உலகின் நீளமான ரயில் பாதைகள்

eegaraiviswa · eegaraiviswa Tue Feb 08, 2011 1:29 pm

உலகின் மிகவும் நீளமான ரயில், டிரான்ஸ் சைபீரியன் ரயில் ஆகும். இந்த ரயில் பயணிக்கும் மொத்த தூரம் 10 ஆயிரம் கி.மீ., ஆகும். பயண நாட்கள், 9 நாட்களாகும். மாஸ்கோவில் ஆரம்பித்த இந்த ரயில் சைபீரியா, மங்கோலியா, சீனா என பல நாடுகளைக் கடந்து செல்கிறது. அதனைப் போல இந்தியாவில் மிக நீளமாக பயணிக்கும் ரயில் ஹிம்சாகர் எக்ஸ்பிரஸ் ஆகும். ""காஷ்மீர் முதல் கன்னியாகுமரி வரை, இந்தியா ஒன்றே'' என தேச ஒற்றுமையை வலியுறுத்தும் விதமாக, அரசியலில் கொட்டி முழக்குவார்கள். இதனைச் செயல்படுத்தும் வகையில் ஹிம்சாகர் எக்ஸ்பிரஸ் காஷ்மீரையும், கன்னியாகுமரியையும் இணைக்கிறது."ஹிம்' என்றால் பனிக்கட்டி, "சாகர்' என்றால் கடல், பனி சூழ்ந்த காஷ்மீரையும், கடல் சூழ்ந்த கன்னியாகுமரியையும் இணைக்கிறது ஹிம்சாகர் எக்ஸ்பிரஸ். இது வெள்ளி மதியம் கன்னியாகுமரியில் கிளம்பினால், திங்கள் மதியம் தான் ஜம்முவை அடையும்.