கருப்புப் பண விவகாரம்-பிரணாபுக்கு பிரதமர் உத்தரவு

ரபீக் · ரபீக் Thu Jan 20, 2011 4:04 pm

கருப்புப் பண விவகாரம் தொடர்பாக மத்திய அரசின் நிலையை பத்திரிக்கையாளர்களை அழைத்து தெளிவாக விளக்கிக் கூறுமாறு நிதியமைச்சர் பிரணாப் முகர்ஜியை பிரதமர் மன்மோகன் சிங் கேட்டுக் கொண்டுள்ளார்.

உச்சநீதிமன்றம் கருப்புப் பண விவகாரம் தொடர்பான வழக்கில் அடுத்தடுத்து 2 முறை மத்திய அரசை கடுமையாக சாடியுள்ளது. ஜெர்மனியின் லிச்சன்ஸ்டைன் வங்கியில் கருப்புப் பணத்தைக் குவித்து வைத்துள்ள 26 பேரின் பெயர் விவரங்களை பகிரங்கமாக வெளியிட மத்திய அரசு மறுத்து வருவதற்கு அது கண்டனம் தெரிவித்துள்ளது.

நாட்டின் பொருளாதாரம் கொள்ளையடிக்கப்பட்டுள்ளது. அந்த செயலை ஏன் அரசு மறைக்கப் பார்க்கிறது என்றும் அது காட்டமாக கேட்டுள்ளது.

இதுகுறித்து நேற்று நடந்த அமைச்சரவை மாற்றத்திற்குப் பின்னர் செய்தியாளர்களிடம் பேசிய பிரதமர், கருப்புப் பணத்தை மீட்டுக்கொண்டு வர உடனடியான நடவடிக்கை, தீர்வு எதுவும் நம்மிடம் இல்லை. தற்போது கிடைத்துள்ள பட்டியலை வைத்து உரியவர்களிடம் வரி வசூலிக்க பயன்படுத்துவோம் என்று பொத்தாம் பொதுவாக பதிலளித்திருந்தார்.

இந்த நிலையில் இன்று அமைச்சரவைக் கூட்டம் பிரதமர் தலைமையில் நடந்தது. அப்போது கருப்புப் பண விவகாரம் குறித்து பிரதமர் பேசினார். மேலும் இதுதொடர்பாக மத்திய அரசின் நிலையை பத்திரிக்கையாளர் சந்திப்புக்கு ஏற்பாடு செய்து அவர்கள் மூலம் நாட்டு மக்களுக்கு தெளிவுபடுத்துமாறு பிரணாப் முகர்ஜியை பிரதமர் கேட்டுக் கொண்டார்.
தட்ஸ்தமிழ்

குடந்தை மணி · குடந்தை மணி Thu Jan 20, 2011 4:09 pm

பிரணாப் ஒரு தேர்ந்த அரசியல்வாதி - பார்க்கலாம் ! என்ன சொல்கிறார் பத்திரிக்கையாளர் சந்திப்பில்!!

mmani15646 · mmani15646 Fri Jan 21, 2011 7:25 am

எப்படி நடவடிக்கை எடுப்பார்? அந்தப்பட்டியலில் அவரது எசமானிப்பெயர் உள்ளதே!

தமிழ்ப்ரியன் விஜி · 26/06/2009

இந்தியா 4 ஆவது இடத்தில் தான் உள்ளது !...

அன்பு தளபதி · அன்பு தளபதி Fri Jan 21, 2011 1:31 pm

சோனியா அம்மையாருக்கு பல லக்ஷம் கோடி இருக்காம்லா குருமூர்த்தி சொல்றாரு

கலைவேந்தன் · கலைவேந்தன் Fri Jan 21, 2011 7:11 pm

சில பல சங்கடங்களைத் தவிர்க்கத்தான் மன்மோகன் சிங் விழுங்கி திகைத்துப்பேசி இருக்கிறார். மேலிட உத்தரவு எளிதில் கிடைக்காது. நீதிமன்ற அவமதிப்பு வழக்கைச் சந்திக்க நேரிடலாம்..