மகத்துவம் தரும் மஞ்சள்

**சிவா** · **சிவா** Sat Feb 12, 2011 9:15 am

மஞ்சளை `ஏழைகளின் குங்குமப்பூ' என்று அழைப்பார்கள். காரணம், அதிக விலைக்கு விற்கப்படும் குங்குமப்பூ தரும் அதே பலன்களை, குறைந்த விலையில கிடைக்கும் மஞ்சளும் தருகிறது. நம் இந்தியப் பண்பாட்டின் அடையாளமாக மஞ்சளை குறிப்பிடப்படுகிறது. 3 ஆயிரம் ஆண்டுகளுக்கு முன்னரே, அதாவது சிந்து சமவெளி நாகரிக காலத்திலேயே ஹரப்பா பகுதியில மஞ்சள் பயிரிடப்பட்டதாக வரலாறு உண்டு.

மங்கலப் பொருட்களில் மஞ்சள் முதலிடம் வகிக்கிறது. இந்தியப் பெண்கள் மஞ்சளை அதிக அளவில் பயன்படுத்துகிறார்கள். தோல் பிரச்சினை எது வந்தாலும் கிராமப்புற மக்கள் முதலில் தேடுவது மஞ்சளைத்தான். மஞ்சளை யும், சந்தனத்தையும் கலந்து முகத்துல தடவி வந்தால் மினுமினுப்பு கூடும்; கரும்புள்ளி பிரச் சினையும் இருக்காது. அடிபட்ட காயங்களில் மஞ்சளைப் பூசினால், ரத்தம் கசிவது உடனே நிற்கும். சிராய்ப்புகள், கொப்புளங்கள், கட்டிகள் என எல்லாவற்றுக்குமே மஞ்சள் சிறந்த மருந்தாகும்.

நம்முடைய தினசரி சமையலில் மஞ்சள் கட்டாய இடம்பெறும். மஞ்சளுக்கு, ரத்தத்தை சுத்திகரிக்கும் தன்மை உள்ளது. நம்மையும் அறியாமல் உணவு மூலமாக கிருமிகளோ, அசுத்தங்களோ குடலுக்குள் போய்விட்டால், அவற்றை அழிக்கும் ஆற்றலும் மஞ்சளுக்கு உண்டு. கொலஸ்ட்ராலும், சோடியமும் மஞ்சளில் குறைவாகவே உள்ளது. ஆனால், `வைட்டமின் சி' மற்றும் மக்னீசியம் தாது அதிகமா இருக்கிறது. மஞ்சளுக்கு புற்று நோயைக் கட்டுப்படுத்தும் ஆற்றல் கூட இருக்கிறது என ஆராய்ச்சியில கண்டு பிடிக்கப்பட்டுள்ளது

மகத்துவம் தரும் மஞ்சள்

மகத்துவம் தரும் மஞ்சள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக