ஏமாற்றம் (எனக்கு இளையவளோ மூத்தவளோ மாற்றிய்மைத்த கவிதை)

**kirikasan** · **kirikasan** Mon Feb 28, 2011 2:56 pm

நான்பிறந்தேன் ஒருநாட்டினிலே
சிறு வீட்டினிலே எந்தன்பாட்டினிலே
நீபிறந்தாய் நீலவானத்திலே இருள்
நேரத்திலே முகிலோரத்திலே
ஏன் நடந்தேன் அந்திநேரத்திலே நதி
யோரத்திலே மனப்பாரத்திலே
நீயிருந்தா யொளிப் பால்நிலவே இருள்
நீங்கிடவே என்னைக் காத்திடவே

தேனெனவே ஒளிபால்நிலவை நதி
மீதெறிய அலைதானொளிர
தான்மனதும் மகிழ்வாகிடவே உணர்
வானதுவே துள்ளி ஆடியதே
காண் பதிலே நீரினோடையிலே அல்லி
யானதொன்றே மலர்ந்தே யிருக்க
நீவிண்ணிலே இங்குநான்மண்ணிலே இருந்
தாலும்மனம் மகிழ்வானதுவே"

தேன்நிலவின் ஒளி மின்னிடவே நதி
துள்ளியதே நல்லபொன்னெனவே
கூன் விழவே அதுஓடியதே ஒலி
கொண்டொரு நங்கையின் புன்சிரிப்பே
ஏன்நடுவே ஒரு அல்லியுமே இதழ்
இன்பமெடுத்து அவிழ்கிறதே
எண்ணமதில் அதுஉன்னை யெண்ணிமன
ஏக்கமுடன் நீரில்ஆடியதோ.

மாலை யென மலர் தூங்கிடவே
மணம்வாங்கிடவே தென்றல் ஏங்கியதே
மேலைவானக் கடல் வீழ்ந்திடவே
மறைந் தான்கதிரோன், எனக் காரிருளே
சோலை யடிமரக் காட்டினிலே
சுற்றி மேட்டினிலே பெருநாட்டினிலே
சேலைஅணிந்த பெண் கூந்தலெனச் புவி
சுற்றியிருள் கரம்மூடியதே

இன்பம்தருங்குளிர் வீசியதே
உள்ளம் கூசியதே உடல் ஆடியதே
சின்னதென இசை தென்றலிலே வந்து
சேர்ந்ததுவே காதில்தேன் எனவே
இன்பமடைந்தஎன் நெஞ்சினிலே வந்த
எண்ணமது துள்ளி ஆடிடவே
நன்றிசொல்ல உனைத்தேடி நின்றேன்அந்தோ
நீயிருந்தாய் முகில் மூடிடவே

நியாஸ் அஷ்ரஃப் · 15/06/2010

"தேனெனவே ஒளிபால்நிலவை நதி
மீதெறிய அலைதானொளிர
தான்மனதும் மகிழ்வாகிடவே உணர்
வானதுவே துள்ளி ஆடியதே
காண் பதிலே நீரினோடையிலே அல்லி
யானதொன்றே மலர்ந்தே யிருக்க
நீவிண்ணிலே இங்குநான்மண்ணிலே இருந்
தாலும்மனம் மகிழ்வானதுவே"

அழகான வர்ணனை.. ஏமாற்றம் (எனக்கு இளையவளோ மூத்தவளோ மாற்றிய்மைத்த கவிதை) 677196

ஏமாற்றம் (எனக்கு இளையவளோ மூத்தவளோ மாற்றிய்மைத்த கவிதை) 677196

**kirikasan** · **kirikasan** Fri Mar 04, 2011 8:02 pm

நியாஸ் அஷ்ரஃப் wrote:"தேனெனவே ஒளிபால்நிலவை நதி
மீதெறிய அலைதானொளிர
தான்மனதும் மகிழ்வாகிடவே உணர்
வானதுவே துள்ளி ஆடியதே
காண் பதிலே நீரினோடையிலே அல்லி
யானதொன்றே மலர்ந்தே யிருக்க
நீவிண்ணிலே இங்குநான்மண்ணிலே இருந்
தாலும்மனம் மகிழ்வானதுவே"

அழகான வர்ணனை..

நன்றிகள் தங்களுக்கு. மிக்க நன்றிகள்

கலைவேந்தன் · கலைவேந்தன் Fri Mar 04, 2011 8:53 pm

இனிய பண்ணிசைக் கவிதை கிரிகாசன்.. என்ன சொல்லிப் பாராட்ட...? வார்த்தைகளே இல்லை எனலாம்..! பாராட்டுகக்ள் கிரிகாசன்..!

யாதுமானவள் · யாதுமானவள் Fri Mar 11, 2011 11:10 am

வணக்கம் கிரி,
தமிழ் காக்க - தங்கள் நலம் காக்க!

தங்களின் ஒவ்வொரு கவிதையிலும் கண்டிப்பாக ஒரு வரியை நான் "மீண்டு"ம் ஒருமுறை படித்தபின் தான் "மீண்டு" வருவேன்...

தேனெனவே ஒளிபால்நிலவை நதி
மீதெறிய அலைதானொளிர

தேன்நிலவின் ஒளி மின்னிடவே நதி
துள்ளியதே நல்லபொன்னெனவே
கூன் விழவே அதுஓடியதே ஒலி
கொண்டொரு நங்கையின் புன்சிரிப்பே

மிக்க அன்புடன்,
யாதுமானவள்

Sponsored content · Sponsored content

ஏமாற்றம் (எனக்கு இளையவளோ மூத்தவளோ மாற்றிய்மைத்த கவிதை)

ஏமாற்றம் (எனக்கு இளையவளோ மூத்தவளோ மாற்றிய்மைத்த கவிதை)

Re: ஏமாற்றம் (எனக்கு இளையவளோ மூத்தவளோ மாற்றிய்மைத்த கவிதை)

Re: ஏமாற்றம் (எனக்கு இளையவளோ மூத்தவளோ மாற்றிய்மைத்த கவிதை)

Re: ஏமாற்றம் (எனக்கு இளையவளோ மூத்தவளோ மாற்றிய்மைத்த கவிதை)

Re: ஏமாற்றம் (எனக்கு இளையவளோ மூத்தவளோ மாற்றிய்மைத்த கவிதை)

Re: ஏமாற்றம் (எனக்கு இளையவளோ மூத்தவளோ மாற்றிய்மைத்த கவிதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக