அன்பு நண்பர் வித்யாசாகர் பெற்ற விருதுகள் - 6 வாழ்த்துவோம் அன்புடன் வாங்கப்பா...

First topic message reminder :

இந்தியாவில் திருச்சியில் உலக அளவில் தமிழ் கவிஞர்களை தேர்வு செய்து விருதுகள் வழங்கினர் அதில் தேர்வான ஒரு அன்பு உறவு நம் ஈகரை உறவு அன்பு நண்பர் வித்யாசாகர் 6 விருதுகள் பெற்றார்.... அவரை அன்புடன் வாழ்த்துவோம் வாங்கப்பா...

வித்யாசாகருக்கு சிறப்பு விருது அறிவிக்கப் பட்டுள்ளது..



அன்புறவுகளுக்கு வணக்கம்,


M.I.E.T கல்வி நிறுவனங்களும், உலக தமிழ் கவிஞர் பேரவையும், தமிழ்த்தாய் அறக் கட்டளை அமைப்பும் சேர்ந்து இரண்டு நாள் மாநாடு நடத்துகிறது. "உலக தமிழ்க் கவிஞர்கள், எழுத்தாளர்கள் ஆய்வாளர்கள் இரண்டாவது மாநாடு - 2001" என்று இதற்கு பெயர் சூட்டப் பட்டு, இன்றும் நாளையும் (22.01.2011 ~ 23.01.11) என நடந்துக் கொண்டிருக்கும் இம் மாநாட்டில் நூறு கவிஞர்களுக்கும், நூறு எழுத்தாளர்களுக்கும், நூறு ஆய்வாளர்களுக்கும் என்று விருது வழங்கி சிறப்பிக்க அறிவித்தனர். அதில் திரு. வித்யாசாகருக்கும் சிறப்பு விருது அறிவிக்கப் பட்டுள்ளது.


எங்களின் இலக்கிய பயணத்தில் எமக்கு பெரும் உதவியாய் நின்று, எம்மை எப்பொழுதிற்குமாய் வாழ்த்தி மகிழ்ந்து, எம் படைப்புக்களுக்கு முதல் தர இடம் தரும் உங்களுக்கே நன்றிகள் அனைத்தும். உரித்தாகும்.


இது தாயகத்தில் கிடைக்கும் முதல் விருது என்பதாலும், இதை ஒரு கொண்டாட்டமாக எடுத்துக் கொள்ளாமல்; உழைப்பிற்கு கிடைத்த மரியாதையாக மட்டும் எடுத்துக் கொள்ள எண்ணியதாலும், அம்மாவினை விருது பெற அனுப்பி அதற்கான வேண்டுதலையும் "தமிழ்த்தாய் அறக்கட்டளைக்கு" அனுப்பியுள்ளோம். நம்மை வரவேற்று உடன் இருந்து சிறப்பு செய்யும் வண்ணமும், அம்மாவை உடன் இருந்து காத்துக் கொள்ளவும், 'முகநூல் நண்பர்கள் நற்பணி சங்கம்' அமைப்பை சார்ந்தவர்கள் அங்கு வந்து பெருமை செய்கிறார்கள்.


தவிர, ஒரு பணியை செய்பவருக்கு, நீ செய்வது சரி தான் தொடர்ந்து இயங்கு என்று ஊக்குவிக்கும், ஒரு நிறைவாக மட்டுமிதை எடுத்துக் கொண்டு, இறையின் அருளிற்கும் உங்களுக்கும், படைப்பாளிகளை ஊக்குவிக்க இப்பெரும்பணியை செய்யும் தமிழ்த்தாய் அறக் கட்டளை அமைப்பு, உலக தமிழ் கவிஞர் பேரவை, MIET கல்வி நிறுவனங்களுக்கும் கைகூப்பி நன்றிகளை தெரிவிக்கிறோம்!!


பெரு நன்றிகளுடன்..

வாழ்த்துகள் வித்யாசாகர்

என் மனமார்ந்த வாழ்த்துக்கள் வித்யாசாகர்...
இன்னும் பல விருதுகள் பெற இறைவனை வேண்டுகிறேன்...

