பொன்னேரி அருகே 10-ம் வகுப்பு மாணவி காதலனுடன் ஓட்டம்!!!

**அருண்** · **அருண்** Mon 14 Feb 2011 - 20:12

பொன்னேரி அருகே உள்ள பள்ளிபுரத்தை சேர்ந்தவர் பானு (வயது 15) பெயர் மாற்றப்பட்டுள்ளது. 10-ம் வகுப்பு மாணவி. இவருக்கும் பக்கத்து வீட்டை சேர்ந்த வாலிபர் ராஜ்குமாருக்கும் காதல் இருந்து வந்தது. இந்த நிலையில் பானுவும், ராஜ்குமாரும், வீட்டில் இருந்து திடீரென ஓட்டம் பிடித்தனர். இதுகுறித்து மீஞ்சூர் போலீசில் புகார் செய்யப்பட்டது.

போலீசார் வழக்குப்பதிவு செய்து வெளியூரில் தங்கியிருந்த 2 பேரையும் போலீஸ் நிலையம் அழைத்து வந்தனர். இரு வீட்டு பெற்றோர்களையும் அழைத்து சமாதானம் பேசி இருவரையும் பெற்றோருடன் அனுப்பி வைத்தனர்.

பொன்னேரி அருகே உள்ள கவுண்டர்பாளையம் கிராமத்தை சேர்ந்தவர் பாஷா முஸ்தபா. இவரது மகள் ரஹ்மத் நிஷா. இவரது வீட்டுக்கு உறவுக்காரரான பாண்டிச்சேரியை சேர்ந்த சுதீர் மகன் ஆசிமுகமது (23) வந்தார். ரஹ்மத் நிஷாவும், ஆசி முகமதுவும் யாருக்கும் தெரியாமல் கடந்த 2 வருடமாக காதலித்து வந்துள்ளனர்.

இந்த நிலையில் இரவு 2 பேரும் திடீரென மாயமானார்கள். இது குறித்து மீஞ்சூர் போலீசில் புகார் செய்யப்பட்டது. இன்ஸ்பெக்டக் நாகராஜ் வழக்குப்பதிவு செய்து பாண்டிச்சேரியில் தங்கி இருந்த அவர்களை போலீஸ் நிலையம் அழைத்து வந்து விசாரணை செய்தார்.

போலீசாரிடம் ரஹ்மத் நிஷா கூறும்போது, “தான் மேஜர் எனவும், காதல் கணவருடன் சேர்ந்து வாழ விரும்புவதாகவும்” கூறினாள்.

இதையடுத்து போலீசார் பெற்றோருக்கு சமாதானம் கூறி இருவரையும் சேர்ந்து வாழுமாறு அறிவுரை கூறி அனுப்பி வைத்தனர்..

மாலை மலர்..