திண்டுக்கல்: மது அருந்திவிட்டு பணம் தராமல் ரகளையில் ஈடுபட்ட மாணவர்கள்

**சிவா** · **சிவா** Wed Jan 05, 2011 1:43 pm

திண்டுக்கல்லில் உள்ள அரசு டாஸ்மாக் பாரில் மது அருந்திவிட்டு பணம் தராமல், கல்லூரி மாணவர்கள் ரகளையில் ஈடுபட்டுள்ளனர்.

திண்டுக்கல் பகுதியில் உள்ள தனியார் கல்லூரி ஒன்றில் மூன்றாம் ஆண்டு படிக்கும் மாணவர்கள் 12 பேர், திண்டுக்கல் பேருந்து நிலையம் அருகே உள்ள மதுபானக் கடையில் மது அருந்தியுள்ளனர்.

சாப்பிட்ட உணவுப் பொருட்களுக்கான தொகை 740 ரூபாயை தருமாறு பார் ஊழியர்கள் மாணவர்களிடம் கேட்டுள்ளனர்.

பணத்தை கொடுக்க மறுத்த மாணவர்கள், பார் ஊழியர்களிடம் தகராறில் ஈடுபட்டனர். மேலும் பாரில் இருந்த மேசை, நாற்காலி ஆகியவற்றை அடித்து நொறுக்கினர். பார் ஊழியர்களை பாட்டில்களால் தாக்கியுள்ளனர். இதில் திரவியம், பெருமாள், பழனிச்சாமி ஆகிய மூன்று பார் ஊழியர்கள் காயம் அடைந்தனர்.

குடிபோதையில் ரகளையில் ஈடுபட்டு தப்பியோடிய 2 பேரை போலீசார் கைது செய்துள்ளனர். இதுகுறித்து வழக்குப் பதிவு செய்த திண்டுக்கல் போலீசார், தப்பியோடிய 10 மாணவர்களை பிடிக்க நடவடிக்கை மேற்கொண்டுள்ளனர்.

நக்கீரன்!