தமிழ் நடிகர்களுடன் இணைந்து மலேசிய நடிகர்கள் நடிக்கும் 'கைதி'

**சிவா** · **சிவா** Thu Feb 10, 2011 10:14 am

அர்ஜூன் டைரக்டு செய்த `ஜெய்ஹிந்த்' உள்பட பல படங்களில் இணை இயக்குனராக பணிபுரிந்தவர், பரமேஷ்வர். அதைத்தொடர்ந்து ஜோதிகா, ரம்பா, லைலா இணைந்து நடித்த 'திரி ரோசஸ்,' மற்றும் லூட்டி, வணக்கம் தலைவா, சூர்யபார்வை ஆகிய படங்களை டைரக்டு செய்தார். நீண்ட இடைவெளிக்குப்பின், பரமேஷ்வர் திரைக்கதை எழுதி ஒரு படத்தை தயாரிக்கிறார்.

இந்த படத்துக்கு, 'கைதி' என்று பெயர் சூட்டப்பட்டு இருக்கிறது. ஒரு தாயின் பாசப்போராட்டம், வன்முறையை கையில் எடுக்கும் இளைஞன், சட்டத்தை காக்க துடிக்கும் கதாநாயகன் என மூன்று பேரை சுற்றிவரும் கதை இது.

மலேசிய முன்னணி நடிகர்கள் சிரி

பென், யாகு, சுமதி, ரகுமூர்த்தி, ராமு, ஜான், ரைமன், ஷாமு ஆகியோர் முக்கிய பாத்திரங்களில் நடிக்க, இவர்களுடன் சில தமிழ் நடிகர்- நடிகைகளும் பங்குபெறுகிறார்கள். வில்லன் வேடத்தில் வரதராஜ் நடிக்கிறார்.

நாகு ஒளிப்பதிவு செய்ய, ஷாமன் இசையமைக்கிறார். ரா.பன்னீர்செல்வம் வசனம் எழுதியிருக்கிறார். மலேசிய தமிழரான சீனு கதை எழுதி டைரக்டு செய்கிறார். அஞ்சனா பிலிம்ஸ் சார்பில் இந்த படம் வளர்ந்து வருகிறது.