வெளிநாட்டுல இருந்து திரும்பி வருபவர்களின் அலும்புகள் !!!

ஃபாரின் ரிட்டன்ஸின் அலப்பரைகள்! என்ன செய்வாங்க.. நம்மாளுங்க வெளிநாடுகளுக்கு போயிட்டு வந்தா? அவங்க பண்ற அலப்பரைகளை பத்திதான் ஆராய்ச்சி பண்ணி கீழ எழுதியிருக்கேன். கையில மினரல் வாட்டரை வச்சிகிட்டே திரியிவாங்க... (அவங்க சுகாதாரமா இருக்காங்களளளாம்!)

வெளி நாட்டிலிருந்து இந்தியாவுக்கு லக்கேஜ் கொண்டு வந்த பேக்கில் உள்ள ஸ்டிக்கரை 4 மாசம் ஆனாலும் கிழிக்க மாட்டாங்க.. (10 லட்ச ரூபாய் லாட்டரி சீட்டு போல, பத்தரமா வச்சிகிட்டு என்ன பண்றாங்களோ?)

கேபின் லக்கேஜ் பேக்கை, நம்ம ஊரு ரோட்டுல உருட்டிகிட்டு அல்லது தள்ளிகிட்டு போறதுக்கு முயற்சி செய்வாங்க.. (நம்ம ஊரு ரோட்ல கார் ஓட்டுரதே, சர்கஸ் சாகசம் மாதிரி.. இதுல இதுவேறையா?)

குளிக்கவே தேவையில்லாத மாதிரி சென்ட்டு, டியோட்ரன்ட், பாடி ஸ்பிரே அடிச்சிகிட்டு அலையறது (பக்கத்துல நின்னு பேசறவங்களுக்கே.. மறுநாள்தான் அந்த வாசனையே போகும்னா பாத்துகோங்க!)

கையேந்தி பவன்ல கூட கிரிடிட் கார்டை எடுத்து நீட்டுவாங்க... (மப்புல இல்ல, மேகம் தெளிவா இருக்கும்போதே!)

சுத்தத்தை பத்தி அடிக்கடி மறக்காம கருப்பு எம்.ஜி.ஆர் போல பேசிகிட்டே இருப்பாங்க. ரோட்டு கடையில டீ சாப்டுட்டு, கப்பை கரைக்டா குப்பதொட்டியிலதான் போடுவேன்னு அடம் பிடிப்பாங்க! (வீட்டுல சாப்பிட்ட தட்டை எடுங்கப்பா முதல்ல..)

எதைவாங்கினாலும் திர்கம்ஸ்ல யோசிச்சி "ஹேய்.. சாப்பாடு 2 திர்கம்ஸ்தான்!, வாவ்.. மட்டன் கிலோ 10 திர்கம்ஸ்தான்"னு ராமானுஜர் ரேஞ்சிக்கு கணக்கு பண்ணுவாங்க.. (ஜெர்ரி கிங் கூட, புக் எழுதும்போது இப்டி யோசிச்சிருக்க மாட்டாரு!)

தும்மலோ.. கொட்டாவியோ.. வந்தா முடிச்சிட்டு "எக்ஸ்சூஸ்மீ" ன்னு சொல்றது... (அப்படி சொல்லும்போது நாம அவங்கள வடிவேலு ரேஞ்சிலதான் பார்போம்ங்கறது வேற விசயம்!!)

"செளக்கியமா"ன்னு கேக்காம.. "ஹாய்"ன்னு சொல்றது, "லட்ச"த்துக்கு பதிலா.. "மில்லியன்ல" சொல்றது, தயிருக்கு பதிலா.. "யோகர்டு"ன்னு சொல்றது, "ஹய்வே"க்கு பதிலா "ஃப்ரீவே"ன்னு சொல்றதுன்னு பீட்டருக்கே பீஸா குடுக்குற ரேஞ்சிக்கு பிரிப்பாய்ங்க! (இந்த பாயின்ட் பெங்களூர் பீட்டர்களுக்கும் பொருந்தும்!)

சாப்பாட்டுல காரம், மசாலா அயிட்டங்களை தவிர்ப்பது. சாப்பிடறப்பவோ.. இல்லனா, சாப்ட்டு முடிச்ச அப்புறமோ.. கண்டிப்பா "கோக்கோ (அ) பெப்சியோ" இருக்கனுமுன்னு அடம்புடிக்கிறது! (சுகாதாரம்..சுகாதாரம்ன்னு சொல்லிட்டு, டாய்லெட் ஆசிட்டை குடிங்கடே!)

