சனி கிரகத்தின் சந்திரனில் தண்ணீர்: விஞ்ஞானிகள் தகவல்

நிசாந்தன் · நிசாந்தன் Sun 20 Feb 2011 - 13:55

சனி கிரகத்தின் சந்திரனான டைட்டனில் தண்ணீர் இருப்பதற்கான வாய்ப்பு இருப்பதாக தெரிய வந்துள்ளது. அங்கு தண்ணீர் ஐஸ் கட்டியாக இருக்கலாம் என்று நாசா விஞ்ஞானிகள் தெரிவித்துள்ளனர். சூரிய குடும்பத்தில் வியாழனுக்கு அடுத்த பெரிய கோள் சனி. எடையில் பூமி போல 95 மடங்கும் அளவில் பூமி போல 760 மடங்கும் பெரியது. பூமிக்கு ஒரே ஒரு சந்திரன் தான். சனி கிரகத்துக்கு 62 சந்திரன்கள்.

சனி கிரகத்தின் தன்மை பற்றியும் அதன் துணைக் கோள்கள் (சந்திரன்) பற்றியும் ஆராய்ச்சி செய்வதற்காக காசினி ஹைகன்ஸ்Õ விண்கலத்தை அமெரிக்க விண்வெளி ஆய்வு நிறுவனம் (நாசா) கடந்த 1997 ம் ஆண்டு விண்ணில் ஏவியது. 7 ஆண்டு பயணத்துக்கு பிறகு சனி கிரக பகுதியை இது 2004ல் சென்றடைந்தது. பின்னர் அதில் இருந்து தனியே பிரிந்த ஹைகன்ஸ் விண்கலம், சனியின் மிகப்பெரிய நிலாவான டைட்டனில் 2005&ல் தரையிறங்கியது.

காசினியும் ஹைகன்சும் தங்கள் ஆய்வு பணியை ஏதும் தடங்கலின்றி செய்து வருவதால் அவற்றின் ஆயுள் காலம் நீட்டிக்கப்பட்டுள்ளது. இந்த ஆய்வுக்கு காசினி ஈக்வினாக்ஸ் மிஷன்Õ என்று பெயர் மட்டும் மாற்றம் செய்யப்பட்டு உள்ளது. இரு விண்கலமும் 2017ம் ஆண்டு வரை பழுதடையாமல் செயல்படும் என நாசா கணித்துள்ளது.

ஐஸ் பாறையாக நீர்: விஞ்ஞானி கணிப்பு

டைட்டனை சுற்றி வெண் மேகக் கூட்டங்கள் இருப்பது காசினி விண்கலத்தின் அகச்சிவப்பு ஸ்பெக்ரோமீட்டர் மூலம் தற்போது தெரிய வந்துள்ளது. இது பற்றி நாசா விஞ்ஞானி ராபர்ட் சாமுவேல்சன் கூறியதாவது: டைட்டனின் வளிமண்டலத்தில் மீத்தேன், ஈத்தேன் வாயுக்கள் அதிகம் இருக்கின்றன. அவைதான் வெண் மேகங்களை உருவாக்குவதாக ஏற்கனவே தெரியவந்தது. இவை அச்சு அசலாக பூமிக்கு மேல் நீராவியால் உருவாகும் மேகங்கள் போலவே இருக்கின்றன.

அந்த மேகம் ஆவியானதும் அதில் இருந்து ஹைட்ரோகார்பன்களும் இதர ஆர்கானிக் தனிமங்களும் தூசி போல தொடர்ச்சியாக டைட்டனில் படிகின்றன என்றும் தெரிகிறது. இவ்வாறு வளிமண்டலத்தில் இருக்கும் மேகம் மற்றும் திவலைகளின் அளவு பற்றி தெரிந்தால் அவை எதனால் ஆக்கப்பட்டது? டைட்டனில் தண்ணீர் இருப்பதற்கான சாத்தியக்கூறு இருக்கிறதா என்று கண்டு பிடித்துவிடலாம். ஒருவேளை, தண்ணீர் இருக்கும் பட்சத்தில், டைட்டனில் அது ஐஸ் பாறையாகத்தான் இருக்கும். இவ்வாறு ராபர்ட் கூறியுள்ளார்

முரளிராஜா · முரளிராஜா Sun 20 Feb 2011 - 14:18

பயனுள்ள தகவல் நண்பரே

சனி கிரகத்தின் சந்திரனில் தண்ணீர்: விஞ்ஞானிகள் தகவல்

சனி கிரகத்தின் சந்திரனில் தண்ணீர்: விஞ்ஞானிகள் தகவல்

Re: சனி கிரகத்தின் சந்திரனில் தண்ணீர்: விஞ்ஞானிகள் தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக