இலங்கைப் போரில் அமெரிக்க உதவி வெளிப்படுத்தியுள்ள Newyorker.com

நிசாந்தன் · நிசாந்தன் Wed Jan 19, 2011 12:08 am

அமெரிக்காவில் குறிப்பாக இராணுவ வட்டாரங்களில் இலங்கைக்கு ஆதரவானவர்கள் பலர் உள்ளனர். ஜேம்ஸ் கிளாட் என்ற பென்ரகன் அதிகாரி இலங்கையின் மிக நெருங்கிய நண்பர். இவர் புஷ் அரசாங்கத்தின் தெற்கு மற்றும் தென்கிழக்கு ஆசியாவுக்கான பிரதி துணைப் பாதுகாப்புச் செயலாளராக இருந்தவர். ஜனவரி 2009 இல் ஒபாமா அரசில் அங்கம் பெறும்வரை, இவரே இலங்கைக்கும் இந்தியாவுக்கும் இடையில் பென்ரகன் மேற்கொண்ட தொடர்புகளுக்கு தரகராக இருந்தவர் என்று கடந்த வாரம் Newyorker.com என்ற இணையத்தில் ஜோன் லீ அண்டர்சன் எழுதியுள்ளார். அதோடு இலங்கையின் பொது அபிப்பிராயத்தை மீண்டும் நல்லதாகக் கட்டியெழுப்புவதற்கு, தனியொரு பிரச்சனையுள்ள நாடாக இருக்காமல் இந்துசமுத்திரத்தில் கடல்சார்ந்த பாதுகாப்பு விடயங்கள் குறித்தும் கவனம் செலுத்தி ஒரு கூட்டத்தைக் கூட்டுமாறு அண்மையில் பென்ரகன் தேசிய பாதுகாப்புப் பல்கலைக்கழகத்திலிருந்து இராஜினாமா செய்துள்ள கிளாட் இலங்கைப் பாதுகாப்புச் செயலர் கோத்தபாயவுக்கு பரிந்துரைத்தார் என்றும் அண்டர்சன் தனது கட்டுரையில் எழுதியுள்ளார்.

இதேபோலவே, இந்தியாவின் அப்போதைய வெளிநாட்டுச் செயலாளரும் தற்போதைய தேசிய பாதுகாப்பு ஆலோசகருமான சிவசங்கர் மேனனுக்கும் உள்ளது.

கிளாட் கடந்த 2010 ஆம் ஆண்டு ஓகஸ்டில் ஏற்பாடு செய்திருந்த ஒரு கருத்தரங்கில் பல்நாட்டு சிரேஷ்ட கடற்படை அதிகாரிகள் பங்குபற்றியதோடு, அமெரிக்க கடற்படையின் பசுபிக் கட்டளையின் தளபதி "இலங்கையின் பயங்கரவாதத்தை நிறுத்துவதற்கும் கடல்சார்ந்த பாதுகாப்பை அதிகரிக்கவும் அதற்கு பல சலுகைகள் உள்ளன" என்று தெரிவித்தார். புலிகளின் கப்பல்களைக் கண்டுபிடிப்பதில் அமெரிக்கா நிறைய உதவி செய்ததாக கோத்தபாயவும் வெளிப்படையாக நன்றி தெரிவித்துள்ளார்.

இதற்கிடையில் இலங்கை பயங்கரவாதம் தொடர்பான நிபுணர் ரொஹான் குணவர்த்தனவோ, இலங்கை இராணுவத்தால் ஒரு பொதுமகன் கூடக் கொல்லப்படவில்லை எனத் தெரிவித்ததையும் அண்டர்சன் தனது கட்டுரையில் குறிப்பிட்டு, அமெரிக்காவானது இலங்கைப் போரில் உத்தியோகப் பற்றற்ற முறையில் பல உதவிகளைகளை இலங்கைக்குச் செய்துள்ளது என்றும் சுட்டிக்காட்டியுள்ளார்.

புலிகளின் ஆயுதக் கப்பல்கள் ஏழு கடந்த 2008 இல் மூழ்கடிக்கப்பட்டதில் அமெரிக்காவின் செய்மதிப் புலனாய்வுத் துறை கொடுத்த தகவல்களே முக்கிய பங்காற்றின என்பதை இலங்கை இராஜதந்திரிகளும் இராணுவ அதிகாரிகளும் தனிப்பட்ட முறையில் எனக்குத் தெரிவித்தனர் என்று அண்டர்சன் தெளிவுபடுத்தியுள்ளார்.

மேற்படி விடயங்கள் குறித்துக் கேட்பதற்காக கிளாட்டை அண்டர்சன் தொடர்பு கொண்டபோது, இரகசியங்களைக் காப்பாற்றுவதாக தாம் கொடுத்த அதிகாரபூர்வ சத்தியப்பிரமாணத்தின்படி இலங்கை இராணுவத்துக்கு அமெரிக்கா செய்த உதவிகள் குறித்துக் கருத்துத் தெரிவிக்க மறுத்துவிட்டார். ஆனால் இலங்கை அரசாங்கத்தின் போர் நடவடிக்கைக்குத் தாம் ஆதரவாக இருந்ததை அவர் ஏற்றுக்கொண்டுள்ளார். இதேவேளை மேற்குலக நாடுகளால் வெளிவிடப்படும் குற்றச்சாட்டுகள் அவற்றின் நடவடிக்கைகளுக்குப் பாதகமாக இருந்தது என்று தான் உணர்ந்ததாகவும் கூறியுள்ளார்.

இலங்கைப் போரில் அமெரிக்க உதவி வெளிப்படுத்தியுள்ள Newyorker.com

இலங்கைப் போரில் அமெரிக்க உதவி வெளிப்படுத்தியுள்ள Newyorker.com

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக