காதலர் தினத்துக்காக ’காணலாமா?’

**kirikasan** · **kirikasan** Sun Feb 13, 2011 12:02 pm

First topic message reminder :

தேனுலவும் திங்கள்வரும்
தெருவானில் நடைபயின்று
தெள்ளெனவே பாலொளியை ஊற்ற
ஊனுலவும் ஓரிச்சை
ஓங்கியதோர் கொடியிடையாள்
ஓசையின்றி என்னருகே வந்தாள்

கானுலவும் மானெனவே
களிமிகுந்து நானணைக்க
கைகளிலே பட்டுவிடா தோடி
கூனுலவும் நீர்க்கொடியாள்
குவிமலர்கள் தூங்குமிடை
கொல்லுமெழில் கூர்விழியாற்
கொன்றாள்

வானிலவே உள்ளமது
வற்றியுமே குடையுதையோ
வந்து எழில்கொஞ்சு மிசைபாடு
வேனிலெழும் முன்னிரவு
வீணெனவே போகமுன்னே
வீணைசுரம் கற்றிடல்லாம் நாடு

கானிலெழும் மின்மினிகள்
கண்ணெதிரெ மின்னிடவே
காற்றினிலே நீந்திமகிழ்வோடு
தேனினிலே செங்கரும்பின்
தித்திக்கும் சாறுபுளிந்
தேகமெங்கும் ஊற்றிடுவோம் பாரு

தித்திப்பை நாவறியும்
திருமகளே வானமதில்
தேன்நிலவை மூடும்முகில் ஏது
எத்திக்கில் தேவரது
இன்னமுதம் ஊற்றெனவே
இன்றுவழி கண்டிடுவோம் சேரு

முத்துக்கள் கொட்டியதாய்
முல்லைபூ உள் நிரைத்த
மோகனத்து தேனிதழ்கள் பாடு
சத்ததில் வேறுபட
சஞ்சலத்தில் கோணலிட
சங்கதிகள் பேசிடுவோம் நூறு

வெற்றிலையை நீகுதப்ப
விழியுமிதழ் போல்சிவக்க
வேண்டியதை நீகொடுத்து வாங்க
பற்றும் விரல் பத்தெனவே
படைத்தவனோ கஞ்சனென
பரிதவிக்க நீ சிரித்து வாழ

சுற்றிச் சிவந்தஇதழ்
சொல்லுமொரு மந்திரத்தில்
சுருண்டிவனும் பாம்பெனவே ஆட
பற்றியெரி தீயிருந்து
பக்குவமாய் நாம்விலகிப்
பனி மலரும் பூக்குளத்தில் வீழ்வோம்

உதயசுதா · உதயசுதா Mon Feb 14, 2011 12:21 pm

எத்தனை ஆழமான காதல்,அதை அப்படியே படம் பிடிச்சு காட்டுற மாதிரி
varikal,arumai aiyaa arumai

காதலர் தினத்துக்காக ’காணலாமா?’

காதலர் தினத்துக்காக ’காணலாமா?’

Re: காதலர் தினத்துக்காக ’காணலாமா?’

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக