‘balik India’ என்று கூறியதற்கு ஆதாரமுமில்லை, மன்னிப்பும் இல்லை

**சிவா** · **சிவா** Mon Jan 10, 2011 9:32 pm

இந்திய முஸ்லீம் உணவக உரிமையாளர் ஒருவரிடம் இனவாத கருத்தை தெரிவித்ததற்காக வெளிப்படையாக மன்னிப்புக் கேட்பதற்கு கொம்தார் சட்டமன்ற உறுப்பினர் இங் வேய் அய்க் மறுத்து விட்டார். அது ஆதாரமற்ற குற்றச்சாட்டு என்றவர் கூறுகிறார்.

கடந்த ஞாயிறன்று உணவக உரிமையாளர் சைய்ட் கசாலி மொகமட் அலியாரிடம், ‘கடையை மூடி விட்டு, இந்தியா திரும்பிச் செல்லுங்கள்,’ என்று இங் கூறியதாக, மலேசிய இந்திய முஸ்லீம் காங்கிரசின் (கிம்மா) தலைவர் ஃபாருக் வி.ராஜூ மொகமட் தெரிவித்தார்.

ஆயினும், அதற்குப் போதிய ஆதாரங்கள் கிடையாதென இங் சுட்டிக்காட்டினார்.

Youtubeல் பதிவேற்றம் செய்யப்பட்ட காணொளிக் காட்சியொன்று, தாம் இனவாதக் கருத்தை கூறுவதைக் காட்டும் ஆதாரத்தைக் கொண்டிருக்கவில்லை என்பதால் மன்னிப்புக் கேட்க வேண்டிய அவசியமில்லை என்றாரவர்.

மாறாக, பொய்க் குற்றச்சாட்டுக்காக அவர்கள்தான் மன்னிப்புக் கேட்க வேண்டும் என்று, இங் கூறினார். அவர், பினாங்கு முதலமைச்சர் லிம் குவான் எங்கின் அரசியல் செயலாளராவார்.

ஒரு வார கால அவகாசம்

‘balik India’ என்று கூறியதற்கு ஆதாரமுமில்லை, மன்னிப்பும் இல்லை Ng-1

‘balik India’ என்று கூறியதற்கு ஆதாரமுமில்லை, மன்னிப்பும் இல்லை Ng-1

ஃபாருக்கும், அந்த உணவக உரிமையாளர் சைய்ட் கசாலி முகமட் அலியாரும் பொது மன்னிப்புக் கூறுவதற்கு ஒரு வார கால அவகாசம் வழங்கப்பட்டுள்ளது. இல்லாவிடில் அவர்களுக்கு எதிராக சட்ட நடவடிக்கை
எடுக்கப்படும்.

இந்திய முஸ்லீம் சமூகத்தினருக்கு எதிராக அத்தகைய இனவாதக் கருத்தை தாம் கூறியதற்கான ஆதாரமிருந்தால், லிம்மின் அரசியல் செயலாளர் பதவியிலிருந்து விலகுவதற்குத் தாம் தயார் என்றாரவர்.

ஆனால் அவ்விருவரும் மன்னிப்புக் கேட்டு, அந்த குற்றச்சாட்டை மீட்டுக் கொண்டால், அதனை ஏற்றுக் கொண்டு சட்ட நடவடிக்கை எடுக்காமல் இருப்பதற்கும் இங் முன்வந்துள்ளார்.

கடந்த ஞாயிறு இரவு, பினாங்கு நகராண்மைக் கழக அமலாக்க அதிகரிகளுடன், காசிமின் உணவகத்தை இங் பார்வையிட்டார். இதற்கு ஒரு மணி நேரத்துக்கு முன்னர்,அந்த கடைக்கருகே இரு வாகனங்கள் சம்பந்தப்பட்ட விபத்தொன்று நிகழ்ந்தது.

இவ்வேளையில், இனவாத கருத்தை கூறியதற்காக இங்கை தவறாகச் சித்தரிக்கும் செய்திகள் வெளியானதை தொடர்ந்து, அவரும், ஜசெக வழக்குரைஞரும் டெலிமா சட்டமன்ற உறுப்பினருமான ஆர்எஸ்என் ராயரும் அவ்விருவருக்கும் எதிராக போலீசில் புகார் செய்துள்ளனர்.

பாக் லா: இங் ஆணவக்காரர்

‘balik India’ என்று கூறியதற்கு ஆதாரமுமில்லை, மன்னிப்பும் இல்லை Ng-2

‘balik India’ என்று கூறியதற்கு ஆதாரமுமில்லை, மன்னிப்பும் இல்லை Ng-2

இதனிடையே, சைய்ட் கசாலிக்கு எதிரான இங்கின் செயல் ஆணவமிக்கது என, முன்னாள் பிரதமர் அப்துல்லா அகமது படாவி வர்ணித்துள்ளார்.

சைய்ட் கசாலிக்கு எதிராக இங், சொந்த நடவடிக்கை எடுத்து, அமலாக்க நடவடிக்கையில் தலையிட்டுள்ளது தவறான செயல் என்று கெப்பாளா பத்தாஸ் நாடாளுமன்ற உறுப்பினரான அப்துல்லா கூறினார்.

அந்த உணவக உரிமையாளர் குற்றங்களைப் புரிந்தால் அது குறித்து சம்பந்தப்பட்ட அதிகாரிகளிடம் இங் புகார் செய்ய வேண்டும் என்றாரவர்.

மலேசியாஇன்று!http://www.malaysiaindru.com/?p=63115

‘balik India’ என்று கூறியதற்கு ஆதாரமுமில்லை, மன்னிப்பும் இல்லை

‘balik India’ என்று கூறியதற்கு ஆதாரமுமில்லை, மன்னிப்பும் இல்லை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக