பிரபலங்கள் வாழ்வில் நகைச்சுவை நிகழ்வுகள்..!

ARR · ARR Mon Jan 24, 2011 1:10 pm

First topic message reminder :

வணக்கம் நண்பர்களே..!

இது பிரபலமானவர்கள் வாழ்வில் நடந்த நகைச்சுவை சம்பவங்களின் தொகுப்பு.. இது போன்று முன்பே எதாவது திரி இருந்ததா என்பது தெரியவில்லை.. அவ்வாறு இருந்தால், நடத்துனர்கள் இந்த பதிவுகளையும் அத்துடன் இணைத்துக் கொள்ளலாம்..

உலகம் சுற்றும் வாலிபன் திரைப்படம் எடுக்கும்போது எம்.ஜி.ஆருக்கும் கவிஞர்
வாலிக்கும் சின்ன உரசல். எம்.ஜி.ஆர். கோபமுற்று "இந்தப் படத்தில் நீ
பாட்டு எழுத வேண்டாம்.. உன் பெயர் இல்லாமலே இப்படத்தை வெளியிடுகிறேன் பார்" என்றார்.

உடன் வாலி, " என் பெயர் இல்லாமல் இப்படத்தை உங்களால் வெளியிட முடியாது..
ஏனென்றால் படத்தின் பெயர் உலகம் சுற்றும் வாலிபன் அல்லவா ?" என்றார்.
எம்.ஜி.ஆரும் கோபம் நீங்கி சிரித்தவராய் சமாதானம் அடைந்தார்..!

ARR · ARR Wed Jan 26, 2011 4:36 pm

ஒரு முறை அறிவியலாளர் சர். ஐசக் நியூட்டன், தன் வீட்டில் ஒதுங்கிய பூனையும் அதன் குட்டிகளையும் பராமரிக்க ஒரு சிறிய மர வீட்டை கட்டலாம் என்று யோசித்தார். அதற்கான் டிசைனும் செய்தார். பூனைகள் படுக்க மெத்தை போன்றதொன்று உள்ள அறை, கழிப்பிடம் முதலியவைகளை திறம்பட அமைத்தார். பெரிய பூனை செல்ல பெரிய கதவும், சிறிய பூனை செல்ல சிறிய கதவும் கூட அமைத்தார்.

ஒரு மர தச்சனிடம் டிசைனை காட்டி இதுபோல் வீடு வேண்டுமென்றார்.

அவன் சிரிக்க ஆரம்பித்தான். காரணம் கேட்டார் மேதை..

மெத்தை, கழிப்பறை எல்லாம் சரி.. பெரிய பூனை செல்லும் வழியிலேயே சின்ன பூனையும் சென்றுவிடுமே.. பின் எதற்கு சிறிய வாசல்..? என்று தச்சன் கேட்க, அசடு வழிய ஆமோதிப்பதைத்தவிர வேறுவழியில்லை அறிவியல் அறிஞருக்கு..

ARR · ARR Wed Jan 26, 2011 4:38 pm

ஒருமுறை ஆபிரஹாம் லிங்கன் அவர்களை காண ஒருவர் சொல்லிக் கொள்ளாமல்
வந்திருந்தாராம், அந்த நேரம் பார்த்து அவர் வெளியே போயிருக்க, கொஞ்சம்
நேரம் காத்திருந்து கடுப்பாகி, வீட்டு வாசலில் கழுதை என்று எழுதி வைத்து
சென்றாராம்.

வந்தவர் யார் என்பதை எழுத்தை வைத்து அறிந்த ஆபிரஹாம்
லிங்கன், அடுத்த நாள் அவரை சந்தித்து நேற்று நீங்க எங்க வீட்டுக்கு
வந்தீங்க போலிருக்குது, உங்க பெயரை எழுதி வைச்சிட்டு போனீங்க, அதனால யார்
வந்தது என்பதை அறிய ரொம்ப வசதியா போச்சு என்றாராம்.

ARR · ARR Wed Jan 26, 2011 4:41 pm

ஒருமுறை அறிவியல் அறிஞர் ஐன்ஸ்டீன் தன்னுடைய கண்டுபிடிப்புகள் பற்றிய விளக்கவுரை ஆற்ற காரில் சென்றுகொண்டிருந்தார்.. ஆனால் உடல்நிலை சரியில்லாததால் சோர்வுற்று இருந்தார்.. இதைக் கண்ட ஓட்டுநர் மிகுந்த அக்கறையுடன் கேட்டார்..

" அய்யா.. இன்றைய நிகழ்ச்சியை ரத்து செய்து விடலாமே..?"

" அது இயலாது டாம்.. ஏகப்பட்ட பேர் காத்துக்கொண்டிருப்பார்கள்.. அவர்களை ஏமாற்ற விரும்பவில்லை..!"

இருந்தாலும் ஓட்டுநருக்கு மனசு தாளவில்லை.. ஒரு யோசனை சொன்னார்..