அன்பு சகோதரர் வித்யாசாகர்க்கு,

தாங்கள் பெற்ற விருதுகள் கண்டு மிக்க மகிழ்ச்சியடைந்தேன். வியப்பிலாழ்த்துகிறது. ஆர்ப்பாட்டமில்லாமல் அமைதியாக ஒரு சாதனைசெய்துள்ளீர். குவைத் வாழ் தமிழர்கள் அனைவருக்கும் பெருமை சேர்த்துவிட்டீர்.
தங்கள் எழுத்துக்கள் தொடர்ந்து சாதனைகள் பல செய்ய என் வாழ்த்துக்கள்.

என் வாழ்த்து

அரும்பிய தமிழ்கொண்டு அரியநற் படைப்புகள்
விரும்பிய படியெல்லாம் வரித்திடத்துணை நிற்கும்உம்
பொருந்திய தூரிகைக்கு பாவலர்கள் பங்களிப்பாய்
விருதுகள் பலநல்கி உயர்த்தினர் உமதுணர்வை.

வியப்பால் அனைவரும் விழியுயர்த்திப் பார்க்கநின்
உழைப்பால் இன்றுநல் உயர்வெய்தி நிற்பதை
உவப்பால் இனித்துநான் உவந்திடும் இத்தருணம்
களிப்பால் மூழ்கிதமிழ்க் கவிதையால் வாழ்த்துகிறேன்..

உன்னைத் தன்கரு வறையில் சுமந்துபெற்றவள்
உன்கருவால் நீபெற்ற விருதையும் சுமந்தாளோ?
உன்னைச் சுமந்தவளை நீசுமக்க வைத்தபோது
கன்னித் தமிழரெல்லாம் கைதட்டி வாழ்தினரோ?

சொல்லில்வளம் மிக்கதமிழ்ச் செம்மொழியின் துணையுடனே
நல்லதமிழ்ச் சொல்லெடுத்து நற்காவியம் பலபடைக்க
வெல்லும்கவி யாகநீயிவ் உலகளவில் உயர்ந்திடவே
தொல்லுலகம் போற்றும்படி வாழ்த்துகிறேன் வாழியவே!

அன்புடன்
யாதுமானவள்

யாதுமானவளுக்கு வணக்கம்!

நீண்ட நாட்களாகக் காணமுடியவில்லையே?

என் மனமார்ந்த வாழ்த்துகள் வித்யாசாகர்

வித்யாசாகர் அவர்களுக்கு எனது மனமார்ந்த வாழ்த்துக்கள். மேலும் பல விருதுகள் பெற்று பல்லாண்டு வாழ தமிழன்னையை வணங்கி வாழ்த்துகிறேன்.

அன்புடன், கா.ந.கல்யாணசுந்தரம்.

என் மனப்பூர்வ வாழ்த்துகள் வித்யாசாகர் அண்ணா.......

வித்யாசாகர் wrote:அன்புறவுகளுக்கு மிக்க நன்றியும் வணக்கமும்,

ஈகரை உறவு என்பது நானென் எழுதுகோலை தொலைக்கும் வரை என்னை நான் இழக்கும் வரை; இணை பிரியா உறவு.

மானசீகமாகவேனும் ஈகரை பற்றிய ஓர் நினைவு உள்ளே இருந்துக் கொண்டே இருக்கும். காரணம், இந்த உங்களை போன்றோரின் அன்பொன்றே.

நல்லுள்ளங்களின் வாழ்த்தும் அன்பும், என் மீது கொண்டுள்ள நம்பிக்கையுமே; என் வெற்றிகளுக்கான காரணமென்ற எண்ணத்தில் முழுமை கொள்கிறேன் உறவுகளே..

மிக்க நன்றி மஞ்சு, வாசன், தேனீ சூர்யா, கலை மற்றும் அன்பு சகோ சிவா, தமிழன் ஜீ, க.ந.க., வை.பா, நிலா.... இன்னும் பிற அன்புறவுகளே..

வர இயலா தருணங்களிலும் உங்கள் அனைவரின் அன்பை சுமந்தவனாய்...

வித்யாசாகர்

வாழ்த்துகள் வித்யா நானும் உங்களை பல முறை பார்க்க முயற்சி செய்கிறன்.. பார்க்க முடிவில்லை ... உங்களது போட்டோ வாரத்தில் 2 முறை அராப் டைம்ஸ் பார்க்க முடிகிறது..

வித்யாசாகர் அவர்களுக்கு எனது மனமார்ந்த வாழ்த்துக்கள்.