பிரபலங்கள் வாழ்வில் நகைச்சுவை நிகழ்வுகள்..!

ARR · ARR Mon Jan 24, 2011 1:10 pm

First topic message reminder :

வணக்கம் நண்பர்களே..!

இது பிரபலமானவர்கள் வாழ்வில் நடந்த நகைச்சுவை சம்பவங்களின் தொகுப்பு.. இது போன்று முன்பே எதாவது திரி இருந்ததா என்பது தெரியவில்லை.. அவ்வாறு இருந்தால், நடத்துனர்கள் இந்த பதிவுகளையும் அத்துடன் இணைத்துக் கொள்ளலாம்..

உலகம் சுற்றும் வாலிபன் திரைப்படம் எடுக்கும்போது எம்.ஜி.ஆருக்கும் கவிஞர்
வாலிக்கும் சின்ன உரசல். எம்.ஜி.ஆர். கோபமுற்று "இந்தப் படத்தில் நீ
பாட்டு எழுத வேண்டாம்.. உன் பெயர் இல்லாமலே இப்படத்தை வெளியிடுகிறேன் பார்" என்றார்.

உடன் வாலி, " என் பெயர் இல்லாமல் இப்படத்தை உங்களால் வெளியிட முடியாது..
ஏனென்றால் படத்தின் பெயர் உலகம் சுற்றும் வாலிபன் அல்லவா ?" என்றார்.
எம்.ஜி.ஆரும் கோபம் நீங்கி சிரித்தவராய் சமாதானம் அடைந்தார்..!

maheshuma · maheshuma Fri Sep 23, 2011 4:15 pm

very nice raja...

ARR · ARR Sat Sep 24, 2011 5:02 pm

நன்றி அம்மையாரே..!

ARR · ARR Sat Sep 24, 2011 5:04 pm

பிறர் நம் வாயைக் கிளறும்; விதமாக ஒரு கேள்வியைக் கேட்கும்போது நமது பதில் அவர்களின் முகத்திலடித்தாற்போல இருப்பதைவிட நகைச்சுவையோடு இருக்குமானால் அவர்கள் மனமும் புண்படாது. அத்தகைய கேள்வியை மீண்டும்; நம்மிடம் கேட்கமாட்டார்கள். இதற்கு உதாரணமாக மகாத்மா காந்தியைப் பார்த்து ஒருவர் கேட்ட இந்தக் கேள்வியைக் குறிப்பிடலாம்.

'எப்போதும் நீங்கள் ரெயிலில் மூன்றாவது வகுப்புப் பெட்டியிலேயே பயணம் செய்கிறீர்களே ஏன்?"

அதற்கு காந்திஜியின் பதில்: 'நான்காவது வகுப்பென்று ஒன்று இல்லையே... அதனால்தான்!"

ARR · ARR Sat Sep 24, 2011 5:05 pm

அறிஞர் பெர்னார்ட்ஷாவும், வின்ஸ்டன் சர்ச்சிலும் எப்போதும் தமது கௌரவத்தை விட்டுக் கொடுக்காதவர்கள். ஒரு சமயம் அறிஞர் பெர்னார்ட்ஷா வின்ஸ்டன் சர்ச்சிலுக்கு கடிதம் அனுப்பியிருந்தார் இப்படி:

'இன்று ஒரு பெரிய விழாவில் நான் உரையாற்றவிருக்கிறேன். நீங்கள் உங்கள் நண்பர்களோடு வந்து கலந்துகொள்ளுங்கள் - அப்படி யாராவது உங்களுக்கு இருந்தால்."

சர்ச்சில் அனுப்பிய பதில்: 'இன்று எனக்கு வேறு ஒரு முக்கியமான நிகழ்ச்சி இருக்கிறது. உங்களது அடுத்த நிகழ்ச்சியில் கலந்துகொள்கிறேன் - இனிமேல் அப்படி எதுவும் நடந்தால்."

இரு அறிஞர்கள் ஒருவரையொருவர் வாரிக் கொண்டதன் மூலம் உலகத்துக்கு, சிந்தித்துச் சிரிக்கத்தக்க ஓர் அரிய நகைச்சுவை கிடைத்துவிட்டது!

ARR · ARR Sat Sep 24, 2011 5:06 pm

ஒருநாள் நிருபர் ஒருவர் சர்ச்சிலைக் காணச் சென்றார்.

