மகிந்தாவின் கோபம், இலண்டன் மாணவன் கொழும்பில் கடத்தல்

நிசாந்தன் · நிசாந்தன் Fri 14 Jan 2011 - 1:55

மகிந்தவிற்கெதிராக லண்டனில் ஹித்ரு ஆர்ப்பாட்டத்தில் கலந்துகொண்டதாகக் கூறப்படும் தமிழர் ஒருவர் விடுமுறைக்காக இலங்கை சென்றபோது விமான நிலைய சூழலில் வைத்து வெள்ளை வேனில் கடத்திச் செல்லப்பட்டுள்ளதாகத் தெரியவருகிறது.

ஜனாதிபதி மகிந்த ராஜபக்ஷ லண்டன் ஒக்ஸ்ட்பேர்ட் பல்கலைக்கழகத்தில் உரையாற்றுவதற்காக சென்றபோது அதற்கு தடை ஏற்படுத்தும் வகையில் புலம்பெயர் தமிழர்களால் நடைபெற்ற முதலாவது ஆர்ப்பாட்டம் லண்டன் ஹித்ரு விமான நிலையத்தில் நடைபெற்றது.

அதில் மாணவர் அமைப்பின் சார்பில் கலந்துகொண்டவர் என சந்தேகிக்கப்படும் தமிழ் மாணவர் ஒருவரே கட்டுநாயக்க விமான நிலையத்திலிருந்து வெளியேறிய பின்னர் விமான நிலைய சூழலில் வைத்துக் கடத்தப்பட்டுள்ளதாக தெரியவருகிறது.இந்த மாணவர் குறித்து எவ்விதத் தகவலையும் உறவினர்களால் அறிந்துகொள்ள முடியாதுள்ளதாகவும் சம்பவம் குறித்து முறைப்பாடு செய்ய மாணவரின் பெற்றோர் அச்சமடைந்திருப்பதாகவும் தெரியவருகிறது.

தோல்வியடைந்த தனது ஒக்ஸ்டபேர்ட் பயணத்தை முடித்துக் கொண்டு இலங்கைக்குத் திரும்பவதற்கு முன்னர் ஜனாதிபதி மகிந்த ராஜபக்ஷ, ஆர்ப்பாட்டத்தில் கலந்துகொண்ட அனைவரது தகவல்களையும், புகைப்படங்களையும் கூடிய விரைவில் இலங்கைக்கு அனுப்புமாறு லண்டனிலுள்ள இலங்கைத் தூதரகத்தின் பாதுகாப்பு ஆலோசகர் மேஜர் ஜெனரல் சுசந்த சில்வாவிற்கு உத்தரவிட்டிருந்தார். தகவல்கள் அனுப்பப்பட்ட பின்னர் மேற்கொள்ள வேண்டிய நடவடிக்கைகள் குறித்து ஆலோசனை தான் வழங்குவதாகவும் தெரிவித்திருந்தார்.

இந்த நிலையில் கட்டுநாயக்க விமான நிலையத்தில் தமிழ் மாணவன் ஒருவன் கடத்தப்பட்டுள்ள சம்பவமானது ஜனாதிபதியின் உத்தரவு அச்சு பிசகின்றி நிறைவேற்றப்படுவதைப் புலப்படுத்தியுள்ளது.

மகிந்தாவின் கோபம், இலண்டன் மாணவன் கொழும்பில் கடத்தல்

மகிந்தாவின் கோபம், இலண்டன் மாணவன் கொழும்பில் கடத்தல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக