ஹெல்த் காஸ்மெடிக் சேர்ஜரி!

தாமு · தாமு Thu Jan 20, 2011 7:13 pm

[You must be registered and logged in to see this image.]ரெய்னோ ப்ளாஸ்டி என்றால் என்ன?

ஒரு வார்த்தையில் சொல்வதென்றால் மூக்கை ஒழுங்குப்படுத்துவது. அளவு மற்றும் வடிவம் மற்றும் மூக்கின் நுனி மாற்றம் இந்த மூன்றும் ரெய்னோ ப்ளாஸ்டியில் சரியாக செய்யப்படுகிறது.

ரெய்னோ ப்ளாஸ்டி அறுவை சிகிச்சைக்கு வயது வரம்பு உண்டா?

இந்த சிகிச்சை பொதுவாக 15 வயது மற்றும் அதற்கு மேற்பட்டவர்களுக்கு செய்யப்படுகிறது.தவிர இந்த சிகிச்சை தேவைப்படுபவரின் உடனடி தேவையை பொறுத்து காஸ்மெடிக் அறுவை சிகிச்சை நிபுணரால் தேவை நிர்ணயிக்கப்படும்.

இந்த அறுவை சிகிச்சை வலி மிகுந்ததா?

இல்லை குறைவான அளவே இருக்கும்.பெருபாலான நோயாளிகள் வலியை விட அசௌகரியத்தையே அதிகம் உணருகிறார்கள். இதற்கு காரணம் இந்த அறுவை சிகிச்சைக்கு பிறகு மூக்கு துவாரத்தில் இரத்த இழப்பை தடுப்பதற்காக வைக்கப்படுகிற பேக்கிங்.இது சில மணி நேரங்களுக்கு மட்டுமே பயன்படும்.

இந்த அறுவை சிகிச்சைக்கு பிறகு ரன்னி நோஸ் ஏற்படுமா?

சில நோயாளிகளுக்கு இந்த அசௌகரியம் ஏற்படுகிறது. ஆனால் ஒரு சில மாதங்களில் இந்த பிரச்னையிலிருந்து விடுப்பட்டுவிட முடியும்.

ரெய்னோ ப்ளாஸ்டிக்கு பிறகு எவ்வளவு நாளில் குணமடைய முடியும்?

ஒரு நாள் மட்டுமே முழு ஓய்வு தேவைப்படும்.பெரும்பாலான நோயாளிகள் ஒன்று இரண்டு நாட்களில் இயல்புக்கு திரும்பி விடுவார்கள். சிலருக்கு வீக்கம் ஒரு சில நாட்கள் இருக்கலாம் அதிகபட்சம் ஒருவாரம் மட்டுமே இயல்பு நிலைக்கு திரும்ப தேவைப்படும். இரண்டு வாரங்களுக்கு இந்த அறுவை சிகிச்சை நோயாளிகள் வெயிலில் செல்வதற்கும், கடுமையான உடல் உழைப்பு வேலைகள் செய்வதற்கும் வேண்டாம் என அறிவுறுத்தப்படுவார்கள்.

ரெய்னோ ப்ளாஸ்டி அறுவை சிகிச்சைக்கு பின் விளைவுகள் இருக்கிறதா?

பொதுவாகவே இந்த அறுவை சிகிச்சை மிகவும் பாதுகாப்பானது. ஆனால் மற்ற அறுவை சிகிச்சைகளுக்கு இருப்பது போலவே மிக லேசான பின் விளைவுகள் உண்டு. மயக்க மருந்தினால் ஏற்படுகிற பிரச்னை, நோய் தொற்று, மூக்கில் இரத்தம் வடிதல், தோல் மறத்து போகிற தன்மை போன்றவை ஏற்படலாம். இது நபருக்கு நபர் மாறுபடும்.

இந்த அறுவை சிகிச்சையில் தழும்புகள் ஏற்படுமா?

ரெய்னோ ப்ளாஸ்டி அறுவை சிகிச்சை இரண்டு முறைகளில் செய்யப்படுகிறது. ஒன்று க்ளோஸ்டு ரெய்னோ ப்ளாஸ்டி இரண்டாவது ஓபன் ரெய்னோ ப்ளாஸ்டி. முதல் வகையில் தழும்புகள் ஏற்பட வாய்ப்பு இல்லை.இரண்டாவது வகையில் மிக மெல்லிய கட் மட்டுமே செய்யப்படும். இவை ஒரு தேர்ந்த ப்ளாஸ்டிக் சர்ஜன் செய்யும்போது அது மற்றவர் கண்ணுக்கு தெரிய வாய்ப்பு இல்லை.

இந்த அறுவை சிகிச்சைக்கு எந்த விதமான மயக்க மருந்து தேவைப்படும்?

ஜெனரல் அனஸ்தீசியா அல்லது லோக்கல் அனஸ்தீசியா இது சிகிச்சை தேவைப்படுகிற நபரை பொறுத்து மாறுபடும்.

ரெய்னோ ப்ளாஸ்டி அறுவை சிகிச்சை மூலம் குறிப்பாக எதையெல்லாம் அடைய முடியும்?

மூக்கின் மொத்த அளவில் குறைவு அல்லது அதிகம் அடையலாம். மேல் உதட்டுக்கும் மூக்கிற்கும் இடையே உள்ள கோணத்தில் மாற்றம் அடைய முடியும்.மூக்கு துவாரத்தை குறுக்க முடியும்.இரு மூக்கு துவாரங்களையும் குறுக்கிட நடுச் சுவரில் மாற்றத்தை கொண்டு வர முடியும். மூக்கு நுனியில் மாற்றத்தை கொண்டு வர முடியும். சில மூச்சு பிரச்னைகளை இந்த அறுவை சிகிச்சை மூலம் குணப்படுத்த முடியும். (பிuனீஜீ இருந்தால் அதை நீக்க முடியும்)

ரெய்னோ ப்ளாஸ்டி எல்லோருக்கும் ஒரே மாதிரியாக செய்யப்படுமா?

இயற்கையாக மூக்கின் அமைப்பு இடத்திற்கு இடம் மாறுபடும். இந்தியர்களுடைய மூக்கு ஐரோப்பியர்களுடைய மூக்கைவிட நிச்சயம் மாறுப்பட்டது.அதேபோல வட இந்தியர்களின் மூக்கிற்கும் தென்னிந்தியர்களின் மூக்கிற்கும் வித்தியாசம் உண்டு.தவிர உங்கள் முகத்திற்கு அதில் இருக்கிற மூக்கை எந்த அளவிற்கு மாற்றம் செய்தால் உங்களுடைய அழகு மேலும் கூடும் என்பதை முடிவு செய்ய உங்களுக்கு ஒரு நல்ல காஸ்மெடிக் சர்ஜன் துணை தேவை.

பொதுவாக ரெய்னோ ப்ளாஸ்டி முக அழகை கூட்டுவதற்கு அல்லது விபத்தின் மூலம் ஏற்பட்ட பிரச்னையை சரி செய்வதற்கு அல்லது பிறக்கும்போதே ஏற்பட்ட குறைபாட்டை நீக்குவதற்கு அல்லது சுவாச பிரச்னைகளை சரி செய்வதற்கு போன்ற காரணங்களுக்காக செய்யப்படுகிறது.

ஹெல்த் காஸ்மெடிக் சேர்ஜரி!

ஹெல்த் காஸ்மெடிக் சேர்ஜரி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக