எனது கவிதைகள் - பி எம் கமால்.

mkamal · mkamal Mon Jan 17, 2011 3:45 am

பனை மரம்

சூரியனின் வெயில்பட்டு
சுந்தரமே கங் களுக்கு
வியர்த்து விடுமென்றா
இந்தப் பனைமரம்
உயரத்தில்
விசிறிக் கொண்டிருக்கிறது ?

பி. எம். கமால் , கடயநல்லூர்

mkamal · mkamal Mon Jan 17, 2011 3:48 am

இன்னொருமுறை பிறப்பாயா ?
(பீ.எம். கமால், கடையநல்லூர்)

வெள்ளை இருட்டை
வெளுக்க வந்த
காந்தி மகாத்மா !
உன்
அஹிம்சைப் பாடப்
புத்தகத்தை
கிழித்து எறிந்த
கிறுக்கர்கள் நாங்கள் !

அஹிம்சை உனது
ஆயுதமானது !
இப்போதோ
உன்
கைத் தடி எங்கள்
ஆயுதமாக
ஆகிப் போனது !

உன்
அரை ஆடை
அலங்காரத்தை
எங்கள் நடிகைகள்
ஏற்றுக் கொண்டனர் !

நீ
அடிவாங்கி உதைவாங்கி
இடிதாங்கி ஆனாய் !
கொடிதாங்கி கொள்கைக்கு
உயிர்தந்து போனாய் !
உன்
கல்லறையில் உன்னோடு
அஹிம்சையையும் நாங்கள்
ஆழப் புதைத்து விட்டோம் !
அதனால் தான் நாடு
வன் முறையில் நாளும்
வசமிழந்து கிடக்கிறது !

உன்கொள்கை ஆட்சி
உருவாகி விட்டால்
உன்
கலிபா உமராட்சிக்
கனவு பலித்து விடும் !

நீ அந்தக்
கனவு கண்டதால்தானே
கயவர்கள் உன்னைத்
துப்பாக்கிக் கழுமரத்தின் தூக்கில் தொங்கவிட்டார் !

கள்ள நோட்டிலும்கூட
கபடமின்றிச்
சிரிப்பவனே !
இந்தியாவில் நீ
இன்னொருமுறை பிறப்பாயா ?

**ரிபாஸ்** · **ரிபாஸ்** Mon Jan 17, 2011 5:23 am

சூப்பர் நண்பா

**Aathira** · **Aathira** Mon Jan 17, 2011 5:53 am

அடிவாங்கி உதைவாங்கி
இடிதாங்கி ஆனாய் !
கொடிதாங்கி கொள்கைக்கு
உயிர்தந்து போனாய் !
இரண்டு கவிதைகளும் அருமை.. விசிறி வீடும் பனைமரம் மிகவும் அருமை...மேற்கூறிய வரிகள் மிகவும் அருமை..

இந்த பதிவைத் துவங்கியவர் நன்றி கூறியுள்ளார் Aathira

கலைவேந்தன் · கலைவேந்தன் Fri Jan 21, 2011 5:03 am

இன்னொருமுறை பிறப்பாயா கவிதை என்னை மிகவும் கவர்ந்து விட்டது கமால். என்ன ஒரு தெளிவான கண்ணோட்டத்தில் விளைந்த கனவென்று வியக்கிறேன்..!

மஹானின் கொள்கைகளைக் காற்றில் பறக்கவிட்டு அவர் கொடுத்த கொடியைத் தூக்கி அலைகிறோம். அவரது அஹிம்சையினை குழிதோண்டிப் புதைத்துவிட்டு அவரது கைத்தடியை மட்டும் கக்கத்தில் ஏந்தி அலைகிறோம்.

மிக அழகான சிந்தனையுடன் எழுதுகிறீர்கள் கமால். பாரதியின் செல்லம்மா உதித்த கடையநல்லுர் மண்ணில் பிறந்ததால் அவரது சீரிய எண்ணங்கள் உங்கள் கவிதைகளில் மிளிர்கின்றன..

தொடருங்கள் நண்பரே..!

mkamal · mkamal Fri Jan 21, 2011 5:33 am

அன்புச் சகோதரருக்கு
வணக்கம்
தங்களின் கருத்துக்கு நன்றிகள் !
தொடர்ந்து நான் எழுத நீங்கள் தரும் உற்சாகம் டானிக் போன்று உள்ளது.
அன்புடன்
கமால்

**kirikasan** · **kirikasan** Fri Jan 21, 2011 6:53 am

கவிதைகள் அருமை. பாராட்டுக்கள். தொடருங்கள்!

அன்பு தளபதி · அன்பு தளபதி Fri Jan 21, 2011 6:56 am

அருமை நண்பரே தொடருங்கள்

ரபீக் · ரபீக் Fri Jan 21, 2011 6:59 am

கவிதை அழகு ,,,,,தொடருங்கள்

ARR · ARR Fri Jan 21, 2011 7:01 am

பனைமரக் கவிதை சுவையான கற்பனை..!

பாராட்டுகள் கமால்..!

Sponsored content · Sponsored content

எனது கவிதைகள் - பி எம் கமால்.

எனது கவிதைகள் - பி எம் கமால்.

Re: எனது கவிதைகள் - பி எம் கமால்.

Re: எனது கவிதைகள் - பி எம் கமால்.

Re: எனது கவிதைகள் - பி எம் கமால்.

Re: எனது கவிதைகள் - பி எம் கமால்.

நன்றி

Re: எனது கவிதைகள் - பி எம் கமால்.

Re: எனது கவிதைகள் - பி எம் கமால்.

Re: எனது கவிதைகள் - பி எம் கமால்.

Re: எனது கவிதைகள் - பி எம் கமால்.

Re: எனது கவிதைகள் - பி எம் கமால்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக