விடிய விடியக் கொட்டித் தீர்த்த கடும் மழை; வெள்ளத்தில் மிதக்கும் கிழக்கு மாகாணம்! நிர்க்கதியான நிலையில் மக்கள்

விடிய விடியக் கொட்டித் தீர்த்த கடும் மழை; வெள்ளத்தில் மிதக்கும் கிழக்கு மாகாணம்! நிர்க்கதியான நிலையில் மக்கள்



கிழக்கு மாகாணத்தில் தற்போது பெய்து வருகின்ற கடும் மழை காரணமாக பல்லாயிரக்கணக்கான மக்கள் இடம்பெயர்ந்துள்ளனர்.

கிழக்கு மாகாணத்தின் மட்டக்களப்பு, அம்பாறை ஆகிய மாவட்டங்களில் கடும் காற்றுடன் கூடிய மழை பெய்து வருவதாக அங்கிருக்கும் தமிழ் சி.என்.என் இன் சிறப்பு செய்தியாளர் தெரிவித்தார்.

கடும் மழை மற்றும் காற்று வீசி வருவதனால் நிலவி வரும் கடும் குளிர் காரணமாக முதியவர் ஒருவர் உயிரிழந்துள்ளார். மட்டக்களப்பு, அம்பாறை மாவட்டங்களில் நேற்று மாலை முதல் பெய்து வரும் கடும் மழையினால் பல இடங்கள் வெள்ளத்தினால் மூழ்கியுள்ளன.

குறிப்பாக மட்டக்களப்பு கல்முனை பிரதான வீதி வெள்ளத்தினால் உடைந்துள்ளதால் போக்குவரத்தும் தடைப்பட்டுள்ளதாக எமது செய்தியாளர் கூறினார்.



அத்தோடு அங்கு இன்று காலை ஆறு மணி முதல் மின்சாரம் முற்றாக துண்டிக்கப்பட்டுள்ளது.

வெல்லாவெளி பிரதேசத்தின் சில பகுதிகளில் வெள்ள நீர் சூழ்ந்துள்ளதால் அங்குள்ள மக்கள் வெளியேற முடியாமல் தவித்துக் கொண்டிருக்கின்றனர்.

இவர்களை வெளியேற்ற மட்டக்களப்பு மாவட்ட நாடாளுமன்ற உறுப்பினர் பா. அரியநேத்திரன் அனர்த்த முகாமைத்துவ அமைச்சிடம் தொடர்பு கொண்டு உதவிகளைக் கோரியுள்ளார்.

அந்த பிரதேசத்திலுள்ள மக்களை வெளியேற்ற ஹெலிகொப்டர், மற்றும் கடற்படையினரின் படகுகளை அனுப்பி வைக்குமாறும் கோரியுள்ளார்.

அம்பாறை மாவட்டத்தின் கரையோரம் உட்பட அனைத்து பகுதிகளிலும் வெள்ளம் ஏற்பட்டுள்ளது.

அம்பாறை மாவட்டத்தில் பொத்துவில், திருக்கோவில், ஆலையடிவேம்பு, அக்கரைப்பற்று, அட்டாளைச்சேனை, நிந்தவூர், காரைதீவு, சம்மாந்துறை, சாய்ந்தமருது, கல்முனை, பாண்டிருப்பு, நாவிதன்வெளி, போன்ற பிரதேசங்கள் முற்றாக நீரில் மூழ்கி கடுமையாகப் பாதிக்கப்பட்டுள்ளன.

மட்டக்களப்பின் 14 செயலகப் பிரிவிலுள்ள பகுதிகள் வெள்ளத்தினால் நீரில் மூழ்கியுள்ளன.

மட்டக்களப்பு மாவட்டத்தில் காத்தான்குடி, கல்லடி, கொக்கட்டிச்சோலை, களுவாஞ்சிக்குடி, கல்லாறு, வெல்லாவெளி, வாழைச்சேனை, ஐயங்கேணி, ஏறாவூர், ஓட்டமாவடி, கிராண், கற்குடா, வாகரை, கரடியனாறு, புலிபாய்ந்த கல், வவுணதீவு, தரவை, குடும்பிமலை ஆகிய பகுதிகளில் வெள்ளம் ஏற்பட்டுள்ளது.

மட்டக்களப்பு, அம்பாறை ஆகிய பகுதிகளில் வெள்ளத்தினால் பாதிக்கப்பட்ட மக்கள் தங்களுடைய உறவினர்களது வீடுகளிலும், கோவில்களிலும் பொது இடங்களிலும் தஞ்சமடைந்துள்ளனர்.








function random_banner(){
var i=0;
banners = new Array();
banners[0] = '';
banners[1] = '';

banners[2] = '';

today = new Date();
i=today.getSeconds();
n=banners.length;
return banners[i-Math.round((i-1)/n)*n];
}