46 pm

முதலில் அம்மா முன்னேறினால் போன்று தெரிந்தது .ஆனால் காங்கிரஸ் தவிர மத்த கட்சிகளுக்கு சீட் ஒதுக்கி விரைவாக தேர்தலை எதிகொள்ள தி.மு.க .கூட்டணி ஆரம்பித்து விட்டது பிரசாரத்திற்கு 37 நாட்கள் மட்டுமே உள்ள நிலையில் முதலில் முடிவு எடுக்கும் கூட்டணி அதிகம் முன்னேற வாய்ப்பு உண்டு .

கொங்கு நாடு முன்னேற்ற கழகத்தினால் தி.மு.க கொங்கு பகுதிகளில் ஓரளவு சீட் பெற வாய்ப்பு உண்டு .இல்லையென்றால் மொத்த கொங்கு பகுதியையும் ஆதி.மு.க .வளைத்துவிடும் .

அம்மா என் இன்னமும் தொகுதி பங்கீடு பற்றி அறிவிக்காமல் இருக்கிறார்கள் .வழக்கம் போல் வைகோ தான் இளிச்ச வாயன் ஆக்கப்படுவார் போல தெரிகிறது .

ராம்

பிரகாசம் · பிரகாசம் Thu Mar 03, 2011 2:07 pm

சாதிகள் இல்லையடி பாப்பா புன்னகை

**சிவா** · **சிவா** Thu Mar 03, 2011 5:13 pm

கொங்கு நாடு முன்னேற்ற கழகமா? இது என்ன புதுக் கட்சியா? அல்லது ஏற்கனவே உள்ளதா?

கோவை ராம் · கோவை ராம் Thu Mar 03, 2011 5:24 pm

சாங்கமாக இருந்து 6 ஆண்டுகளாக கட்சியாக மாறி உள்ளது .சென்ற நாடாளுமன்ற தேர்தலில் 2 தொகுதிகளில் இ இலட்சத்திகும் மேலும் 2,3 தொகுதிகளில் 40 ஆயிரம் வரை வாக்குகள் வாங்கி அனைவரையும் ஆச்சரிய படுத்திய கட்சி .கொங்கு வேளாள கவுண்டர்கள் அதிகம் உள்ள அமைப்பு .

ராம்