வடக்கு கிழக்கில் உணவுப்பொருட்களின் விலை அதிகரிப்பு! கத்தரிக்காய் 400 ரூபா

arsad · arsad Tue 8 Feb 2011 - 13:57

வெள்ளத்தால் பாதிக்கப்பட்ட வடக்கு,கிழக்கில் அத்தியாவசிய உணவுப்பொருட்களின் விலை விஷம்போல் ஏறியுள்ளது. இதனால் பாதிக்கப்பட்ட மக்கள் பட்டினியால் வாடும் நிலை ஏற்பட்டுள்ளது என தெரிவிக்கப்படுகின்றது

அரிசி கிலோ 100ரூபாவாகவும், சீனி 130ரூபாவாகவும் விற்பனை செய்யப்படுகிறது.
மரக்கறிக்குப் பெரும் தட்டுப்பாடு நிலவுகிறது. ஒருகிலோ கத்தரிக்காய் 400ரூபா, ஒருகிலோ பயிற்றங்காய் 400ரூபா, ஒருகிலோ பச்சைமிளகாய் 800 ரூபாவாக விற்கப்படுகின்றன என மக்கள் தெரிவிக்கின்றனர்.
வெள்ளத்தால் பாதிக்கப்பட்ட மாவட்டங்களில் பல இடங்களுக்கு அரசின் நிவாரணங்கள் கிடைக்கவில்லை என மக்கள் அதிருப்தி தெரிவிக்கின்றனர்.
அரசசார்பற்ற நிறுவனங்களால் வழங்கப்படும் நிவாரணங்களை உதவி அரச அதிபர்கள் ஊடாக விநியோகிக்கும்படி அரசு பணிப்புரை விடுத்துள்ளது.
இதனால் நிவாரணப் பொருட்களை வழங்குவது யார் என்பதைப் பொதுமக்களால் அறிந்துகொள்ள முடியாதுள்ளது. எப்படியாயினும் வெள்ளத்தால் பாதிக்கப்பட்ட மக்களுக்கு அரசு முறையாக நிவாரணம் வழங்கவில்லை என பாதிக்கப்பட்ட பெரும்பாலான குடும்பங்கள் தெரிவிக்கின்றன.
மன்னார், வவுனியா, முல்லைத்தீவு மாவட்டங்களில் வெள்ளத்தால் பாதிக்கப்பட்ட மக்களுக்கு அத்தியாவசியப் பொருட்கள் கிடைக்காதமையால் பட்டினிச்சாவை அவர்கள் எதிர்நோக்குகின்றனர் எனத் தெரிவிக்கப்படுகிறது.
வெள்ளத்தால் போக்குவரத்து பாதிக்கப்பட்டுள்ள பிரதேசங்களிலுள்ள மக்களுக்கு நிவாரணம் கிடைக்காததுடன் அத்தியாவசிய பொருட்களைக் கொள்வனவு செய்ய முடியாத நிலையும் ஏற்பட்டுள்ளது.
இப்பகுதிகளில் அத்தியாவசிய பொருட்களுக்குப் பெரும் தட்டுப்பாடு நிலவுகின்றது.
மூதூர், கிண்ணியாவில் சில உணவுப் பொருட்களின் விலைகள் அதிகரித்து காணப்பட்டது. பச்சை மிளகாய் ஒரு கிலோ 1,200 ரூபாவுக்கு விற்பனை செய்யப்பட்டது.
தோப்பூர் பகுதியிலும் உணவுப் பொருட்களுக்குத் தட்டுப்பாடு நிலவுகிறது. தேங்காய் ஒன்று 75 ரூபாவுக்கும் சீனி ஒரு கிலோ 250 ரூபாவுக்கும் விற்பனை செய்யப்படுகின்றது. மரக்கறிகள் எவையும் பெற்றுக் கொள்ள முடியாத நிலை காணப்படுகின்றது.

**சிவா** · **சிவா** Tue 8 Feb 2011 - 14:07

சோதனை மேல் சோதனை!

Guest · Guest Tue 8 Feb 2011 - 17:07

நாலு வரி எழுத அல்லது ஒரு ஸ்மைலி போட மட்டுமே முடிகிறது என்பது மனதை அரிக்கிறது... வடக்கு கிழக்கில் உணவுப்பொருட்களின் விலை அதிகரிப்பு! கத்தரிக்காய் 400 ரூபா 440806