சர்ச்சில் இருந்த அறைக்குள் சென்ற அந்த நிருபரிடம், "நீங்கள் மிகவும் அதிர்ஷ்டசாலி. நீங்கள் வருவதற்கு முன் ஒன்பது நிருபர்கள் என்னைப் பார்க்க முயன்றனர். நான் மறுத்து விட்டேன்'' என்றார் சர்ச்சில்.

"அது எனக்கும் தெரியும். காரணம், ஒன்பது முறையும் முயன்றவன் நான்தானே!'' என்றார் நிருபர்.

ARR · ARR Sat Sep 24, 2011 5:08 pm

ஐன்ஸ்டீனுக்கு நன்றாக வயலின் வாசிக்கத் தெரியும். ஓய்வு நேரத்தில் வழக்கம்போல் வயலினை எடுத்து வாசிக்க ஆரம்பித்தார். அப்போது ஹங்கேரியின் பிரபல நகைச்சுவை நடிகரும், ஐன்ஸ்டீனின் நண்பருமாகிய மோல்நார் அங்கு வந்தார். ஐன்ஸ்டீன் வயலின் வாசித்தபோது இடையிடையே கொல்லென சிரித்தார்.

நண்பர் தன்னை கிண்டல் செய்கிறார் என்பதை உணர்ந்த ஐன்ஸ்டீன், "நான் வயலின் வாசிக்கும்போது ஏன் சிரிக்கிறீர்கள்? நீங்கள் நகைச்சுவை வேடத்தில் நடித்ததைப் பார்த்து நான் என்றாவது சிரித்திருக்கிறேனா?" என்று கேட்டார்.

நகைச்சுவை நடிகர் மோல்நார் கப்சிப் ஆகிவிட்டார்.

பாலாஜி · பாலாஜி Sat Sep 24, 2011 7:38 pm

பகிர்ந்த அத்தனை நிகழ்வுகளும் அருமை.

பகிர்வுக்கு நன்றி ////

ARR · ARR Sun Sep 25, 2011 12:03 pm

நன்றி வைபா..!

ARR · ARR Mon Sep 26, 2011 7:02 pm

இங்கிலாந்து நாட்டின் பிரதமராக இருந்த டிஸ்ரேலி ஒரு யூதர்.

அவர், சூயஸ் கால்வாயை நிர்வகித்த கம்பெனியில் பங்குகளை
வாங்க முடிவு செய்து அது பற்றி பார்லிமென்டில் அறிவித்தார்.

எதிர்க் கட்சித் தலைவரான கிரைட்ஸ்டன் அந்த யோசனையை
எதிர்க்கும் விதமாக, "சூயஸ் கால்வாய், குரங்குகளும் யூதர்களும்தான்
வாழ லாயக்கானது. இதை நான் எதிர்க்கிறேன்'' என்றார்.

"அப்படியானால் நீங்களும் நானும் சேர்ந்தே அங்கு போகலாமே!''
என்றார் டிஸ்ரேலி.

ARR · ARR Mon Sep 26, 2011 7:07 pm

இரண்டாம் உலகப் போர் நடைபெற்ற சமயம்.
அப்போது இங்கிலாந்தின் பிரதமராக இருந்தவர் வின்ஸ்டன் சர்ச்சில்.
அவருக்குத் திக்குவாய் உண்டு. நாளடைவில் ஒரு சிறந்த பேச்சாளர் ஆனார்.

ஒருமுறை அவரது நண்பர் கேட்டார், "உங்கள் பேச்சைக் கேட்க
கூட்டம் கூடிவிடுகிறதே, அதைக் காணும் தங்களுக்குப் பெருமையாக
இருக்கும்தானே?''

"இல்லை'' என்று மறுத்த சர்ச்சில் புன்னகையுடன் கூறினார்,

"நண்பரே, இதெல்லாம் ஒரு கூட்டமா? என்னை முச்சந்தியில் நிறுத்தி
தூக்கு மேடையில் ஏற்றுகிறார்கள் என்று வைத்துக்கொள்வோம்.
அப்போது நான் எப்படி இறக்கிறேன் என்பதைப் பார்க்க இதைவிட‌
அதிகக்கூட்டம் அலைமோதும்!''

Sponsored content · Sponsored content

பிரபலங்கள் வாழ்வில் நகைச்சுவை நிகழ்வுகள்..!

பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக