குழந்தை பாக்கியம் அருளும் பாம்புகளின் அரசன்

**சிவா** · **சிவா** Sat 12 Feb 2011 - 11:17

கேரள மாநிலத்தில் ஆலப்புழை மாவட்டத்தில் அமைந்துள்ளது மன்னார்சாலை என்ற ஊர். இங்கு பாம்புகளின் அரசனான நாகராஜாவுக்கு கோவில் அமைந்துள்ளது. கேரளாவில் அமைந்துள்ள நாகருக்கான கோவில்களில் மிகப்பெரியது இக்கோவில்தான்.

பிற நாக தேவதைகளின் கோவில்களைப் போலவே, அடர்ந்த காடுகளின் மத்தியில் இந்த கோவில் அமைந்துள்ளது. இங்கு 30 ஆயிரத்திற்கும் மேற்பட்ட நாக தேவதைகளின் சிலைகளை, பாதையின் இருபுறமும், மற்றும் மரத்தடிகளிலும் பிரதிஷ்டை செய்திருக்கிறார்கள்.

குழந்தைப் பேறு கிடைக்கப் பெறாத பெண்கள் குடும்பத்தோடு இக்கோவிலுக்கு வந்து, குழந்தை வரம் வேண்டி வழிபடுகிறார்கள். குழந்தை பிறந்த பிறகு, நேர்த்திக் கடனை தீர்ப்பதற்காக மீண்டும் கோவிலுக்கு வந்து செல்கிறார்கள்.

இந்த கோவிலில் தரப்படும் மஞ்சளால் குழைத்த அருட் பிரசாதம் தீராத நோய்களையும் தீர்க்க வல்லது என்கிறார்கள்.

ஆலப்புழை மாவட்டத்தில் தேசிய நெடுஞ்சாலையில் அமைந்திருக்கும் ஹரிப்பாடு பேருந்து நிலையத்தில் இருந்து சுமார் 3 கிலோமீட்டர் தொலைவில் இந்தக் கோவில் அமைந்துள்ளது.