நெஞ்சு சளியை நீக்கும் மிளகு

**சிவா** · **சிவா** Fri Aug 28, 2009 1:03 am

இந்திய பாரம்பரிய சமையல்களில் பயன்படுத்தப்படும் மசாலாப் பொருட்களில் மிளகு முக்கிய இடம் பெறுகிறது. மிளகு உ<ணவிற்கு சுவையூட்டுவதோடு, உணவு விரைவில் கெட்டுப் போவதையும் தடுக்கிறது. இந்த குணத்திற்காகவே, நவீன உணவு பதப்படுத்தும் முறைகள் வருவதற்கு முன், உணவு பதப்படுத்துவதில், மிளகு பயன்படுத்தப்பட்டது.

பெரும்பாலும், அனைத்து உணவுகளிலும், மிளகு பயன்படுத்தப்படுகிறது. குறிப்பாக, சாஸ்கள், கிரேவிகள், ஆடு மற்றும் கோழி இறைச்சி, நொறுக்குத் தீனிகள், சாலட்கள் போன்றவற்றில் பயன்படுத்தப்படுகிறது. குளிர் மற்றும் மழைக்காலங்களில், மிளகுத்தூள்கள் சேர்த்த சூப்கள் அருந்தினால், உடலுக்கு தெம்பூட்டுவதாக இருக்கும்.

வகைகள்: வெள்ளை மற்றும் கருப்பு, என இரண்டு வகையான மிளகுகள் காணப்படுகின்றன. இவை இரண்டுமே, ஒரே செடியில் இருந்து தான் கிடைக்கின்றன. செடியில் இருந்து பச்சை நிறத்தில் இருக்கும் மிளகை பறித்து, அவற்றை நீரில் ஊற வைத்து, கையால் தேய்த்தால், அதன் மேல் தோல் நீங்கி விடுகிறது. பின், அவற்றை எலுமிச்சை நீரில் ஊற வைத்து வெயிலில் காய வைத்தால், அவை வெள்ளை நிறமாகி விடும். நிறம் தேவைப்படாத உணவு வகைகளிலேயே, இந்த வெள்ளை மிளகு பயன்படுத்தப்படுகிறது. மேலும், பச்சை மற்றும் சிகப்பு நிற மிளகுகளும் உள்ளன

மிளகின் மருத்துவ குணங்கள்:

* நோய் எதிர்ப்பு சக்தி நிறைந்தது

* உடலின் கொழுப்பு மற்றும் சோடியம் அளவை குறைக்க உதவுகிறது.

* கால்சியம், மாக்னீசியம், பொட்டாசியம், வைட்டமின் கே, இரும்புசத்து, செப்பு மற்றும் நார்ச்சத்து நிறைந்தது.

* கடும் வயிற்று வலியை குணப்படுத்தும் தன்மை கொண்டது.

* பாக்டீரியாக்களை அழிக்கும் திறன் வாய்ந்தது.

* ஆயுர்வேத மருத்துவ முறையில், ஜீரணத்திற்கு மிளகு பயன்படுத்தப்படுகிறது. இருமல், ஜலதோஷம், சுவாசப் பிரச்னைகள், ரத்த சோகை போன்றவற்றிற்கான சிகிச்சையிலும் மிளகு பயன்படுத்தப்படுகிறது.

* பருக்கள், தோல் பிரச்னைகள் மற்றும் கூந்தல் உதிர்வு போன்றவற்றை தீர்க்க உதவுகிறது.

* நாள்பட்ட நெஞ்சு சளியை நீக்க பசும்பாலில் மிளகுபவுடர் மற்றும் சிறிது மஞ்சள் கலந்து காலை மாலை குடித்துவர வேண்டும். நான்கு அல்லது ஐந்தே நாட்களில் நெஞ்சு சளி நீங்கிவிடும்.

