தலை கவசமும் குளறுபடியான சட்டமும்

தலைக்கவசம் நம் உயிர்கவசம் இது அனைவரும் அறிந்த ஒன்று தான். அரசும் அனைவரும் தலைக்கவசம் அணியவேண்டும் என்று கடந்த சில ஆண்டுகளுக்கு முன்பு சட்டம் கொண்டு வந்தது வாகனம் ஓட்டுபவரும் அவருக்கு பின் அமர்ந்திருப்பவரும் இருவரும் கட்டாயம் அணியவேண்டும் என்று அறிவுறுத்தினார்கள். கட்டாய தலைக்கவசம் அணிய வேண்டிய நாளும் வந்தது அன்று 95 சதவீத இரு சக்கர வாகன ஓட்டிகள் தலைக்கவசம் அணிந்திருந்தனர். பின்னால் அமர்ந்திருப்பவர்கள் மட்டும் அதிகம் அணியவில்லை.



பின்பு பின்னால் அமர்ந்திருப்பவர்கள் அணிய வேண்டியதில்லை வாகன ஓட்டிகள் கட்டாயம் அணியவேண்டும் என்று மீண்டும் அரசு அறிவித்தது இது முதல் குளறுபடி. அன்று தலைக்கவசம் அணிந்தவர்கள் எல்லாரும் தலைக்கவசம் அணிந்தது அவர்கள் உயிர்கவசத்திற்காகவா என்றால் நிச்சயம் இல்லை சிக்கினா போலீசுக்கு 100 அழ வேண்டி இருக்கும் அதனால் தலைக்கவசம் அணிந்தவர்கள் தான் 60 சதவீதம் பேர். அப்புறம் கொஞ்ச நாளில் இச்சட்டம் மக்களுக்கு மறந்துவிட்டது.



தலைக்கவசம் அனைவரும் அணிய வேண்டிய ஒன்று அரசு சொல்லியோ போலீசுக்கு பயந்தோ அணிய வேண்டிய ஒன்று அல்ல இன்னும் பச்சையாக சொல்ல வேண்டும் என்றால் உசுரு வேணும்னா தலைக்கு கவசம் அணிய வேண்டும். தலைக்கவசம் அணிந்தால் கட்டாயம் பிழைத்துக்கொள்ளலாம் என்று கேள்வி கேட்பவர்களும் இருப்பார்கள் அதற்கு பதில் நீங்கள் இடிப்பதைப் பொறுத்தும், செல்லும் வேகத்தைப் பொறுத்தும் அமையும். தலைக்கவசம் நமக்காக அணிய வேண்டிய ஒன்று யாருடைய கட்டாயத்திற்காகவும் அல்ல.



அரசின் குளறுபடிகள் இந்த தலைகவசத்தில் நிறைய இன்று கட்டாயம் என்கிறார்கள் நாளை கட்டாயமில்லை என்கிறார்கள் நம் மக்கள் தானாக திருந்தமாட்டர்கள் இது அனைவரும் அறிந்ததே. அதற்காக அவர்களுக்கு காட்டாயம் என்று சட்டம் இயற்றி தலைக்கவசம் அணி என்று கட்டாயப்படுத்த வேண்டும். அப்பவாது போலீசுக்கு தண்டம் அழனுமே என்று அணிவார்கள்.

தலைக்கவசம் எல்லா ஊரிலும் கட்டாயம் என்று சட்டம் இருக்க வேண்டும் சமீபத்தில் கோவையில் கட்டாய தலைக்கவசம் கட்டாயம் என்று போலீசார் அனைத்து வாகனத்தையும் பிடித்து அபராதம் விதித்தார்கள் ஆனால் மற்ற ஊர்களில் தலைக்கவசம் இல்லாமல் தான் செல்கின்றனர்.

தலைக்கவசம் அணிபவர்கள் அதிக தூரம் செல்லும் போது மட்டும் தலைக்கவசம் அணிவதும் பக்கத்தில் செல்லும் போது அணிவதில்லை இது மிக தவறு. பக்கத்தில் சென்று வரும் போதுதான் வேகமாக சென்று வருவோம் விபத்து நடக்க அதிக வாய்ப்பு உண்டு. இப்படியான விபத்துக்களை நேரடியாக பார்த்திருக்கிறேன்.

தலைக்கவச விசயத்தில் அரசு அக்கறை எடுத்து ஒரு கமிட்டி அமைத்து எப்படி இவ்விதியை பின்பற்றலாம் என்று கருத்து கேட்டு அதற்கு ஏற்றாற் போல் கடுமையான சட்டம் இயற்றினால் பல உயிர்களை காப்பாற்றலாம்.

அனைவரும் கட்டாயம் தலைக்கவசம் அணியுங்கள் உங்கள் நண்பர்களையும் கட்டாயம் அணியச்சொல்லுங்கள்...

தலைக்கவசம் உயிர்க் கவசம்!

பயனுள்ள கட்டுரைப் பகிர்வுக்கு நன்றி ஸ்ரீ!

பயனுள்ள கட்டுரை