கள் + கப்பா + மீன்கறி

Guest · Guest Mon Jan 31, 2011 10:24 am

கள் + கப்பா + மீன்கறி

எங்க
ஊரில் மரவள்ளிகிழங்கை அவித்து, அதில் தேங்காய் பூ, செத்தல், கறிவேப்பிலை,
உள்ளி போட்டு உரலில் இடித்து எடுப்பார்கள். அதன் சுவையை விஞ்ச வானுலகத்தில்
கூட ஒரு அமிர்தம் கிடையாது. என்ன இந்த அமிர்தம் பயங்கரமான உறைப்பாக
இருக்கும். கண்ணில் நீர் வரும் வரை செய்துவிடும் சக்தி இதற்குண்டு. அதிலும்
தோட்டத்திலிருந்து எடுக்கப்பட்ட (திருடப்பட்டால் இன்னும் சிறப்பு என என்
அண்ணன் ஒருவர் சொல்லி தந்தார்) மரவள்ளி கிழைங்கை அவித்து,
இடித்தால்...அப்பப்பா... (என்ன இங்கு திருடுவதற்கு கிழங்கு தோட்டம் தான்
கண்ணில் தென்படவேயில்லை)

அதே போல கேரளத்தில் மிகவும் பிரபலமாக உணவு
கப்பாவும் மீன்கறியும் தானாம். (இதை கானாஸ் உறுதி செய்வார் என நம்புவோம்).
வீதியோர கடையாகட்டும், படகு வீடாகட்டும், நட்சத்திர விடுதியாகட்டும் கப்பா
இல்லாத இடம் கிடையாதாம். அதிலும் சிறப்பாக கள்ளு குடிப்பவர்களுக்கு
சிறப்பாக செய்து கொடுப்பார்களாம். அனுபவம் உள்ளவர்கள், தங்கள் அனுபவங்களை
பகிர்ந்து கொள்ளுங்கள். முந்தைய பதிவில் குறிப்பிட்டது போல, நண்பர் தீபக்
குடுத்த செய்முறையை பரீட்சித்ததன் பலன் தான் இந்த பதிவு. இனி செய்முறைக்கு
போகலாம்.

கப்பாவிற்கு தேவையானவை:
மரவள்ளிகிழங்கு 500 கிராம்
மஞ்சள்தூள் 1/2 தே.க
கறிவேப்பிலை 2 கெட்டு
பச்சைமிளகாய் 3
தேங்காய்பூ 1/4 கப்
வெங்காயம் 1 (சிறியது)
செத்தல்மிளகாய் 2
கடுகு 1/2 தே.க

கப்பா எப்படி செய்வது:
1.
கிழங்கை சிறுதுண்டுகளாக வெட்டி, நீரில் அவிக்க வேண்டும். அவிக்கும் போது
நீரில் உப்பையும், மஞ்சளையும் சேர்க்க வேண்டும். எப்போதும் ஒற்றுமையா
இருப்பது தான் அழகு. பிரிப்பது ஆகாது. அதனால் அவிக்கும் போதே மஞ்சளை
சேர்த்திடுங்க.
2. கிழங்கு நன்றாக அவிந்ததும், அடுப்பில் இருந்து இறக்க வேண்டும். இறக்கிய பின்னர், நீரை வடித்தெடுங்கள்.
3. மிளகாய், தேங்காய், வெங்காயத்தை நன்றாக அரைத்தெடுங்கள்.
4. ஒரு சட்டியில் அரைத்த விழுதையும், கிழங்கையும் போட்டு மசித்தெடுக்க வேண்டும்.
5.
இன்னொரு சட்டியில் எண்ணெயை சூடாக்கி, கடுகு, செத்தல்மிளகாய்,
கறிவேப்பிலையை தாளித்து மசித்த கிழங்குடன் சேர்த்தால் கப்பா
ஆயத்தமாகிவிடும்.

கப்பாவுடன் சாப்பிடுவதற்கு சிறந்தது மீன்கறி
தான். அது தான் சமையல்கட்டில் ஏற்கனவே வைத்தாகிவிட்டதே. சும்மா சொல்ல
கூடாது ஜோடி பொருத்தம் அமோகம் தான் போங்க. கப்பாவிற்கும், மீன்கறிக்கும்
செய்முறை தந்திட்டால் போதுமா, கள்ளுக்கு எங்கே போவது என கேட்கபடாது. இப்பவே
சொல்லிட்டேன். கள் என்றதும் இந்த பக்கம் வந்தவர்களுக்கு நான் சொல்ல
விரும்புவது என்னவென்றால் "தண்ணி குடியுங்க...குடிதண்ணி குடியுங்க.
உடலிற்கும் உங்க குடும்பத்திற்கும் ரொம்ப நல்லது" கிகிகிகி

சொல்லமறந்தது: கப்பா என்றால் மரவள்ளிகிழங்காம்

நன்றி : தூயா

அகீல் · அகீல் Mon Jan 31, 2011 10:27 am

அருமை நன்றி மதன்.

SK · SK Mon Jan 31, 2011 1:21 pm

இதை படிக்கும்போதே என் வாயில் நீர் சுராகிறது மகிழ்ச்சி

கோவை ராம் · கோவை ராம் Mon Jan 31, 2011 1:31 pm

நாக்கில் நீர் ஊற வைத்து விட்டீர்கள் மதன் .இந்த பதிவை 2 நாட்கள் முன்பு பார்த்து இருந்தால் இந்த கப்பா கரியை ஒரு பிடி பிடித்து இருப்பேன் .2 நாட்கள் முன்புதான் குருவாயூர் அருகே சவாகத் கடற்கரையில் 6,7 மணி நேரம் சுற்றி விட்டு வெறும் மீன் மட்டும் சாப்பிட்டு வந்தேன் . என்ன செய்வது நல்ல வாய்ப்பு போய்விட்டது.

நன்றிகள் மதன் கார்த்திக்

ராம்

கோவை ராம் · கோவை ராம் Mon Jan 31, 2011 1:34 pm

ஆனால் கேரளாவில் நம்பி கள்ளு குடிக்க முடியாதே .6 மாதம் முன்புதான் மொத்தமாக 40 பேர் இறந்தனர் . அரசியல் நிலவரத்தைபார்தால் எங்கள் கோவையிலேயே சீக்கிரம் கள்ளு கிடைக்கும் என நினைக்கிறேன் அப்போது பார்க்கலாம்

ராம்