இக்கவிதை வடிவம் எதிர்ச் சொல் அலங்காரமா?

First topic message reminder :

இந்தக் கவிதை வடிவம் எதிர்ச் சொல் அலங்காரம். இரு வேறு பட்ட கேள்விகளுக்கு ஒரு சொல்லில் பதில். பதில் சிலேடையாக அமைந்து இரு கேள்விகளுக்கும் விடையாகும்.

ஊடகங்கள் தேடித்தருவதெது
பாடகர்கள் பாடித்தருவதெது
சங்கதிகள்
==============================================
முடி நரை மறைப்பதெது
முதலாள் செய்வதெது
தலைமையேற்றல்
=====================================

பசித்தவன் பந்தியில் விடுவதென்ன
புசித்தவன் வாயில் போடுவதென்ன
வெற்றிலை
=============================================
தளபாடம் செய்வதெப்படி
ஒற்றுமை வளர்வதெப்படி
பலகைகள் இணத்து
=======================================

சக்கரம் சுழல்வ தெப்படி?
திண்ணை மெழுகுவ தெப்படி?
அச்சாணியிட்டு.

=====================================
காதலன் கை துடிப்பதேன்?
விளக்கின்மேல் கை வீசுவதேன்?
அணைப்பதற்கு.
========================================

கலைஞன் திமிர் பெருகுவ தெப்படி?
கன்னி நெஞ்சம் பொருமுவ தெப்படி?
இணையின்றி
================================================

கலவியில் இணைவதெங்கே?
கல்வியில் உயர்வதெங்கே?
பள்ளியறையில்.
============================================

மாமியார் தேடும் மருமகள் யார்
மறைந்துபோன ஒரு மகள் யார்
அடக்கமானவள்
===================================================
பசுவின் பால் கறப்பது எப்படி?
பாண்டவர்கள் பிறந்தது எப்படி?
குந்தி இருந்து
========================================


பாம்பு ஓடுவது ஏன்?
பாழ்கிணறு இடிவது ஏன்
அடிப்பார் அற்று

========================================
குளத்து மீன் பெருகுவது எப்படி
குமரி மார்பு சிறுப்பது எப்படி
பிடிப்பார் அற்று

**************************************************************************
நண்பர்களும் இதுபோன்று பதியலாமே......................

அனைத்தும் அருமையாக உள்ளது சுதாநந்தன்! ஆனால் என்னால் இவ்வாறு எழுத முடியவில்லையே? முயற்சிக்கிறேன்!

விருதால் மகிழ்ச்சி எப்போ?
பெண் தாயாவது எப்போ?
பெற்றால்...

மலர்களை தொகுத்தால்
சூரியன் மறைந்தால்
மாலை

இரத்தம் கொட்டுவதேன்?
இரசம் மணப்பதேன்?
பெருங்காயத்தால்.

சொந்தமல்ல. கேட்டது.. நன்றி மாமனார்.

தோட்டம் மணப்பதேன்..?
காதல் தோன்றுவதேன்..?

மாதுளம் கனிவதால்..

அருமையா அருமை!!