ஆதர்ஷ் குடியிருப்பை இடித்து தள்ளவும் ; சுற்று சூழல் அமைச்சகம் அதிரடி பரிந்துரை

மும்பை: முறைகேட்டில் சிக்கி முதல்வர் பதவி வரை பறிக்க காரணமாக இருந்த
மும்பை ஆதர்ஷ் குடியிருப்பை இடித்து தள்ள வேண்டும் என சுற்று சூழல் துறை
அமைச்சகம் அதிரடியாக பரிந்துரை செய்துள்ளது. இதனை இடிக்க 3 மாத காலம்
காலக்கெடு விதித்துள்ளது.
மகாராஷ்ட்டிர மாநிலத்தின் மும்பை நகரில் கார்கில் போரில் உயிர்நீத்த
தியாகிகள் குடும்பத்தினருக்கு வீடு வழங்கும் திட்டத்தின் படி மும்பையில்
ஆதர்ஷ் குடியிருப்பு கட்டப்பட்டது. இந்த குடியிருப்பில் 31 அடுக்கு மாடிகள்
கொண்டவையாக அமைக்கப்பட்டது. இதில் சட்ட விதி மீறல் இருந்ததாக ஏற்கனவே
விளக்கம் கேட்டு சுற்று சூழல் துறை நோட்டீஸ் அனுப்பியிருந்தது.
விதிமுறைக்கு எதிரானது: இந்நிலையில் வனம் மற்றும் சுற்றுச்சூழல்
துறை அமைச்சகம் இந்த கட்டடம் விதிமுறைக்கு முரணாக கட்டப்பட்டுள்ளதாகவும்,
இதனை இடித்து தள்ள வேண்டும் என்றும் தனது பரிந்துரையில் தெரிவித்துள்ளது.
மேலும் சிக்கலை ஏற்படுத்தியிருக்கிறது. ஜெய்ராம் ரமேஷை அமைச்சராக கொண்ட
இந்த துறையின் பரிந்துரையில் குடியிருப்பு கீரின் கிளியரன்ஸ்சுக்கு
எதிரானது. மற்றும் கடல் மற்றும் பாதுகாப்பு விதிமுறைக்கு எதிராக உள்ளது.
சட்ட விதி மீறல்கள் அப்பட்டமாக இருக்கிறது என்றும் கூறியுள்ளது.
3 மாத காலத்திற்குள் இடிக்க கெடு : இந்த குடியிருப்பை வரும் 3
மாத காலத்திற்குள் இடித்து தள்ளிவிடவும் என்றும் காலக்கெடு
விதிக்கப்பட்டுள்ளது. இந்த பரிந்துரைக்கு சுற்றுச்சூழல் துறை அமைச்சர்
ஜெய்ராம் ரமேஷ் ஒப்புதல் வழங்கி கையெழுத்தி்ட்டார்.

இந்த குடியிருப்பை ஒரு பகுதியாகவோ அல்லது முழுமையாகவோ இடித்து விடலாம்,
ஆதர்ஷ் சொசைட்டியை அரசு கையில் எடுக்க வேண்டும் என்றும் கூறியுள்ளது.
இதற்கு ஆதர்ஸ் சொசைட்டியின் வக்கீல் எதிர்ப்பு தெரிவித்துள்ளார். இந்த
பரிந்துரை சட்டத்திற்கு எதிரானது என்று கருத்து தெரிவித்துள்ளார்.
ஆதர்ஷ் குடியிருப்பில் அரசியல் வாதிகள் மற்றும் ராணுவ உயர்
அதிகாரிகள் மற்றும் முதல்வராக இருந்த சவானுக்கு வேண்டப்பட்டவர்களுக்கு
இங்கு வீடு ஒதுக்கப்பட்டது என்ற புகார் எழுந்தது. இதன் காரணமாக முதல்வர்
பதவியை இழந்தார் அசோக்சவான். மேலும் உயர் அதிகாரிகள் சிலரும் இந்த
முறைகேட்டில் சிக்கினர் என்பது நினைவிருக்கலாம்.

தினமலர்

அட பாவிகளா, இந்த குடியிருப்பை இத்தனை உயரத்துக்கு கட்டும்
முன்னரே தெரியலையா இது சுற்று சூழலுக்கு எதிரானது என்று.

கட்டிடம் முறைகேடாக கட்டுவதற்கு யாரெல்லாம் துணை புரிந்தார்களோ அவர்களை
நிரந்தர வேலை நீக்கம் மற்றும் கடுமையான சிறை தண்டனை தர வேண்டும்.அவைகளிடமிருந்து சொத்தை பறித்து கணக்கை சரிசெய்யனும். (கட்டுவாடார்க்கும் பின் இடிப்பதற்க்கும் ஆன செலவை சரிக்கட்டவேண்டாம்? ) அதைவிட்டு
முட்டாள் தனமாக சுற்று சூழல் துறை பேசுகிறதென்றால்....
எனக்கு கிடைக்காதது
யாருக்கும் கிடைக்க கூடாது என்ற (நல்ல எண்ணம் ?)சம்பந்த பட்டவர்களின் உள்நோக்கமே, அல்லவா?