யம ராஜனுக்கு ஒரு விண்ணப்பம்

ஒரு சைட் இல் படித்தேன் இங்கு பகிர விரும்பி கொடுத்துள்ளேன் எனக்கும் இப்படி இறக்கவே ஆசை, அதற்கு அந்த ஆண்டவன் தான் உதவனும்.

யாருக்கும் கஷ்டம் தராமல் போய்சேரனும் கிருஷ்ணா நான்

ஒரு விண்ணப்பம் யமராஜனே ,

மரணமே நான் உன்னை வரவேற்கிறேன்,

,யமராஜனே என் கைகளை நீட்டி வரவேற்கிறேன்

கூடவே பிடி ஒரு விண்ணப்பம் ,

வேண்டும் ஒரு கையொப்பம் ,

பல நாட்கள் என்னைப் படுக்கையில் தள்ளாதே ,

கோமா நிலையும் கொண்டு செல்லாதே ,

முதல் நாள் ஆஸ்பத்திரி பரிவுடன் விசாரிப்பு ,

பல நாட்கள் ஆனால் அதுவே மன சலிப்பு ,

முதல் நாள் பழங்கள் ஹார்லிக்ஸ் வருகை ,

போகப் போக உறவினர் வருவதும் நிற்கை ,

மகனுக்கு வேலை பளு,,முகத்தில் டென்சன் ,

தண்ணீர் போல் சிலவு ,நடப்பது மௌனத்தில் ,

குழந்தைகள் வருத்தத்தில் ,கவனக் குறைவு படிப்பில் ,

உள்ளே வெளியே என்று அலையும் மருமகள்

என்று கஷ்டம் விடியும் என்று ஏங்கும் மகள்,

தேவைதானா இவைகள் எனக்கு ?

இப்போது புரிந்ததா உனக்கு ?

மரணமே உன்னை வரவேற்கிறேன்

கூடவே ஒரு விண்ணப்பம் தருகிறேன் ,

பேசியபடியே என் உயிர் போகவேண்டும்.

கடவுள் நாமத்தில் நான் மரிக்க வேண்டும்

பிரார்த்தனையின் போது என்னை அழைத்து கொள்,

காலை நேரம் என்னை எடுத்துக் கொள்,

பள்ளி விடுமுறையாக இருக்கட்டும்

மழையும் கொட்டாமல் இருக்கட்டும் ,

செத்தப் பின்னும் என் தலை உருள

சனிகிழமை என்னை அழைக்காதே

“சனிப் பிணம் தனிபோகாது”என்று

இறந்த பின்னும் பெயர் கெடுக்காதே!

அஷ்டமி நவமியைத் தவிர்த்துவிடு ,

விபத்தின் மரணத்தை நிறுத்தி விடு ,

போலீஸ் வரும் என்ற கவலை !

போஸ்ட்மார்ட்டம் என்ற தொல்லை

என் வாயில் ராம் ராம் சொல்ல விடு

புனித கங்கையை முழுங்க விடு

மரணமே உன்னை வரவேற்கிறேன்,

கூடவே ஒரு விண்ணப்பம் கொடுக்கிறேன் ,,

அன்புடன் விசாலம்

இதுதான் sari கிருஷ்ணம்மா.மரணத்துல கூட மத்தவங்களை சிரமபடுத்தக்கூடாதுன்னு நினைக்கிறாங்களே.
நீங்க ரசிச்சதை நாங்க ரசிக்க கொடுத்ததுக்கு நன்றி

எல்லோரும் விரும்புவது இதுவேப்பா...
இறைவனை நோக்கிய பார்வையில் இருந்து விலகாது
உடலும் உள்ளமும் அவன் பதக்கமலத்தில் சரணடைந்து
க்ருஷ்ணா க்ருஷ்ணா என்றுரக்க அழைத்துக்கொண்டே
உயிர்மூச்சு மெல்ல இறைவனோடு கலக்கவேண்டும்....

அன்பு நன்றிகள் க்ரிஷ்ணம்மா அழகிய வரிகளுக்கு....

உதயசுதா wrote:இதுதான் sari கிருஷ்ணம்மா.மரணத்துல கூட மத்தவங்களை சிரமபடுத்தக்கூடாதுன்னு நினைக்கிறாங்களே.
நீங்க ரசிச்சதை நாங்க ரசிக்க கொடுத்ததுக்கு நன்றி

உன் கண்ணோட்டம் எனக்கும் பிடிச்சிருக்கு சுதா....