கிடா வெட்டி பூஜை.. சாவு எதிரொலி.. எம் எல் ஏக்கள் பீதி..!

தொகுதி பக்கமே, வராத எம்.எல்.ஏ., வை கண்டித்து, கிடா வெட்டி பூஜை
செய்ததைத் தொடர்ந்து, திடீரென எம்.எல்.ஏ, போளூர் வரதன் இறந்தார். இதனால்,
தமிழகம் முழுவதும் தொகுதி பக்கமே செல்லாத எம்.எல்.ஏ.,க்கள் கலக்கத்தில்
உள்ளனர்.
திருவண்ணாமலை மாவட்டம், செங்கம் தொகுதியில் (தனி), 2001 மற்றும் 2006ம்
ஆண்டு தேர்தலில், காங்., கட்சி சார்பில் போட்டியிட்டு, எம்.எல்.ஏ., வாக
வெற்றி பெற்றவர் போளூர் வரதன்.இவர், சென்னையில் குடியிருந்து கொண்டு, பத்து
ஆண்டுகளாக தொகுதி பக்கம் சரிவர வரவில்லை. செங்கம் புதூர் அருகே, 300
ஆண்டு பழமை வாய்ந்த கோவில் உள்ளது. இங்குள்ள மாரியம்மன் சக்தி மிகுந்த
தெய்வம் என்பதால், அம்மனை வழிபட பெங்களூரு, ஆந்திரா, ஓசூர், சென்னை
உள்ளிட்ட பல்வேறு பகுதிகளில் இருந்து பக்தர்கள் திரளாக வந்து, வழிபட்டு
செல்கின்றனர்.செங்கம் தொகுதி, காங்., கட்சியைச் சேர்ந்த ஒன்றியக் குழு
தலைவர் குமார் தலைமையில், காங்., கட்சி நிர்வாகிகள், 23ம் தேதி, செங்கம்,
புதூர் மாரியம்மன் கோவிலில் கிடா வெட்டி பூஜை செய்து, நிர்வாகிகள்
அனைவரும் ஒன்று கூடி விவாதித்து, "வரும் தேர்தலில், போளூர் வரதனுக்கு
மீண்டும் சீட் தரக் கூடாது' என, தீர்மானம் நிறைவேற்றினர்.
போளூர் வரதன், சமீபத்தில் திடீரென உடல் நலக்குறைவால் இறந்தார்.
இச்சம்பவம், தமிழக காங்., நிர்வாகிகளிடையே அதிர்ச்சியை ஏற்படுத்தியது.
இச்சம்பவம், தொகுதி பக்கமே செல்லாத, தமிழகத்தில் உள்ள மற்ற
எம்.எல்.ஏ.,க்களுக்கும், கிலியை ஏற்படுத்தி உள்ளது. தங்களது தொகுதி மக்கள்,
எதிர்ப்பாக கிளம்பி, சக்தி வாய்ந்த கோவில்களுக்கு சென்று, கிடா வெட்டி
பூஜை செய்வார்களோ, இதனால் தமக்கும் பாதிப்பு ஏற்படுமோ என்ற அச்சம், தொகுதி
பக்கமே செல்லாத எம்.எல்.ஏ.,க்களுக்கு ஏற்பட்டுள்ளது. பல எம்.எல்.ஏ.,க்கள்,
தங்களது தொகுதிக்கு உட்பட்ட பகுதியில் நடக்கும் கோவில் திருவிழா
குறித்தும், அதில் யாரெல்லாம் கலந்து கொண்டனர் என்பது குறித்தும், தன்
ஆதரவாளர்கள் மூலம் கவலையுடன் விசாரித்து வருகின்றனர்.

அட இது புதுசா இருக்கே ? அப்போ தொகுதி பக்கம் வராத எம் எல் ஏக்களுக்கு சங்கா ?

அடடா இவங்களை கவிழ்க்க இப்படி ஒரு வழி இருக்கறது இம்புட்டு நாளா தெரியாம போச்சே

உதயசுதா wrote:அடடா இவங்களை கவிழ்க்க இப்படி ஒரு வழி இருக்கறது இம்புட்டு நாளா தெரியாம போச்சே

அடுத்த கிடா வெட்டு யாருக்கு அக்கா ?

கிழ முதல்வர் கருணாநிதிக்கு போடுவோம் ரபீக் முதல்ல, அப்புறம் ஜெயலலிதாவுக்கு,அப்புறம் இன்ன பிற தலைவர்களுக்கு

பாவம் இப்போ கிடாக்களுக்கு நேரம் சரியில்லை போல..

உதயசுதா wrote:கிழ முதல்வர் கருணாநிதிக்கு போடுவோம் ரபீக் முதல்ல, அப்புறம் ஜெயலலிதாவுக்கு,அப்புறம் இன்ன பிற தலைவர்களுக்கு

அப்போ நாட்டுல ஒரு அரசியல் வியாதியும் மிஞ்ச மாட்டாங்க போல

ரபீக் wrote:

உதயசுதா wrote:கிழ முதல்வர் கருணாநிதிக்கு போடுவோம் ரபீக் முதல்ல, அப்புறம் ஜெயலலிதாவுக்கு,அப்புறம் இன்ன பிற தலைவர்களுக்கு

அப்போ நாட்டுல ஒரு அரசியல் வியாதியும் மிஞ்ச மாட்டாங்க போல

ஆமா எல்லா அரசியல் வியாதியும் ஒழிஞ்சிட்டா மக்கள் நால்லா இருப்பாங்க இல்ல

உதயசுதா wrote:

ரபீக் wrote:

உதயசுதா wrote:கிழ முதல்வர் கருணாநிதிக்கு போடுவோம் ரபீக் முதல்ல, அப்புறம் ஜெயலலிதாவுக்கு,அப்புறம் இன்ன பிற தலைவர்களுக்கு

அப்போ நாட்டுல ஒரு அரசியல் வியாதியும் மிஞ்ச மாட்டாங்க போல

ஆமா எல்லா அரசியல் வியாதியும் ஒழிஞ்சிட்டா மக்கள் நால்லா இருப்பாங்க இல்ல

அப்ப சரி