இலங்கை கடற்படையால் சிறை பிடிக்கப்பட்ட இந்திய மீனவர்கள் அனைவரும் விடுதலை

**சிவா** · **சிவா** Fri 18 Feb 2011 - 18:12

இலங்கை கடற்படையினரால் புதுக்கோட்டை மாவட்டத்தைச் சேர்ந்த 24 மீனவர்களும் நாகப்பட்டினத்தைச் சேர்ந்த 106 மீனவர்களும் சிறைபிடிக்கப்பட்டு யாழ்பாணம் கோர்ட்டில் ஆஜர்படுத்தப்பட்டு சிறையிலடைக்கப்பட்டனர். இதனை அடுத்து தமிழகம் முழுவதும் தி.மு.க. பா.ஜ.க. காங்கிரஸ் உள்ளிட்ட அனைத்துக் கட்சிகளும் சிறைபிடிக்கப்பட்ட தமிழக மீனவர்களை விடுவிக்க கோரி போராட்டம் நடத்தின.

இதனை அடுத்து இந்திய அரசு இலங்கையின் இந்த செயல்பாட்டுக்கு கண்டம் தெரிவித்ததோடு சிறையிலடைக்கப்பட்ட மீனவர்களை உடனடியாக விடுவிக்க வலியுறுத்தியது. இந்திய அரசின் கோரிக்கையை ஏற்று இலங்கை அரசு சிறைபிடிக்கப்பட்ட அனைத்து மீனவர்களையும் விடுதலை செய்தது.

இலங்கை அரசு விடுதலை செய்ததை அடுத்து இந்திய வெளியுறவுத்துறை அமைச்சர் எஸ்.எம்.கிருஷ்ணா இலங்கை அமைச்சர் பெர்ஸியிடம் இலங்கை அரசுக்கு தொலைபேசியில் நன்றி தெரிவித்தார்.