ஆன்ட்டி உங்களை தொடலாமா... : குஷ்புவை கேட்ட குழந்தை!

ரபீக் · ரபீக் Sat Jan 22, 2011 11:22 am

First topic message reminder :

எச்ஐவி நோயால் பாதிக்கப்பட்ட குழந்தைகளை வரவழைத்து பொங்கல் விழா நடத்தினார்கள் லயோலா கல்லூரியில். நிகழ்ச்சி ஏற்பாடு கவிஞர் சல்மாவின் தலைமையிலான தமிழ்நாடு சமூக நலவாரியம்.

இவர்களுக்கு தேவை அன்பும் அரவணைப்பும்தான் என்றார் சல்மா. அந்த வார்த்தையை மெய்ப்பிப்பது போலவே இருந்தது விழாவில் கலந்து கொண்ட குஷ்புவின் செயல்பாடு. அத்தனை குழந்தைகளையும் கவரும்படி பேச ஆரம்பித்தார். நீங்கள்ளாம் நல்லா படிச்சு பெரிய ஆளா வருவீங்கதானே என்று அவர் கேட்க, குழந்தைகள் முகத்தில் கொள்ளாத சந்தோஷம். வருவோம் ஆன்ட்டி என்றார் கோரஸாக!

அவ்வளவு கூட்டத்திலும் ஒரு சிறுமிக்கு இன்னொரு ஆசை. ஆன்ட்டி உங்களை ஒரு தடவ நான் தொட்டுப் பார்க்கட்டுமா? என்றாள். அவ்வளவுதான். நெகிழ்ச்சியில் திக்குமுக்காடிப் போனார் குஷ்பு. வாம்மா என்று அருகில் அழைத்து மார்போடு தழுவிக் கொண்டார். பின்பு பேசும்போது எல்லாரையும் நன்றாக படிக்கும்படி வலியுறுத்தினார்.

இந்த குழந்தைகளுக்கு மட்டுமல்ல, தமிழக குழந்தைகளுக்கு சொல்லிக் கொள்வேன். கல்வி ரொம்ப முக்கியமானது. எதை விட்டாலும் கல்வியை மட்டும் விட்டு விடாதீர்கள். கல்வி தரும் விழிப்புணர்ச்சியே வாழ்க்கையில் உங்களை உயரத்திற்கு கொண்டு செல்லும் என்றார்

விடுப்பு