வெளிநாட்டுத் தமிழர்களுக்கு ஆப்புவைக்கும் விசா

நிசாந்தன் · நிசாந்தன் Mon Jan 03, 2011 5:00 pm

வெளிநாட்டு கடவுச்சீட்டு உள்ளவர்கள் இலங்கையின் இணையத்தளம் மூலமாக விசாவினைப் பெற்றுக்கொள்ளலாம் எனவும், சிரமங்களைட்த் தவிர்க்கவே தாம் இப் புதிய நடைமுறையைக் கொண்டுவருவதாகவும் இலங்கை அரசு அறிவித்துள்ளது. தற்போது உள்ள நடைமுறையில் வெளிநாட்டு கடவுச்சீட்டு உள்ளவர்கள் இலங்கை செல்லும்போது, விமானநிலையத்தில் வைத்தே அவர்களுக்கான விசா வழங்கப்படும் நடைமுறை காணப்படுகிறது. இலங்கை அரசின் இவ்வறிக்கையானது பல சந்தேகங்களைக் கிளப்பியுள்ளது.

அதாவது இனிவரும் காலங்களில் இலங்கைக்குச் செல்வோர் தத்தமது நாடுகளில் விசாவைப் பெற்றே செல்லவேண்டிய சூழ் நிலை தோண்றலாம் என அஞ்சப்படுகிறது. இதன்மூலம் வெளிநாட்டில் உள்ள தமிழர் ஒருவருக்கு இலங்கை அரசாங்கம் தனது நாட்டிற்குள் செல்ல தடைவித்திக்கலாம். இல்லையேல் குறித்த நபருக்கு விசாவை வழங்கிவிட்டு அவரைப் பற்றிய தகவல்களைத் திரட்டி தனது டேட்டா பேசில் பதிவுசெய்து வைக்கலாம். மேலும் அவரை இலங்கை விமானநிலையத்தில் கைதும் செய்யலாம்.

எனவே இலங்கை அரசானது, விசா நடை முறையை பட்டும் படாமலும் அரங்கேற்றிவருகிறது என்றே சொல்லவேண்டும் . இது குறித்த மேலதிக தெளிவுபடுத்தல்கள் எதனையும் இலங்கை அரசுவெளியிடவில்லை. இலங்கைக்கு வரும் வெளிநாட்டவர்கள் கட்டாயம் விசா எடுத்தபின்னரே இலங்கைக்குள் வரலாம் என்ற சட்டத்தை இயற்ற அரச தரப்பில் உள்ள பல முக்கிய புள்ளிகள் முனைவதாகவும், ஆனால் அதனை சுற்றுலாத் துறையினரும் புத்திஜீவிகளும் கடுமையாக எதிர்ப்பதாகவும் சொல்லப்படுகிறது.

வெளிநாட்டுத் தமிழர்களுக்கு ஆப்புவைக்கும் விசா

வெளிநாட்டுத் தமிழர்களுக்கு ஆப்புவைக்கும் விசா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக