வால்யூம் என்று ஏன் சொல்கிறோம்?

**சிவா** · **சிவா** Sat 19 Feb 2011 - 10:26

கையெழுத்துப் பிரதி அல்லது நிறைய சொற்களால் எழுதப்பட்டது என்பதைக் குறிக்க 14-ம் நூற்றாண்டில் ஆங்கிலத்தில் முதன்முதலாக `வால்யூம்' என்ற வார்த்தை பயன்படுத்தப்பட்டது. தோலால் செய்யப்பட்ட சுவடிகளில் எழுதப்பட்டு வந்த காலத்தில், பாதுகாப்பதற்காக அவை சுருட்டி வைக்கப்படும். லத்தீன் மொழியில் `வால்வெர்' என்பதற்குச் சுற்றுவது என்றும், `வால்யூமென்' என்பதற்கு `சுற்றி வைக்கப்பட்டுள்ள எழுத்து' என்றும் பொருள். 1523-ல் ஒரு தொகுதியில் உள்ள ஒரு புத்தகத்துக்கு `வால்யூம்' என்று பெயர் கொடுக்கப்பட்டது.

நிறைய எழுதியுள்ளது என்பதற்கு `வால்யூமினஸ்' என்ற வார்த்தை 1647-ல் தோன்றியது. இருபதாம் நூற்றாண்டில், அதிகச் சத்தம் அல்லது ஒலிபெருக்கியின் அளவு என்ற பொருளிலும் `வால்யூமினஸ்' என்ற வார்த்தை புழக்கத்தில் வந்தது.