சாதா ஹோட்டலுக்கு சாப்பிட போயிட்டு.. "தாபா இருக்கா, ஃபப்பே சிஸ்டம் இல்லியா, குபாக்/குணாஃபா உண்டா" ன்னு சப்ளையருக்கு கொலவெறியை கெளப்புறது! (வீட்ல இதெல்லாம் கேட்டா, சுடுதண்ணியை சுட வைப்பாங்கன்னு தெரிஞ்சிதான்.. ஹோட்டல்ல இந்த அலப்பரை!)

வந்த ஏர்லைன்ஸ்ச பத்தி... அந்த ஃபிளைட்ல சீட்டு சரியில்ல, ஜன்னல் பக்கதுல உக்காரமுடியல, பணிபெண்னுக்கு முக்கு சப்பை, கஞ்சப்பசங்க.. சாப்பிட ஒன்னும் குடுக்கல, ன்னு வந்து சேர்ந்துட்டு 2 மாசமா கொறை சொல்லிகிட்டு சுத்துறது.. (யப்பா.. சாமீகளா! பணம் டிராவல் பண்றதுக்கு மட்டும்தான், ஃபிளைடையே உங்க பேருக்கு எழுதி வைக்கல!)
கடைசியா ஆனா நங்குன்னு ஒன்னு... எதை சொல்ல வந்தாலும்.. "இப்படிதான் துபாய்ல...", "இப்படிதான் நான் சிங்கபூர்ல இருந்தப்ப... " ன்னு ஆரம்பிப்பாங்க!! (மேலே உள்ளது பாதி அடியேனும் செய்வேன்னு.. யாராவது போட்டு குடுக்குறதுக்கு முன்னாடி, நானே ஒத்துகுறேன் நனபர்களே !!)

நானும் இதுல உள்ள சிலதை செய்றேன். என்ன பண்றது இங்க வசதியா இருந்துட்டு நம்ம நாட்டுக்கு போய் அங்க ஏற்படுரா சின்ன சின்ன வசதி குறைவை கூட ஏத்துக்க முடிய மாட்டேங்குது.இத்தனைக்கும் நாம வெளிநாடு போற சமயம் வரை அங்க இருக்கற அந்த குறைஞ்ச வசதில இருந்தவங்கதான்.ஆனா இங்க வந்து இருக்கற அந்த கொஞ்ச வருசத்துல மாறி போறோமேன்னு நினைச்சு எனக்கு வருத்தமாதான் இருக்கு

அப்ப நான் மட்டும் தான் இங்க நல்லவனா? தமிழ்நாட்டு எல்லையை தாண்டி போனதில்லை

                        

ஹாஹா ரசித்தேன்...
ஆனால் வெளிநாட்டில் இருந்து இந்தியா வந்து அலட்டாம இருக்கும் ஒரு சில கேணம்ஸும் உண்டு அடியேன் தான் அது....
இங்கிருந்து இந்தியா போன அன்னிக்கு தண்ணி குடிச்சு தொண்டை கட்டிக்கிட்டு பாடமுடியாது அது அடுத்த விஷயம் பேசவே முடியாம அவஸ்தை படுவதுண்டு.... தரையில் வெறுமனே படுத்து உருள்வது இஷ்டமான காரியம்.. ஜூன் மாசம் ஊருக்கு போய் ஜில்லுனு தண்ணில எத்தனை முறை குளித்தாலும் ஜாலியா இருக்கும்.... தினமும் கோவிலுக்கு போவதுண்டு அங்கு சுழலும் ஊதுவத்தி மணமும் விபூதி சந்தனத்தின் வாசமும் பிரசாத நெய்யின் மணமும் மனதை நிறைக்கும்....
வெளிநாட்டில் இருந்து வந்த மாதிரியே காமிச்சுக்காம செம்ம ரகளை செய்வோம் எப்பவுமே உடம்புக்கு தான் வயசாகுது ஆனால் பேச்சும் செயலும் அப்படியே தான் செம்ம வாலு என்ற செல்லப்பெயர் இப்பவும் உண்டு....

நம்ம ஊருக்கு போனால் 1 மாதம் குபுஸ் விட முடியாது, இதை விட புளுக்கம் நம்மை ஒரு வழி பண்ணும்.

ramesh.vait wrote:நம்ம ஊருக்கு போனால் 1 மாதம் குபுஸ் விட முடியாது, இதை விட புளுக்கம் நம்மை ஒரு வழி பண்ணும்.

அதானே பார்த்தேன் எங்கே நைனாவ கானம்னு...!

Tamilzhan wrote:

ramesh.vait wrote:நம்ம ஊருக்கு போனால் 1 மாதம் குபுஸ் விட முடியாது, இதை விட புளுக்கம் நம்மை ஒரு வழி பண்ணும்.

அதானே பார்த்தேன் எங்கே நைனாவ கானம்னு...!

வந்துட்டான் தமிழா.... எப்படி இருக்கீங்க எப்ப ஊருக்கு பூரிங்க நம்ம ராஜா ?