அம்மாவின் யோசனை

**சிவா** · **சிவா** Fri 25 Feb 2011 - 10:53

வழக்கத்துக்கு மாறாக வீட்டுக்கதவை அறைந்து சாத்திவிட்டு உள்ளே நுழையும் விஜய்யைப் பார்த்தார் அவனது அம்மா இந்துமதி.

"என்ன விஜய், ஏன் டென்ஷனோடு வர்ற?'' என்று அன்போடு கேட்டார்.

கலைந்த கேசத்தோடும், அழுது சிவந்த கண்களோடும் கோபத்தோடு அமர்ந்திருந்தான் விஜய்.

"இந்தா, இந்தக் கண்ணாடியில உன்னோட முகத்தைப் பாரு, ஐ.டி. கார்டுல உள்ள விஜிக்குட்டியைப் பாரு'' என்றபடி கண்ணாடியை அவன் முகத்திற்கு முன் வைத்தார்.

"ஐயோ! அம்மா, அந்த எதிர் வீட்டு கோவிந்த் இருக்கானே, அவனால எனக்கு ஒரே டென்ஷன். எப்ப பாரு என்னை மட்டம் தட்டிக்கிட்டே இருக்கான்'' என்றான் கோபத்தோடு.

"இன்னிக்கு என்ன பிரச்சினை?''

"மேடம்கிட்ட என்ன மாட்டிவிட்டுட்டான்''

"நீ என்ன தப்பு செஞ்சே?''

"நான் ஆன்ஸர் செக் பண்ணத்தான் கால்குலேட்டர் வச்சிருந்தேன். ஆனா அவன், நான் அத ïஸ் பண்ணி கணக்கு போட்டேன்னு மாட்டிவிட்டுட்டான்'' என்றான் கண்ணீரோடு.

"சரிடா, போய் கண்ணைத் துடைச்சிட்டு, கை, கால் கழுவி, ïனிபார்ம் மாத்து. நான் டிபன் எடுத்துட்டு வாரேன்''

அவர் சொன்னதை கவனிக்காதவன் போல அமர்ந்திருந்தான் விஜய்.

"இங்க பாரு விஜய், கோவிந்தோட அப்பா எங்க இருக்காங்க?''

"வெளிநாட்டுல''

"அவனோட அம்மா?''

"அவங்க கிராமத்துல ஆசிரியரா இருக்காங்க''

"அவன் தாத்தா, பாட்டி கூட இருக்கான், இல்லையா?''

"ஆமாம்''

"உன் வகுப்பிலே யாரு முதல் ரேங்க்?''

"நான்தான்.''

"விஜய், நீ தினமும் காலையில அப்பாகூட ரன்னிங் போற, சாயங்காலம் என்கூட டென்னிஸ், கேரம்னு விளையாடுற. படிப்பு, விளையாட்டுன்னு எல்லாத்திலேயும் முதல் ஆளா இருக்க. அதை அவனால ஏத்துக்க முடியல. அதான் வாய்ப்பு கிடைக்கும் போது அவன் உன்னை மட்டம் தட்டுறான்''

"அப்ப, அவனை சும்மா விடச் சொல்றீங்களா?''

"இனி அவன்கூட கொஞ்சம் கொஞ்சமா சிரித்துப் பேசு, கோபப்படாதே. காலையில ரன்னிங் போக வர்றியான்னு கேளு. சாயங் காலம் நம்ம விளையாட்டுல அவனையும் சேர்த்துப்போம். அவனை நல்ல நண்பனா ஆக்கிக்க. பிறகு அவனே உன்னை மாட்டிவிட்டதுக்கெல்லாம் வருத்தப்படுவான்''

"அப்படியா மம்மி?'' என்றான் விஜய்.

"ஆமாண்டா செல்லம், போய் உடை மாத்திக்கிட்டு வா, டிபன் தாறேன்'' என்றபடி எழுந்தார் இந்துமதி. மாறிய மனதோடு உற்சாகமாக எழுந்தான் விஜய்.

வே. சரஸ்வதி உமேஷ்