கைகொடுக்கும் மக்கள் கல்வி நிறுவனங்கள்

மத்திய மனித ஆற்றல் மேம்பாட்டு அமைச்சகத்தின் கீழ் இயங்கும் மக்கள் கல்வி நிறுவனங்கள் சமுதாயத்தில் படிக்காத, படிப்பைப் பாதியில் கைவிட்ட, பொருளாதாரத்தில் பின் தங்கிய, ஏழைகள், ஊனமுற்றோர் ஆகியோருக்குக் குறைந்த கட்டணத்தில் தரமான வேலைவாய்ப்புக் கல்வியை வவங்கி வருகின்றன.

"சிராமிக் வித்யா பீட்' என்ற பெயரில் 1982-ம் ஆண்டு இந்த நிறுவனங்கள் தொடங்கப்பட்டன. தொழில் பயிற்சிகள் தமிழ்நாடு குடிசைப் பகுதி மாற்று வாரியம், தமிழ்நாடு திறந்தநிலைப் பல்கலைக்கழகம், அறிவொளி வளர்கல்வித் திட்டம், நேரு யுவகேந்திரம், தமிழ்நாடு மகளிர் மேம்பாட்டுத் திட்டம், யுனெஸ்கோ, தேசிய திறந்தநிலைப் பல்கலைக்கழகம், மாவட்ட வளர்ச்சி முகமை ஆகிய அரசு நிறுவனங்களுடன் இணைந்து நடத்தப்படுகின்றன.

ரேடியோ, கலர் டிவி பழுதுபார்ப்பு, எலெக்ட்ரிகல் -மோட்டார் ரீவைண்டிங், குளிர்பதனம், குளிர்சாதனப் பெட்டி பழுதுபார்ப்பு, தையற்கலைப் பயிற்சி, தையல் பூவேலைப்பாடு (எம்பிராய்டரி), அழகுக்கலைப் பயிற்சி, கம்ப்யூட்டர் பயிற்சி, மருத்துவமனை -நர்சிங் ஹோம் உதவியாளர் ஆகிய பயிற்சிகள் ஆறு மாத காலம் நடத்தப்படும்.

டி.டி.பி. பயிற்சி 4 மாதமும் துரித உணவு தயாரிப்புப் பயிற்சி 3 மாதமும் நடத்தப்படும். செல்போன் பழுதுபார்ப்பு, கம்ப்யூடட்ர் அக்கவுண்டன்சி (டேலி), கம்ப்யூட்டர் பழுதுபார்ப்பு ஆகியவை 2 மாதப் பயிற்சியாகவும், தட்டச்சு, சுருக்கெழுத்துப் பயிற்சிகள், ஸ்கீரின் பிரிண்டிங், மென்பொம்மை தயாரிப்பு பயிற்சிகள் தலா ஒரு மாதமும் நடத்தப்படும்.

இவை தவிர, மசாலா பவுடர், அலங்காரப் பொருள் தயாரிப்பு, கூடை பின்னுதல் 10 நாள் பயிற்சியாகும். காகிதப் பை தயாரிப்பு, ஜாம் ஜெல்லி, சாஸ், ஜூஸ் தயாரிப்பு, சபீனா, சோப் பவுடர், மெழுகுவர்த்தி தயாரிப்பு, ஊறுகாய் தயாரிப்பு, சணல் பை தயாரிப்பு, வாழ்த்து அட்டை தயாரிப்பு ஆகியவற்றுக்கான பயிற்சிகள் தலா ஐந்து நாள்கள் நடத்தப்படும்.

நன்றி தினமணி