கேலி செய்ததால் ஆத்திரம்: 2 குழந்தைகளை சுட்டு கொன்ற அமெரிக்க பெண்

**சிவா** · **சிவா** Mon Jan 31, 2011 9:42 am

அமெரிக்காவில் டெக்சாஸ் மாகாணத்தில் உள்ள வடக்கு தம்பா பகுதியை சேர்ந்தவர் ஜூலி ஸ்னெக்கர். இவரது கணவர் அமெரிக்க ராணுவத்தில் அதிகாரியாக உள்ளார். இவர்களுக்கு பீயூ (13) என்ற மகனும், காலிஸ் (16) என்ற மகளும் இருந்தனர். இவர்கள் தாஸ் ஜூலியின் பேச்சை கேட்பதில்லை. ஏதாவது கூறினால் அவரை பின்னால் நின்றபடி கேலியும், கிண்டலும் செய்து வந்தனர்.

இதனால், தனது குழந்தைகள் மீது ஜூலிக்கு ஆத்திரம் ஏற்பட்டது. இவர்களை கொலை செய்ய அவர் திட்ட மிட்டார். அதற்காக, கடந்த 5 நாட்களுக்கு முன்பு 38 காலிடர் ரக துப்பாக்கியை விலைக்கு வாங்கினார். அதை தனது வீட்டில் மறைத்து வைத்திருந்தார். சம்பவத்தன்று குழந்தைகள் வழக்கம் போல் அவரை கேலி பேசி கிண்டல் செய்தனர்.

இதனால் ஆத்திரம் அடைந்த ஜூலி தான் மறைத்து வைத்திருந்த துப்பாக்கியால் அவர்களை சுட்டார். இதனால் பயந்த அவர்கள் வீட்டுக்குள் இருந்த அறைக்கு ஓடினார்கள். இருந்தும் விரட்டிச் சென்று அவர்கள் இருவரையும் சுட்டுக் கொன்றார்.

பின்னர் மனநிலை பாதிக்கப்பட்டவர் போன்று வீட்டின் ஒரு மூலையில் அமர்ந்திருந்தார். இதைப் பார்த்த ஜூலியின் தாயார் இது குறித்து போலீசுக்கு தகவல் கொடுத்தார். உடனே, அங்கு விரைந்து வந்த போலீசார் ஜூலியை கைது செய்தனர். போலீசில் கொடுத்த வாக்குமூலத்தில், தன்னை கேலி, கிண்டல் செய்த தனது குழந்தைகளை சுட்டு கொன்று விட்டு தற்கொலை செய்ய திட்டமிட்டு இருந்ததாக தெரிவித்தார்.

மாலைமலர்

SK · SK Mon Jan 31, 2011 10:14 am

குழல் இனிது; யாழ் இனிது என்ப தம் மக்கள் மழலைச் சொல் கேளாதவர்.

ARR · ARR Mon Jan 31, 2011 10:18 am

உறவுச் சிக்கல்கள்..!

உதயசுதா · உதயசுதா Mon Jan 31, 2011 10:20 am

தான் பெத்த பிள்ளைகள் தன்னை எப்போதும் கேலி செய்து கொண்டு இருந்தால் ஒரு தாய்க்கு கோபம் வர தான் செய்யும்.அதை அடக்கி கொண்டு அன்பு காமிப்பவள்தான் தாய்.அட்லீஸ்ட் இவங்க அவங்களை விட்டு ஒதுங்கியாவது இருந்து இருக்கலாம்,அத விட்டுட்டு சுட்டு இருக்காங்களே

இசையன்பன் · இசையன்பன் Mon Jan 31, 2011 11:03 am

அடப் பாவி

கேலி செய்ததால் ஆத்திரம்: 2 குழந்தைகளை சுட்டு கொன்ற அமெரிக்க பெண் 300136

முரளிராஜா · முரளிராஜா Mon Jan 31, 2011 1:24 pm

மஞ்சுபாஷிணி · மஞ்சுபாஷிணி Mon Jan 31, 2011 6:21 pm

தான் பெற்ற குழந்தைகள் தன் பேச்சை கேட்கவில்லை என்பதற்கும் கேலி கிண்டல் செய்தார் என்பதற்கும் சுட்டுக்கொன்றாள் என்றால் அவள் கண்டிப்பா தாயாகவே இருக்க முடியாது சோகம்