" அய்யா.. ஒன்று சொன்னால் கோபிக்க மாட்டீர்களே..? உங்கள் உரைகளை நிறைய கேட்டிருக்கிறேன்.. இன்று உங்களுக்கு பதிலாக, உங்களுடைய இடத்தில் நான் இருந்து உரையாற்றுகிறேனே..?'

ஐன்ஸ்டீனுக்கு இந்த யோசனை பிடித்திருந்தது. ஓட்டுநரின் தொப்பியை அணிந்துகொண்டு ஐன்ஸ்டீன் கடைசி இருக்கையில் அமர்ந்துகொள்ள, ஒட்டுநர் மிகுந்த தன்னம்பிக்கையுடன் உரை ஆற்றினார்.. கூட்டத்துக்கு ஐன்ஸ்டீன் எப்படியிருப்பார் என்று தெரியாததால் ஓட்டுநர்தான் அறிவியல் அறிஞர் ஐன்ஸ்டீன் என்று நம்பிற்று. இருந்தாலும் திடீரென்று ஒரு எதிர்பாராத சிக்கல் ஒரு பேராசிரியர் வடிவில் கிளம்பியது. அவர் ஒரு விடயத்தைப் பற்றிய சந்தேகத்தை நீண்ட கேள்வியாக கேட்டு விளக்கமளிக்க வேண்டினார்..திக்கு முக்காடிய ஓட்டுநர் சட்டென சுதாரித்து சொன்னார்..

" இது மிகவும் சிறிய பிரச்னை பேராசிரியரே.. இதற்கான விளக்கத்தை கடைசி வரிசை இருக்கையில் அமர்ந்திருக்கும் என் ஓட்டுநரே கூட அளிக்க முடியும்..!"

மனதிற்குள் ஓட்டுநரின் சாமர்த்தியத்தை எண்ணி வியந்துகொண்டே ஐன்ஸ்டீன் எழுந்து சென்றார் விளக்கமளிக்க...!

ARR · ARR Wed Jan 26, 2011 4:44 pm

ஒரு நாள் கலைவாணருக்கு படப்பிடிப்பு இல்லை. ஓய்வாக வீட்டில் அமர்ந்திருந்த கலைவாணரை அவரது காதல் மனைவியும் பிரபல நகைச்சுவை நடிகையுமான திருமதி T.A.மதுரம் கேட்டார்..

" குடிக்க என்னங்க கொண்டு வரட்டும்.. டீயா காப்பியா..?

கலைவாணர் சொன்னார்.." டீயே மதுரம்"..!!!

கலைவேந்தன் · கலைவேந்தன் Wed Jan 26, 2011 4:56 pm

ஐசக் நியூட்டனின் சிறிய குழப்பம் வியந்தேன்... சில சமயம் நமக்கே இது போல ஆவதுண்டு.. சிறிய விடயஙக்ள் ஸ்லிப்பாகி போவதுண்டு...

லிங்கனின் நகைச்சுவை உணர்வு மதிக்கத்தக்கது...

ஐன்ஸ்டீன் மட்டுமா அவருடைய ஓட்டுனரும் ஜீனியஸ் தான்..

கலைவாணர் இருமினாலும் நகைச்சுவை தான்...

அருமையான தகவல்களுக்கு நன்றி அண்ணா..!

balakarthik · balakarthik Wed Jan 26, 2011 5:12 pm

அனைத்துமே அருமை மகிழ்ச்சி

ARR · ARR Wed Jan 26, 2011 8:26 pm

கலை wrote:ஐசக் நியூட்டனின் சிறிய குழப்பம் வியந்தேன்... சில சமயம் நமக்கே இது போல ஆவதுண்டு.. சிறிய விடயஙக்ள் ஸ்லிப்பாகி போவதுண்டு...

லிங்கனின் நகைச்சுவை உணர்வு மதிக்கத்தக்கது...

ஐன்ஸ்டீன் மட்டுமா அவருடைய ஓட்டுனரும் ஜீனியஸ் தான்..

கலைவாணர் இருமினாலும் நகைச்சுவை தான்...

அருமையான தகவல்களுக்கு நன்றி அண்ணா..!

நன்றி கலை..!

**சிவா** · **சிவா** Wed Jan 26, 2011 8:37 pm

மேதைகளின் நகைச்சுவையுணர்வு ரசிக்க வைக்கிறது!

**krishnaamma** · **krishnaamma** Thu Jan 27, 2011 6:46 pm

" டீயே மதுரம்" இதை என் தாத்தா பலமுறை சொல்லி கேட்டிருக்கிறேன். அறிஞர் ஐன்ஸ்டீன் பற்றிய தூம் முன்பே கேட்டுள்ளேன். என்றாலும் எவ்வளவு முறை கேட்டாலும் படித்தாலும் ரசிக்கக்கூடியவை தாம் அவை . பகிர்ந்தமைக்கு நன்றி புன்னகை

ARR · ARR Thu Jan 27, 2011 7:49 pm

balakarthik wrote:அனைத்துமே அருமை

நன்றி கார்த்திக்..!

Sponsored content · Sponsored content

பிரபலங்கள் வாழ்வில் நகைச்சுவை நிகழ்வுகள்..!

பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக