உடற்பயிற்சி செய்வது நினைவாற்றலை அதிகரிக்கும்

**சிவா** · **சிவா** Wed Feb 02, 2011 3:48 pm

உடற்பயிற்சி செய்வது உடலை சீராக வைத்து கொள்வதற்கு உதவும். தற்போது உடற்பயிற்சி செய்வதால் நினைவாற்றல் அதிகரிக்கும் என்றும், அல்சீமர்ஸ் மற்றும் டிமென்சியா ஆகிய வியாதிகள் குறையும் வாய்ப்பு ஏற்படுகிறது என்றும் ஆராய்ச்சியாளர்கள் கண்டறிந்துள்ளனர். இது தொடர்பாக அமெரிக்காவின் பிட்ஸ்பர்க் பல்கலை கழக பேராசிரியர் கிர்க் எரிக்சன் தலைமையிலான ஆராய்ச்சி குழுவினர் ஆய்வு நடத்தினர்.

ஆய்வுக்கு 50 முதல் 80 வயது வரை நிரம்பிய 120 பேர் உட்படுத்தப்பட்டனர். அவர்கள் தினமும் 40 நிமிடங்கள் என வாரத்திற்கு 3 நாட்கள் நடக்க வேண்டும். அல்லது எளிய வகை உடற்பயிற்சி மேற்கொள்ள வேண்டும் என அறிவுறுத்தப்பட்டனர். பயிற்சிக்கு முன்பும், பயிற்சியின் முடிவிலும் அவர்களின் மூளைப்பகுதி ஸ்கேன் செய்து வைத்து கொள்ளப்பட்டன. இதில் நினைவாற்றலை அதிகரிக்கும் மூளையின் முக்கிய பகுதியான ஹிப்போகேம்பஸின் அளவு நன்கு கவனிக்கப்பட்டன. அதில் எளிய உடற்பயிற்சி செய்தவர்களின் மூளையில் ஹிப்போகேம்பஸ் 1.5 சதவீதம் அளவு சுருங்கி காணப்பட்டது.

அது வழக்கமான ஒன்று என அறிவிக்கப்பட்டது. அதே வேளையில் நடை பயிற்சி மேற்கொண்டவர்களின் மூளையில் ஹிப்போகேம்பஸ் அளவு முன்பை காட்டிலும் பெரிதாக (2 சதவீதம்) வளர்ந்திருந்தது கண்டறியப்பட்டது. இதிலிருந்து வயது முதிர்ந்தவர்கள் ஆனாலும் முறையான உணவு மற்றும் சரியான அளவில் உடற்பயிற்சி மேற்கொள்வது அவசியம் என தெரிய வந்துள்ளது. பிறகென்ன செய்யுங்க செஞ்சுகிட்டே இருங்க உடற்பயிற்சியை!

SK · SK Wed Feb 02, 2011 4:07 pm

அப்புகுட்டி · அப்புகுட்டி Wed Feb 02, 2011 4:18 pm

தகவலுக்கு நன்றி இன்றிலிருந்தே ஆரம்பிச்சிட்டா போச்சி!

**ஸ்ரீஜா** · **ஸ்ரீஜா** Wed Feb 02, 2011 5:15 pm

உடற்பயிற்சி செய்வது நினைவாற்றலை அதிகரிக்கும் 677196

பிரகாசம் · பிரகாசம் Wed Feb 02, 2011 5:23 pm

உடற்பயிற்சி செய்றதுக்கு மறந்து போய்ருது....

அத நாபகம் வச்சு கிறதுக்கு ஏதும் பயிற்சி இருகா?

ramesh.vait · ramesh.vait Wed Feb 02, 2011 5:37 pm

சிவா உடற்பயிற்சி பற்றி புக் இருக்கிறதா ? நான் தினமும் 2 மணி நேரம் உடற் பயிற்சி செய்கிறன்...

அசோகன் · அசோகன் Wed Feb 02, 2011 6:01 pm

தல நான் தினமும் மூன்று அல்லது நான்கு முறை நின்று கொண்டே ஃபுல் மீல்ஸ் சாப்புடுரேன் இந்த உடற்பயிற்சி போதுமில்ல? இது கூட நம்ம பக்கிரி சொல்லித் தந்ததுதான்.

மஞ்சுபாஷிணி · மஞ்சுபாஷிணி Wed Feb 02, 2011 10:37 pm

எனக்கு ஞாபகமறதி ஏன் ஏற்படுகிறதுன்னு யோசிச்சேன் இப்ப தாம்பா விஷயமே புரிகிறது.... சரிசரி இனி தொடங்கிட வேண்டியது தான்... என்ன உடற்பயிற்சியா? அதான் அசோகன் சொன்னமாதிரியே தான் புன்னகை

அன்பு நன்றிகள் சிவா பகிர்வுக்கு....

அசோகன் · அசோகன் Wed Feb 02, 2011 10:52 pm

மஞ்சுபாஷிணி wrote:எனக்கு ஞாபகமறதி ஏன் ஏற்படுகிறதுன்னு யோசிச்சேன் இப்ப தாம்பா விஷயமே புரிகிறது.... சரிசரி இனி தொடங்கிட வேண்டியது தான்... என்ன உடற்பயிற்சியா? அதான் அசோகன் சொன்னமாதிரியே தான்

அன்பு நன்றிகள் சிவா பகிர்வுக்கு....

இன்னுமா இந்த ஊர் நம்மள நம்புது?இதுக்காகவே நம்ம போட்டோவ போட்டுற வேண்டியத்துதான்.