இன்றைய பேச்சு, பேட்டி, அறிக்கை

சரண்.தி.வீ · சரண்.தி.வீ Thu Aug 27, 2009 7:49 am

நடிகை ஸ்ரேயா, "அட்வைஸ்' பேச்சு:
மரத்தை வெட்டி காடுகளை அழிப்பதால், பூமியின் வெப்ப நிலை மாறிவிட்டது.
ஒவ்வொருவரும் மரக் கன்றுகள் நட்டு பராமரிக்க வேண்டும். சுற்றுச்சூழலை
மேம்படுத்த வேண்டும்.

வன்னியர் சங்கத் தலைவர் குரு, "நப்பாசை' பேச்சு:
திருமாவளவன் தலைமையில் தலித்கள் ஒன்று சேர்ந்து செயல்படுவது போல்,
வன்னியர்களும் பா.ம.க., நிறுவனர் ராமதாஸ் தலைமையில் சேர்ந்தால், நம்மை யாராலும் அழிக்க முடியாது.

சினிமா டைரக்டர் சீமான், "கிச்சு கிச்சு' பேச்சு:
இலங்கைத் தமிழர் நலன் காக்க துவக்கப்பட்ட நாம் தமிழர் இயக்கம், 2010 மே
17ல் அரசியல் கட்சியாக மாறுகிறது. சென்னையில் அதற்கான நிகழ்ச்சி
நடக்கிறது. நான் தேர்தலில் போட்டியிடுவது குறித்து, பிறகு
முடிவெடுக்கப்படும்.

தமிழக பா.ஜ., தலைவர் இல.கணேசன் பேட்டி:
கட்சியின் உயர் பதவியில் இருப்பவர்களும் கட்டுப்பாட்டை மீறக் கூடாது
என்பதற்கு ஜஸ்வந்த் சிங் நீக்கம், ஓர் உதாரணம். தேவையில்லாத கருத்தைக்
கூறி பிரச்னை உருவாக்கியதால் அவர் நீக்கப்பட்டது, சரியான முடிவு தான்.

பா.ஜ., முன்னாள் மத்திய அமைச்சர் அருண் ஷோரி பேட்டி:
உயர்மட்டத்தில் உள்ள தலைவர்கள், பரஸ்பரம் தங்களை
முன்னிலைப்படுத்துவதிலும், தங்களை பாதுகாத்துக் கொள்வதிலும் தான் ஆர்வம் காட்டுகின்றனர்.

கப்பல் அமைச்சர் வாசன் பேட்டி:இடைத்தேர்தலில்
காங்., வேட்பாளர்கள் வெற்றி பெற்றனர் என்ற பெருமையான செய்தியை தலைமையிடம் சொல்லியுள்ளேன். யார் ஆதரவாளர்கள் என்பது முக்கியமில்லை. நாங்கள் காங்கிரசுக்காக இருக்கிறோம்.

கர்நாடக மின் துறை அமைச்சர் ஈஸ்வரப்பா பேட்டி:
சிவசமுத்திரம் நீர்மின்நிலைய திட்டத்தைச் செயல்படுத்த மத்திய அரசு ஏற்கனவே அனுமதி வழங்கி உள்ளது. தமிழகத்திற்கு வழங்கப்படும் காவிரி நீரின் அளவில், எவ்வித குறைபாடும் ஏற்படாதவாறு இத் திட்டம் செயல்படுத்தப்படும்.

அ.தி.மு.க., இளைஞர் - இளம் பெண்கள் பாசறை மாநிலச் செயலர் வெங்கடேஷ் பேச்சு:
அறிஞர்களே வியக்கும் வகையில், மழை நீர் சேகரிப்பு உட்பட பல திட்டங்களுக்கு செயல் வடிவம் தந்தவர் ஜெயலலிதா மட்டுமே. தி.மு.க., ஆட்சியில் உருப்படியான திட்டம் எதுவும் இல்லை.

குதூகலம்

இன்றைய பேச்சு, பேட்டி, அறிக்கை

இன்றைய பேச்சு, பேட்டி, அறிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக