அப்பா..! எனக்கு கல்யாணம்..!

First topic message reminder :

பகட்டான வாழ்க்கை..தேடி
பணம் எனும் காகிதம் சேகரிக்க..
பாசத்தை அடகு வைத்து...
பாரினில் வந்து சேர்ந்தேன்..
மழலை மனம் மாறா மகனை விட்டு..

வந்து சேர வாங்கிய பணத்தின்
வட்டி கட்ட வருடம் ஒன்றானது..
முழுக்கடன் முழுதாய் தீர்க்க..
முழுவதும் எனை அடகு வைத்தேன்.
வேலையைப் புதுப்பிக்கின்ற சாக்கில்.

அன்பு மனைவியோடு..
அலைபேசி வாழ்க்கை வாழ்ந்து
தொலைந்து போனது..இளமை...
அவள் துயரம் அறிந்தும்...
அருகில் இல்லாமல்..மனதை
கல்லாக்கி மண்ணாகி போனேன்.
அல்லும்பகலும் அயராது உழைத்து
இதயமும் இரும்பாகிப் போனது.

பணமென்ற பிணமொன்றை
தழுவித் தாங்கிக் கொள்ள..
பிணமாகிப்போனேன்...என்
பிள்ளை மனம் கல்லாகி
எனை வெறுத்திட
காரணம் நான் ஆனேன்.

வாலிபத்தில் வந்தவனின்
இளமைகள் சுரண்டப்பட்டு..
இன்பங்கள் அழிக்கப்பட்டு..
வேலிகட்டி வாழ்கிறேன்..
வெளிநாட்டில்...நானும்..

போதுமடா வாழ்க்கையென்று...
புறப்பட யத்தனித்த நேரத்திலே..
அலைபேசியில் அழைக்கிறான்..
ஆசையோடு..அன்பு மகன்...
அப்பா..!எனக்கு கல்யாணம்..!
மறக்காமல் இந்த மாதம்
பணம் சேர்த்து அனுப்பிடு..! என்று.

பண மரமாகிப் போனெனோ..நான்
என் பாசத்தின் விலைதனை
அறிவானோ..அவனும்..?

மீதமுள்ள நாட்களை...
மீண்டும் தொடருகிறேன்..வெளிநாட்டிலே..
வாழ்வில் இணைந்த உள்ளங்கள்..
நலமோடு வாழவே..

மோகன் wrote:

நன்றி..மோகன்...

கண்ணீர் வாழ்க்கையின் கலங்கிய பக்கங்களை வாசித்ததும் கணகலங்கிப்போனேன் பாஸ்கரன்... இன்றைய நிலையில் நிறைய பேர் வாழ்க்கை இவ்வாறுதான் இருக்கின்றது...! பாராட்டுக்கள் பாஸ்...!

கலை wrote:கண்ணீர் வாழ்க்கையின் கலங்கிய பக்கங்களை வாசித்ததும் கணகலங்கிப்போனேன் பாஸ்கரன்... இன்றைய நிலையில் நிறைய பேர் வாழ்க்கை இவ்வாறுதான் இருக்கின்றது...! பாராட்டுக்கள் பாஸ்...!

உண்மைகள்
உணரப்படும் போது...வரிகளில் வலிமை கூடுகிறது..அண்ணா...
நன்றி..அண்ணா...அதே நேரம் உங்கள் கலங்க வைத்த வரிகளுக்கு..
கண்டனமும்..

நண்பா உனது உணர்வுகளை எழுதி விட்டாய் இல்லை செதுக்கி விட்டாய். இந்த வரிகளை படித்தால் தாஜ்மஹால் கற்கள் கண்ணீர் வடிக்கும். கடல் நீர் வற்றியிருக்கும், கணவனுக்கும் மனைவிக்கும் மான இடைவெளி கதறி அழுதிருக்கும், பணத்திற்கும், மனத்திற்கும் உள்ள இடைவெளி மண்டியிட்டு வணங்கியிருக்கும்.

மன்னித்துகொள் நண்பா, பணம் மட்டும் என்னிடம் இருந்தால் உன் போன்வர்களுக்கு நானே பண மரமாக இருந்திருப்பேன். உனக்கு மட்டும் அல்ல உன்போன்றவர்களுக்களின் உறவுகளின் திசையின் அருகில் சூரியன் உதிக்கும். வாழ்த்துக்கள்.

மு.வித்யாசன் wrote:நண்பா உனது உணர்வுகளை எழுதி விட்டாய் இல்லை செதுக்கி விட்டாய். இந்த வரிகளை படித்தால் தாஜ்மஹால் கற்கள் கண்ணீர் வடிக்கும். கடல் நீர் வற்றியிருக்கும், கணவனுக்கும் மனைவிக்கும் மான இடைவெளி கதறி அழுதிருக்கும், பணத்திற்கும், மனத்திற்கும் உள்ள இடைவெளி மண்டியிட்டு வணங்கியிருக்கும்.

மன்னித்துகொள் நண்பா, பணம் மட்டும் என்னிடம் இருந்தால் உன் போன்வர்களுக்கு நானே பண மரமாக இருந்திருப்பேன். உனக்கு மட்டும் அல்ல உன்போன்றவர்களுக்களின் உறவுகளின் திசையின் அருகில் சூரியன் உதிக்கும். வாழ்த்துக்கள்.

அன்பு நண்பா..நலமா..? எனது தைபூச வாழ்த்துக்கள்..குரல் வளம் சரியிலாத காரணத்தால்..அலை பேசியில் பேச முடியவில்லை..
இங்கு வந்து என் கவி படித்து..என் நிலை அறிந்து ஆறுதல் தந்தமைக்கு என் நன்றிகள்..நண்பா..விரைவில்..அழைக்கிறேன்..

அருமை தேனி பாஸ்....

தமிழ்ப்ரியன் விஜி wrote:அருமை தேனி பாஸ்....

நன்றி..விஜி...

பணமே வாழ்வாகிவிட்டது... அன்பு எங்கோ மறைந்துக்கொண்டே போகிறது... யாரையும் குற்றம் சொல்வதற்கில்லை...

உங்களின் ஏக்கமான வரிகள் மிகவும் நன்று...

srinihasan wrote:பணமே வாழ்வாகிவிட்டது... அன்பு எங்கோ மறைந்துக்கொண்டே போகிறது... யாரையும் குற்றம் சொல்வதற்கில்லை...

உங்களின் ஏக்கமான வரிகள் மிகவும் நன்று...

உண்மையானவர்களுக்காக...
உண்மையற்றதை தேடி..
உலகமெங்கும்...நாம்..
நன்றி..வாசன்.

மூன்று வருடங்கள் ஓடிவிட்டன. ஆனால் இவர் கூறிய வார்த்தைகளில்
உள்ள சோகம் மாறாமல் அப்படியேதான் உள்ளது.
இதைப் படித்த பிறகு கண்கள் கலங்கிவிட்டன.

உண்மையானவர்களுக்காக... உண்மையற்றதை தேடி.. உலகமெங்கும்...நாம்.. நன்றி..வாசன். wrote:

உண்மைதான் நண்பா
ஒன்றுமில்லாத பணம்தான் இப்போது தேவையானதாக இருக்கிறது.