துரோகிகளை அடையாளம் கண்டு மோசடிகளை முறியடிப்போம்

நிசாந்தன் · நிசாந்தன் Wed Jan 12, 2011 9:51 am

துரோகிகளை அடையாளம் கண்டு மோசடி முயற்சிகளை முளையிலேயே முறியடிக்க மிக்க விழிப்புணர்வுடன் செயலாற்ற வேண்டும்! வைகோ அறிக்கை

தமிழ் ஈழ மக்களின் துயரமும் தியாகமும் நிறைந்த கண்ணீர் வரலாற்றில், காக்கைவன்னியன்களும், கருணாக்களும், தொடர்ந்து துரோகம் இழைக்கும் கோடாரிக் காம்புகளும் தமிழ் ஈழ விடுதலை விரும்பிகளால் அடையாளம் காணப்பட வேண்டும்.

இரத்தமும் கண்ணீரும் சிந்தி மகத்தான போராட்டங்களாலும், அளப்பரிய தியாகத்தாலும், தமிழ் ஈழத் தேசியத் தலைவர் மாவீரர் திலகம் பிரபாகரன் அவர்களும், அவர் கட்டி எழுப்பிய தமிழ் ஈழ விடுதலைப்புலிகள் இயக்கமும் நிர்மாணித்த ஈழத் தமிழ் தேசத்தை, மலர இருந்த சுதந்திரத் தமிழ் ஈழத்தை நிர்மூலம் செய்யத் திட்டமிட்டு, மனிதகுலத்தின் மனச்சாட்சியை நடுநடுங்கச் செய்யும் கோரமான இனப் படுகொலையைச் சிங்கள இனவாத அரசின் அதிபர் மகிந்த இராஜ பக்சே கூட்டம் செய்யவும், விடுதலைப்புலிகளைப் போர்க்களத்தில் தோற்கடிக்கவும், இலட்சக்கணக்கான தமிழ் ஈழ மக்களை, குழந்தைகள், பெண்கள், வயதில் மூத்தோர் என அனைவரையும் ஈவு இரக்கம் இன்றிப் படுகொலை செய்யவும், சோனியா காந்தி இயக்கும் இந்தியாவின் ஐக்கிய முற்போக்குக் கூட்டணி அரசு ஆயுதங்களும் ஆயிரமாயிரம் கோடிப் பணமும் கொடுத்து, இந்தியாவின் முப்படைத் தளபதிகளையும் இலங்கைக்கு அனுப்பி, தமிழர் அழிப்பு யுத்தத்தை இயக்கியது மன்னிக்க முடியாத கொடிய துரோகம் ஆகும்.

இலண்டன் சேனல் 4 தொலைக்காட்சி, 2010 டிசம்பர் 30-இல் வெளியிட்ட காணொளிக் காட்சிகள், தமிழர் நெஞ்சில் நெருப்பைப் போட்டு துடிக்கச் செய்கின்றன. பிரித்தானியத் தமிழர்கள் கொட்டும் பனியில் பல்லாயிரக்கணக்கில் திரண்டு, மகிந்த இராஜ பக்சேவை இலண்டனை விட்டு ஓடச் செய்தனர். உலகின் மனச்சாட்சி இப்பொழுதுதான் தமிழர் துயரத்தை உணரத் தொடங்கி உள்ளது. சர்வதேச குற்ற இயல் நீதிமன்றத்தின் குற்றவாளிக் கூண்டில் இராஜ பக்சேவையும் அவனது கொடிய சகோதரர்களையும் தண்டிக்க, தன்மானத் தமிழர்கள் சூளுரைக்கும் நிலை உருவாகி உள்ளது. வீரத் தியாகி முத்துக்குமார் உள்ளிட்ட 17 தமிழர்கள் தணலுக்குத் தங்கள் உயிர்களை ஆகுதியாக்கியது வீண் போகாது.

“இச்சூழலில், இந்தியாவின் மத்தியில் ஆட்சிக்குத் தலைமை தாங்கும் காங்கிரசின் தலைமை ஈழத் தமிழர்க்குச் செய்த துரோகத்தை மூடி மறைக்கவும், உண்மைகளைப் புதைக்குழிக்கு அனுப்பவும், பொய்ப் பித்தலாட்டப் பிரச்சாரத்தை அவிழ்த்து விடவும், இந்திய உளவுத்துறையின் ஏற்பாட்டில் ஒரு கூட்டம் ஒரு வஞ்சகத் திட்டத்தை வகுத்து உள்ளது. தமிழ் ஈழ விடுதலைப்புலிகளுக்கு எதிராக எண்ணற்ற துரோகங்களைச் செய்து, தமிழ்ஈழப் பகைவர்களின் கைக்கூலியாகச் செயல்பட்ட ஈ என் டி எல் எஃப் இயக்கத்தைச் சேர்ந்த சிலர், சிறிப்பெரும்புதூரில் இருந்து புதுடில்லிக்கு நடைப்பயணம் போகவும், அப்பட்டமான பொய்களைப் பரப்புரை செய்யவும் திட்டமிட்டுள்ளதோடு, டில்லியில் காங்கிரஸ் தலைவர்களைச் சந்தித்து, ஈழத் தமிழர் என்ற போர்வையில் தமிழ் ஈழ விடுதலைக்கு உண்மையில் போராடுவோரைக் கொச்சைப்படுத்தவும், தமிழ் இனத்துக்கு இழிவைத் தரும் காரியங்களில் ஈடுபடவும் முற்பட்டு உள்ளனர்.

தாய்த் தமிழகத்துத் தன்மானத் தமிழர்களும், உலகெங்கும் உள்ள புலம் பெயர்ந்த தமிழ்ஈழச் சொந்தங்களும், சகோதர சகோதரிகளும் துரோகிகளை அடையாளம் கண்டு கொள்ளவும், இந்த மோசடி முயற்சிகளை முளையிலேயே முறியடிக்கவும் மிக்க விழிப்பு உணர்வுடன் செயலாற்ற இருகரம் கூப்பி வேண்டுகிறேன்.

“தாயகம்” வைகோ

சென்னை௮ பொதுச்செயலாளர்
11.01.2011 மறுமலர்ச்சி தி.மு.க.

பூஜிதா · பூஜிதா Wed Jan 12, 2011 12:57 pm

துரோகிகளை அடையாளம் கண்டு மோசடிகளை முறியடிப்போம்

துரோகிகளை அடையாளம் கண்டு மோசடிகளை முறியடிப்போம்

Re: துரோகிகளை அடையாளம் கண்டு மோசடிகளை முறியடிப்போம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக