ஓட்டப்பந்தயத்தில் வென்றவர் பிரதமராக தோ்வு

நிசாந்தன் · நிசாந்தன் Tue Jan 25, 2011 4:48 pm

ஓட்டப் பந்தயத்தில் வெற்றி பெற்றவரை, நேபாளத்தின் பிரதமராகத் தேர்ந்தெடுத்துள்ளனர் அந்நாட்டின் இளைஞர் அமைப்பினர்.இங்கு மன்னராட்சி அமைந்தது குறித்து ஒரு சிறிய கதையும் உண்டு.
அதாவது, முற்காலத்தில் ஒருமுறை லம்ஜுங் மாவட்டத்தை ஆட்சி செய்து வந்த, நரபூபால ஷா என்பவரது தம்பி த்ரப்யா ஷா என்பவர், லிக்லிக் என்ற இடத்தில் நடந்த ஓட்டப் பந்தயத்தில் கலந்து கொண்டு வெற்றி பெற்றதால் புதிய அரசராகத் தேர்ந்தெடுக்கப்பட்டார். இக்கதையை, நேபாள இளைஞர்கள் தற்காலத்திற்கேற்ற படி பயன்படுத்தியுள்ளனர்.

"யூத் பிரஷர் கேம்பைன்' என்ற இளைஞர் அமைப்பானது, தற்போதைய நேபாள அரசியல் நெருக்கடியை கேலி செய்வதற்காக ஓர் ஓட்டப் பந்தயத்துக்கு ஏற்பாடு செய்தனர்.நயாபனேஷ்வர் என்ற இடத்தில் அமைந்துள்ள, பார்லிமென்ட் கட்டடம் முன் துவங்கிய இந்த ஓட்டப் பந்தயம், சிங்துர்பர் என்ற இடத்தில் அமைந்துள்ள தலைமைச் செயலகம் முன் முடிவடைந்தது.

இதில், மொத்தம் 55 பேர் கலந்து கொண்டனர்.இப்போட்டியில் முதல் நபராக வெற்றி பெற்ற ஹரேந்திர பட்டா என்பவர் பிரதமராக அறிவிக்கப்பட்டார். அடுத்தடுத்த இடங்களைப் பிடித்த ஷேர் பகதூர் புல் மற்றும் பினா புன் ஆகியோர் துணைப் பிரதமர்களாக அறிவிக்கப்பட்டனர்.