இத்தகு சிறப்பு வாய்ந்த மிளகு, இந்தியாவில் கேரளா மற்றும் கர்நாடக மாநிலங்களில் தான் அதிகளவில் பயிரிடப்படுகிறது. அதிலும், கேரளாவில் தான் 90 சதவீதம் மிளகு உற்பத்தி செய்யப்படுகிறது. இது தவிர, ஆந்திரா, தமிழகம், அந்தமான் போன்ற பகுதிகளிலும், சிறிதளவு பயிரிடப்படுகிறது. மிளகு விளைச்சலுக்கு, நீண்ட மழைப் பொழிவு, சீரான உயர் வெப்பம் மற்றும் பகுதி நிழல் போன்றவை அவசியம்.

பரவி வரும் பன்றிக் காய்ச்சலைத் தடுக்க, துளசி இலையுடன், மிளகு சேர்த்து, இரண்டு வேளை மென்று சாப்பிட்டால், காய்ச்சல் பயந்து ஓடும்

சரண்.தி.வீ · சரண்.தி.வீ Fri Aug 28, 2009 7:50 am

பொங்களில் போட்ட மிளகை நம்மூரார்கள் பெரும்பாலும் தனியே எடுத்து வைத்துவிட்டு பொங்களை மட்டும் சாப்பிடுகிறார்களே..!!!

param · param Fri Aug 28, 2009 9:45 am

milagin arumai theriyaathathanaalthaan eduththu veesi viduginranar

**சிவா** · **சிவா** Fri Aug 28, 2009 9:50 am

இருமலா! உடனே ஆறு மிளகை எடுத்து வாயில் போட்டு உமிழ்நீருடன் சிறிது சிறிதாக மென்று விழுங்கினால் இருமல் காணாமல் போய்விடும்!

VIJAY · VIJAY Fri Aug 28, 2009 9:54 am

அப்ப போலீஸ்ல சொன்ன கண்டுபிடிச்சு தருவாங்களா?

**சிவா** · **சிவா** Fri Aug 28, 2009 10:17 am

காவல்துறைமீது உங்களுக்கு இன்னும் நம்பிக்கை உள்ளது வியப்பளிக்கிறது! இதுவரை காணாமல்போன ஏதாவது ஒரு பொருளை எந்த காவல் துறையாவது மீட்டுள்ளதா? மனைவிகளைத் தவிர!

வேண்டுமென்றே எங்காவது பத்திரமாக மனைவியை தொலைத்துவிட்டு வருபவர்களுக்கு மட்டும் காவல்துறை நேர்மையாக நடந்து திரும்ப ஒப்படைத்து விடுவார்கள்!

ramesh.vait · ramesh.vait Fri Aug 28, 2009 12:13 pm

சிவா wrote:காவல்துறைமீது உங்களுக்கு இன்னும் நம்பிக்கை உள்ளது வியப்பளிக்கிறது! இதுவரை காணாமல்போன ஏதாவது ஒரு பொருளை எந்த காவல் துறையாவது மீட்டுள்ளதா? மனைவிகளைத் தவிர!

வேண்டுமென்றே எங்காவது பத்திரமாக மனைவியை தொலைத்துவிட்டு வருபவர்களுக்கு மட்டும் காவல்துறை நேர்மையாக நடந்து திரும்ப ஒப்படைத்து விடுவார்கள்!

Sponsored content · Sponsored content

நெஞ்சு சளியை நீக்கும் மிளகு

நெஞ்சு சளியை நீக்கும் மிளகு

Re: நெஞ்சு சளியை நீக்கும் மிளகு

Re: நெஞ்சு சளியை நீக்கும் மிளகு

Re: நெஞ்சு சளியை நீக்கும் மிளகு

Re: நெஞ்சு சளியை நீக்கும் மிளகு

Re: நெஞ்சு சளியை நீக்கும் மிளகு

Re: நெஞ்சு சளியை நீக்கும் மிளகு

Re: நெஞ்சு சளியை நீக்கும் மிளகு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக