காங்கிரஸ் கலாச்சாரம் : கட்சிக்காரருக்கு எதிராக பூஜை..!

எம்.எல்.ஏ.,வுக்கு சீட் தரக்கூடாது : காங்., நிர்வாகிகள் கிடா வெட்டி பூஜை




திருவண்ணாமலை : "செங்கம் எம்.எல்.ஏ., போளூர் வரதனுக்கு,
மீண்டும் கட்சி தலைமை சீட் வழங்கக் கூடாது' என வேண்டி, தொகுதி காங்கிரஸ்
நிர்வாகிகள், கிடா வெட்டி பூஜை செய்தனர். திருவண்ணாமலை மாவட்டம், செங்கம்(
ரிசர்வ் ) தொகுதியில், தொடர்ந்து இரண்டு முறை, காங்கிரஸ் எம்.எல்.ஏ.,வாக
போளூர் வரதன் வெற்றி பெற்றுள்ளார். தொகுதி பக்கம் மாதத்துக்கு இரண்டு முறை
மட்டுமே வருவதாக, பொதுமக்கள் குற்றம் சாட்டுகின்றனர்.
செங்கத்தில் அடிப்படை வசதி மற்றும் மக்கள் குறைகள் குறித்து
எம்.எல்.ஏ., அக்கறை காட்டுவதில்லை என, காங்கிரஸ் நிர்வாகிகளே குற்றம்
சாட்டுகின்றனர். இந்நிலையில், 2011 சட்ட சபை தேர்தலில் செங்கம் தொகுதியில்
போட்டியிட வாய்ப்பளிக்குமாறு வரதன், காங்கிரஸ் தலைமைக்கு
விண்ணப்பித்திருந்தார்.
இதையறிந்த செங்கம் பகுதி காங்கிரசார், செங்கம் புதூரில் உள்ள மாரியம்மன்
கோவிலில், நேற்று ஒன்றிய குழு தலைவர் குமார் தலைமையில், மாவட்ட செயலர்
வெங்கடாச்சலம், தண்டராம்பட்டு வட்டார தலைவர் செங்கல்வராயன், செங்கம் வட்டார
தலைவர் மாசிலாமணி உள்ளிட்ட நூற்றுக்கணக்கான காங்கிரசார் ஒன்று கூடி,
"வரதனுக்கு காங்கிரஸ் மேலிடம் சீட் கொடுக்கக் கூடாது' என, மாரியம்மனை
வேண்டிக் கொண்டு, கிடா வெட்டினர்.

காங்கிரஸ் கட்சியைச் சேர்ந்த பெண் தொண்டர்களும், பொங்கல் வைத்தனர்.
வரதனுக்கு சீட் கொடுக்கா விட்டால், மொட்டை அடித்து, அம்மனுக்கு கிடா
வெட்டி, பொங்கல் வைத்து வழிபடுவதாக தனிப்பட்ட முறையிலும் பல பெண்கள்
வேண்டினர்.

செங்கம் தொகுதி காங்கிரஸ் கட்சி நிர்வாகிகள் சார்பில், "செங்கம்
தொகுதியில் போட்டியிட போளூர் வரதனுக்கு மீண்டும் சீட் வழங்கக் கூடாது' என,
காங்கிரஸ் தலைவி சோனியாவுக்கு தந்தி மற்றும் பேக்ஸ் அனுப்புவது எனவும்
முடிவு செய்யப்பட்டது.

எதற்கெல்லாம் சாமிக்கு கிடா வெட்டுவது என்ற விவஸ்தையே இல்லாமல் போய்விட்டது..

இந்தியாவை போல கேவலமான அரசியல்வாதிகளை , கடற்படையை உலகில் சல்லடை போட்டு தேடினாலும் கண்டு பிடிக்க முடியாது ....

இவிங்க எப்பவுமே இப்படித்தான்

சென்னை சேப்பாக்கம் தொகுதி எம்.எல்.ஏ., கூட அவர் தொகுதிக்கே போவதில்லையாம் அவரை என்ன செய்வது