நியுசிலாந்து பூகம்பத்தில் 400 பேர் பலி? ரூ.60 ஆயிரம் கோடி இழப்பு

**சிவா** · **சிவா** Thu Feb 24, 2011 9:38 am

மெல்பர்ன், பிப்.24- நியுசிலாந்தில் நேற்று முன்தினம் ஏற்பட்ட மிகப்பெரிய பூகம்பம் காரணமாக கிறிஸ்ட்சர்ச் நகரம் கடுமையாக பாதிக்கப்பட்டது. இடிபாடுகளுக்கு இடையே இருந்து 75 உடல்கள் மீட்கப்பட்டன. அதில் 50 உடல்கள் அடையாளம் காணப்பட்டுள்ளன. மேலும், 300-க்கும் மேற்பட்டோரைக் காணவில்லை. எனவே, பலி எண்ணிக்கை 400-ஐ எட்டும் என அஞ்சப்படுகிறது.

மீட்பு பணிகள் தொடர்ந்து நடைபெற்று வருகின்றன. நியுசிலாந்தில் 80 ஆண்டுகளுக்கு பிறகு ஏற்பட்டுள்ள இந்த பயங்கர பூகம்பத்தில் கடுமையான அளவில் சேதம் ஏற்பட்டுள்ளது. சேதத்தின் மொத்த மதிப்பு ரூ.60 ஆயிரம் கோடி என மதிப்பிடப்பட்டு இருக்கிறது. இதற்கிடையே, பூகம்பத்தை தேசியப் பேரிடர் நிகழ்வாக பிரதமர் ஜான் கே நேற்று அறிவித்தார்.

பூகம்பம் ஏற்பட்ட கிறிஸ்ட்சர்ச் நகரில் தான், இந்த ஆண்டு இறுதியில் ரக்பி விளையாட்டு போட்டி நடத்த திட்டமிடப்பட்டுள்ளது. திட்டமிட்டபடி அந்த போட்டி நடைபெறும் என பிரதமர் ஜான் நம்பிக்கை தெரிவித்தார்.

தினதந்தி