நீண்ட கம்மல் அணிபவரா நீங்கள்!

'ஹாங்கிங் டைப்' கம்மல் நீண்ட அணிபவரா நீங்கள்?


கழுத்து வரை நீளமாக தொங்கும் கம்மல் அணிவது தான் லேட்டஸ்ட் பேஷன். கல்லூரி மாணவிகள் மட்டுமின்றி, வேலைக்கு செல்பவர்கள், பள்ளிக் குழந்தைகள் என அனைவரும் இந்த வகை கம்மல்களை விரும்பி அணிகின்றனர். அதற்கு ஏற்றார் போல, கடைகளில் கண்ணை கவரும் படியான விதவிதமான கம்மல்கள் பல்வேறு டிசைன்களில் விற்கப்படுகின்றன. "ஹாங்கிங்' கம்மல்கள் அணிவது காதிற்கு நல்லதா இல்லையா என்பது பற்றியெல்லாம் யாருக்கும் கவலை இல்லை. இன்றைய பேஷன் இதுதான் என்று கிடைப்பதை காதில் மாட்டிக் கொள்கின்றனர்.

இந்த கம்மல்கள் அதிக எடை இல்லாமல் இருந்தால், எவ்வித தடையும் இல்லை. அதிக எடை கொண்ட கம்மலை அணிவதால், காதின் துளை பெரிதாகி, மருத்துவரிடம் செல்லும் அளவிற்கு மோசமான சூழ் நிலை ஏற்படும் வாய்ப்பு உள்ளது. இது தெரியாமல், நீளமாக தொங்கும் வகையிலான கம்மல்கள் அணிவதையே பெரும்பாலான பெண்கள் விரும்புகின்றனர். இன்றைய "ஹாங்கிங் டைப்' கம்மலைப் போன்றே, அந்த காலத்தில், வயதான பெண்கள் பாம்படம் எனப்படும் ஒரு வகையான காதணியை அணிந்தனர்.

இது அளவில் மிகவும் பெரியதாக இருந்தாலும், இதை அணிவதால், அவர்களுக்கு எந்தவிதமான தீங்கும் ஏற்படவில்லை. காரணம், பாம் படத்தின் <உள்ளே அரக்கு பூசி அணிந்தனர். இதனால், கம்மலின் எடை குறைவாகவே இருக்கும். ஆனால், தற்போதைய கம்மல்கள் அதிக எடையுடன் காணப்படுவதால், அவற்றை அணியும் போது, பல்வேறு பிரச்னைகள் ஏற்படுகின்றன. அழகுக்கலை அறுவை சிகிச்சை நிபுணர்கள் கூறியதாவது: காதில் தொங்கும் சதையை சீரமைப்பதற்காக, அதிக அளவில் பெண்கள் வருகின்றனர். இதற்குக் காரணம், அதிக எடையுள்ள கம்மல்கள்.

காதின் கீழ் தொங்கும் சதையில் மிகவும் மென்மையான திசுக்கள் காணப்படுகின்றன. அதிக எடையுள்ள கம்மல்களை தாங்கும் திறனின்றி ஏற்படும் தொய்வால், காதின் துளை நீண்டு தொங்கும் நிலை ஏற்படுகிறது. இன்னும் சிலருக்கு காதில், கம்மல் அணியும் துளை இரண்டாக பிளவு படும் வாய்ப்பும் உள்ளது. இவ்வாறு பிளவுப் பட்ட காதின் துளையை, மீண்டும் இணைத்து தையல் போட, 20 நிமிடங்கள் ஆகும்.

இந்த சிகிச்சை, மயக்க மருந்து கொடுத்து செய்யப்படுகிறது. இப்படி தையல் போட்ட பின், நோயாளி ஆறு வாரங்களுக்கு பின், மீண்டும் தனது காதில் துளை போட்டுக் கொள்ளலாம். அதுமட்டுமின்றி, பேஷன் நகைகள் அணியும் வகையில் தங்கள் காதுகளை வலுப்படுத்தும் அறுவை சிகிச்சை செய்யவும் சில பெண்கள் கூறுகின்றனர்.

வெளிநாடுகளில் இதற்கான சிகிச்சைகள் கிடைக்கின்றன.இவ்வாறு நிபுணர்கள் கூறுகின்றனர்.

காது வளையம் - 'ear ring ' போட்டாலும் காது இழையும் ஆபத்து உண்டு. பார்த்து போடணும்.