உடல்நல பிரச்சனைகளுக்கு இழப்பீடு கிடையாது.

இந்தியாவில் கணிணியால் ஏற்படும் உடல்நல பிரச்சனைகளுக்கு இழப்பீடு கிடையாது.
- அன்புடன் முருகேசன்
அலுவலகங்களில் கணிணியின் வருகை பெரும் புரட்சியை ஏற்படுத்தியிருக்கிறது
என்பதும், உற்பத்தியின் அளவை கூட்டியிருக்கிறது என்பதும் உண்மைதான். ஆனால்
மனித உடலமைப்பு கணிணியை பயன்படுத்துவதற்கு ஏற்றபடி வடிவமைக்கப்படவில்லை
என்பதால் தொடர்ந்து கணிணியை பயன்படுத்துபவர்களுக்கு பல உடல் நல பிரச்சனைகள்
ஏற்படுகின்றன. கணிணி சார்ந்த உடல் நலப் பிரச்சனைகள் தொடர்ந்து ஒரே
இடத்தில் உட்கார்ந்திருப்பது உடலில் உள்ள மூட்டுகளிலும் தசைகளிலும்
இறுக்கத்தை ஏற்படுத்தும். கணிணியை இப்போதுதான் பெரிய அளவில் பயன்படுத்த
ஆரம்பித்திருக்கிறோம். அதனால் எந்த அளவுக்கு உடல் நலம் பாதிக்கப்படக்
கூடும் என்பது தேறியவர் இன்னும் பல ஆண்டுகள் ஆகலாம். தொடர்ந்து மூன்று மணி
நேரத்திற்கு மேல் கணிணியை பயன்படுத்துவோர்களுக்கு பார்வை குறைபாடு, தலைவலி,
முதுகுவலி, களைப்பு ஆகியவை ஏற்ப்படுகிறது.பெங்களூருவில் 1200 ஐடி துறை
பணியாளர்களிடம் செய்யப்பட ஆய்வின்படி அவர்களில் 75 % பேருக்கு கணிணியை
தொடர்ந்து பயன்படுத்துவதால் உண்டாகும் உடல்நலப் பிரச்சனை இருந்தது.
கணிணியில் பணியாற்றும் 650 பேரிடம் மேற்கொள்ளப்பட்ட ஒரு ஆய்வின்படி கணிணியை
பயன்படுத்த ஆரம்பித்த ஒரு ஆண்டிற்குள்ளாகவே 55 % பேருக்கு கணிணி சார்ந்த
உடல் நல பிரச்சனை ஏற்பட்டது. 76 % பேருக்கு ஏதாவது ஒரு நோய் கூறு
தென்பட்டது. உடற்பிரச்சனை ஏற்பட்ட 60 % பேருக்கு கழுத்து, தோள்பட்டை
வலியும், பிடிப்பும் இருந்தது. இவர்களில் 6 மென்பொருள் வல்லுனர்கள் 25
வயதிலிருந்து 35 வயதிற்குட்பட்டவர்கள். இவர்கள் தங்கள் பணியை
விடவேண்டியதிருன்தது. 'எர்கனாமிக்ஸ்' என்ற அறிவியலில் ஒரு துறை இருக்கிறது.
புதிய கருவிகளை அறிமுகப்படுத்தும்போது மனித உடலுக்கு ஏற்றபடி அந்தக்
கருவிகளை அறிமுகப்படுத்துபோது , மனித உடலுக்கு ஏற்றபடி அந்த கருவிகளை
வடிவமைப்பது எப்படி என்பதை பற்றிய அறிவியல் இது. இந்த 'எர்கனாமிக்ஸ்'
சார்ந்து வடிவமைக்கப்பட்ட கீ போர்டுகள், மௌஸ் , கணிணிதிரைகள் , இருக்கைகள்
தற்போது கிடைக்க ஆரம்பித்திருக்கிறது. இவற்றை பயன்படுத்தினால் ஓரளவுக்கு
பயன் தருகிறது. தொடர்ந்து கணிணியை பயன்படுத்துவதால் ஏற்படக்கூடிய
பிரச்சனைகள் , அதை தவிர்ப்பதற்கான முறை, பிரச்சனை ஏற்பட்டால் அதற்க்கான
தீர்வு ஆகியவை பற்றி நிறுவனங்கள் தங்கள் பணியாளர்களுக்கு
தெரிவிக்கவேண்டும். இந்தியாவை பொறுத்தவரை , கணிணி தொடர்பான உடல்நலப்
பிரச்சனைகள் பணி சார்ந்த பிரச்சனையாக பார்க்கப்படுவதில்லை. இதனால்
கணிணியால் ஏற்ப்படும் உடல்நலப் பிரச்சனைகளுக்கு நிறுவனங்களில் இருந்து
இழப்பீடு பெற முடியாது. ஆனால் அமெரிக்கா, கனடா,ஆஸ்திரேலிய,பிரிட்டன் ஆகிய
நாடுகளில் கணிணியை பயன்படுத்தியதால் உடல்நலப் பிரச்சனைகள் ஏற்பட்டால்
அதற்க்கு அந்த நிறுவனங்களில் இருந்து இழப்பீடு பெற முடியும். - சட்டபார்வை