நமக்கு உகந்த சூழ்நிலைகளை நாமே உருவாக்கிக் கொள்ளலாம்!

நம் உள்ளத்தில் எழும் உணர்ச்சிகள் தாம் எதிரியின் உள்ளத்திலும் பிரதிபலிக் கின்றன. எதிரியின் உள்ளத்தில் மட்டும் அல்ல, நமது சூழ்நிலை களிலும் கூட நம் உணர்ச்சிகள் தான் பிரதிபலிக்கின்றன.

அந்த முறையில், நம்முடைய சூழ்நிலை களை நாமே உருவாக்கிக் கொள்ளக் கூடிய ஆற்றல், இறைவனால் நமக்கு அளிக்கப்பட்டுள்ளது என்று கொள்வது தவறாகாது.

நம் உள்ளத்தில் பயம் குடிகொண்டி ருக்குமாயின் நமது சூழ்நிலைகளும் மிகப் பயங்கர மாகக் காட்சியளிக்கும். இந்த உண்மையைக் கருத்தில் கொண்டு தான் ‘அரண்டவன் கண்ணுக்கு இருண்டதெல்லாம் பேய்’ என்ற முதுமொழி எழவாயிற்று.

நம் உள்ளத்தில் நம்பிக்கை பிறக்கு மானால், அந்த நம்பிக்கையை வலுப் படுத்தக் கூடிய நிகழ்ச்சிகளும் நமது சூழ்நிலையிலே காட்சியளிக்கத் தொடங்கும்.

நம்பிக்கையில் தன்னம்பிக்கை என்றும், நன்னம்பிக்கை என்றும் இரண்டு வகைகள் உண்டு.

அறத்தின் ஆற்றலிலும், இறைவனின் கருணையிலும் நமக்குள்ள நம்பிக்கை கள் நன்னம்பிக்கைகள். அவற்றைத் தவிர இன்னொரு வகையான நன்னம்பிக்கையிலும் நாம் பயிற்சி பெற வேண்டும்.

அதாவது, உலகிலுள்ள எல்லா மனிதர்களுமே தம் இயல்பால் நல்லவர்கள் தாம். ஏதோ சந்தர்ப்ப வசத்தால் அவர்கள் சில பல சமயங்களில் தீயவர்களாக நடந்து கொள்ளலாம். அதற்காக அவர்களைத் தீயவர்கள் என்றே நாம் முடிவு கட்டிவிடலாகாது. அதற்கு மாறாக, அவர்கள் எல்லோரும் நல்லவரே என்று நாம் நம்ப வேண்டும் என்ற மனப்பான்மையே அந்த மூன்றாவது வகையான நன்னம்பிக்கைக்கையாகும்.

எதிரியின் மீது இத்தகைய ஒரு நன்னம்பிக்கை நமக்கு ஏற்பட்டு விடுமானால், உலகத்துக்கு எல்லாம் அவன் கொடியவனாகக் காட்சியளித்தாலும் நம்மைப் பொறுத்த வரையில் அவன் மிக நல்லவனாகவே நடந்து கொள்வான்.

அதற்கு மாறாக, எதிரி தீயவன், அவன் நமக்குத் தீமையே செய்வான். ஆகையால், அவனிடம் நாம் மிக எச்சரிக்கையோடு நடந்து கொள்ள வேண்டும் என்ற உணர்வு நம் உள்ளத்திலே குடிகொண்டிருக்கு மானால், ஊருக்கெல்லாம் நல்லவன் என்று பெயரெடுத்தவன் கூட, நம்மைப் பொறுத்த வரை யில் மிகப் பொல்லாதவனாகவே நடந்து கொள்வான்.

எனவே, நம்மோடு தொடர்பு கொள்பவர்களை நமக்கு நண்பர்களாக்குவதும், நம்முடைய மனப்பான்மையே தவிர, வேறு எதுவும் அல்ல.

நன்றி: தினகரன்

அழகான படைப்பு அனைவவரும் ஏற்று நடக்கவேண்டிய ஒன்று வாழ்துக்கள்