இலங்கையுடன் புதிய ஒப்பந்தம்: நிருபமா ராவ்

**சிவா** · **சிவா** Mon Jan 31, 2011 3:17 pm

இந்திய வெளியுறவு துறை செயலாளர் நிருபமாராவ் இன்று இலங்கை சென்றார்.

பெங்களூரில் இருந்து கொழும்பு செல்லும் வழியில் இன்று மாலை நிருபமா ராவ் சென்னை வந்தார். சென்னை விமான நிலையத்தில் நிருபமா ராவ், செய்தியாளர்களுக்கு பேட்டி அளித்தார்.

அப்போது, ‘’ தமிழக மீனவர்கள் கொலையை தடுக்க இலங்கையுடன் புதிய ஒப்பந்தம் மேற்கொள்ளப்படும் இந்த ஒப்பந்தம், எல்லை தாண்டும் இருநாட்டு மீனவர்களின் பிரச்சனையையும் தீர்ப்பதாக அமையும்’’ என்று கூறினார்.

**சிவா** · **சிவா** Mon Jan 31, 2011 3:18 pm

நிருபமாராவின் இலங்கை பயணம் கண்துடைப்பு: நிதின் கட்காரி

இலங்கையுடன் புதிய ஒப்பந்தம்: நிருபமா ராவ் Nithin%20-%20nirupama

இந்திய வெளியுறவுத்துறை செயலாளர் நிருபமாராவ் இலங்கைக்கு பயணம் மேற்கொள்கிறார். இலங்கை அதிபர் ராஜபக்சேவை சந்தித்து மீனவர்கள் பிரச்சனை குறித்து நிருபமா ராவ் பேச்சு நடத்துவார் என அரசு வட்டாரங்கள் தெரிவிக்கின்றன.

நிருபமாராவ் பயணம் குறித்து பாரதீய ஜனதா கட்சியின் தலைவர் நிதின் கட்காரி சென்னையில் செய்தியாளர்களிடம் கருத்து தெரிவித்தார்.

அவர், ‘’ கடலில் மீன்பிடிக்கச் செல்லும் தமிழக மீனவர்கள் இலங்கை கடற்படையால் சுட்டுக் கொல்லப்படுவதை பாரதீய ஜனதா கட்சி வன்மையாக கண்டிக்கிறது.

இலங்கைக்கு மத்திய அரசின் வெளியுறவு துறை செயலாளர் நிருபமா ராவ் செல்கிறார். இது வெறும் கண்துடைப்பு தான். இதனால் இலங்கை தமிழர்களுக்கும், தமிழக மீனவர்களுக்கும் எந்த வித பயனும் கிடைக்காது. ஏதோ நடவடிக்கை எடுப்பதுபோல காட்டிக்கொள்ள மத்திய அரசு நிருபமா ராவை அனுப்பி வைக்கிறது’’ என்று தெரிவித்தார்.

நக்கீரன்