இன்டர்நெட் அடிமைகளை மீட்பதற்கு புதிய மையம்

**சிவா** · **சிவா** Tue 25 Aug 2009 - 13:00

அமெரிக்காவில் சிகிச்சை ஆரம்பம் இன்டர்நெட் அடிமைகளை மீட்பதற்கு புதிய மையம்

இன்டர்நெட் அடிமைகளை மீட்பதற்கு புதிய மையம் 1322737913

இன்டர்நெட்டில் தகவல்களை அறிவது எப்படி என்று சொல்லித் தரும் நிலை மாறி, அதில் அடிமையாகிக் கிடப்போரை மீட்பதற்கான சிகிச்சை மையம் ஏற்படுத்தும் நிலை வந்து விட்டது. அமெரிக்காவில் முதலாவது மையம் இப்போது பணியை தொடங்கியுள்ளது. எப்போதும் இன்டர்நெட் பார்த்தபடி கம்ப்யூட்டர் முன் பழியாக கிடப்பவர்களுக்கு "இன்டர்நெட் அடிக்ஷன் சின்ட்ரோம்" (ஐஏடி) என்ற மனநோய் ஏற்படுகிறதாம்.

சதா சர்வகாலமும் நெட்டில் எதையாவது தேடியபடி (!) கிடப்பதுடன், வேர்ல்டு ஆப் வார்க்ராப்ட் உட்பட அதிபயங்கர கேம்ஸ் விளையாடினால் போயே போச்... ஐஏடியால் பாதிக்கப் போவது நிச்சயம். இதுபோன்ற "நெட்"டிசன்களை மனநோய் பாதிப்பில் இருந்து மீட்பதற்கென அமெரிக்காவின் ஹெவன்ஸ்பீல்டு மறுவாழ்வு அமைப்பு, முதல்முறையாக ஒரு ஐஏடி மீட்பு மையத்தைத் தொடங்கியுள்ளது. ரீ&ஸ்டார்ட் என்ற பெயரில் இங்கு 45 நாட்கள் சிகிச்சை அளிக்கப்படும்.

ஒரே நேரத்தில் 2 முதல் 6 பேர் சிகிச்சை மற்றும் மறுவாழ்வு பெறலாம். அங்கு சேர்பவர்களை இன்டர்நெட், கேம்ஸ்களிடம் இருந்து 45 நாளும் பிரித்து வைப்பதுதான் முதல் வேலையாம். பிறகு, உடற்பயிற்சி, பாராயணம், யோகா, பிரசங்கம் என பல உண்டு. சிகிச்சை நிபுணர்கள் இவற்றை கவனிப்பார்கள். அவற்றை கற்றுக் கொண்டு மனதை வேறு திசையில் திருப்ப வேண்டியதுதான் பாக்கி.

45 நாட்கள் கழித்து மீண்டும் இன்டர்நெட் முன் அமர்ந்து விட்டால்... "மொடாக் குடியர்கள்" கணக்காக மீண்டும் சிகிச்சைக்காக மையத்துக்கு திரும்ப வேண்டியதுதான்.