சிறை சென்று வந்தவர்களுக்கு வேலை வாய்ப்பளிக்கும் ஷோபனா

"திருந்தி வாழ சந்தர்ப்பம் கொடுங்கள்!' சிறை சென்று வந்தவர்களுக்கு
வேலை வாய்ப்பளிக்கும் ஷோபனா: சிறைக் கைதிகள், தண்டனைக் காலம் முடிந்து
வெளியே வரும் போது, சிறையில் செய்த வேலைகளுக்காக கிடைத்த பணத்துடன்
வருகின்றனர். சில நாட்களுக்கு அந்த பணம் உதவும். அது தீர்ந்து விட்டால்,
வாழ வழியின்றி, மீண்டும் குற்றச் செயல்களில் ஈடுபடுகின்றனர். அவர்களுக்கு
ஒரு வேலை கிடைத்து விட்டால், அவர்கள் குற்ற செயல்களில் ஈடுபட மாட்டார்கள்
என்ற எண்ணத்தில், ஸ்பெக்ட்ரா நிறுவனத்தில், சிறைக்குச் சென்று
வந்தவர்களுக்கு முன்னுரிமை அளித்து சேர்த்துக் கொள்கிறேன்.

இந்நிறுவனம்
சென்னை, மதுரை, கோவை ஆகிய இடங்களில், செயல்படுகிறது. 700 ஊழியர்கள் இதில்
பணிபுரிகின்றனர். சாதாரணமான ஒருவரும், சிறைக்குச் சென்று வந்த ஒருவரும்,
ஒரே வேலைக்கு விண்ணப்பித்தால், சிறைக் கைதியாய் உள்ளவருக்குத் தான்
முன்னுரிமை கொடுப்பேன். திருந்தி வாழ சந்தர்ப்பம் கொடுத்தால், மீண்டும்
தவறு செய்ய மாட்டார்கள். பெண்களில் கூட, கணவனை இழந்தவர்கள், கணவனால்
கைவிடப்பட்டவர்கள், விவாகரத்தானவர்கள் என, பல பெண்கள், எங்கள் நிறுவனத்தில்
உள்ளனர். என் நிறுவனம் குறித்து, நான் சுய விளம்பரம் எதுவும் செய்வதில்லை.
ஒருவர், மற்றவரிடம் சொல்வதன் மூலம், இங்கு வருகின்றனர். மேலும், நான்
அவ்வப் போது, கைதிகள் மத்தியில் உரையாடச் செல்வேன். அப்போது, நிறைய பாலியல்
தொழிலாளர்களைப் பார்ப்பேன். வெளியே வந்த பின், என்னை தொடர்பு கொள்ள
அறிவுறுத்துவேன். அப்படி வந்தவர்கள் நிறைய பேர், ஐந்தாயிரம் ரூபாய்
ஊதியத்தில், "ஹவுஸ் கீப்பிங்' வேலையை நிறைவாய் செய்கின்றனர். குற்றப்
பின்னணி உள்ளவர்களை வேலைக்கு அமர்த்தும் போது, பல பிரச்னைகள் வரும்.
அவற்றையெல்லாம் சமாளித்து தான் நிறுவனத்தை நடத்த வேண்டியுள்ளது. சிரமங்கள்
இருந்தாலும், பாதிக்கப்பட்டவர்களுக்கும், சமூகத்திற்கும் என்னால் முடிந்த
இந்த சேவையை செய்கிறேன்.
நன்றி தினமலர்

Hats off you Shobanaji